November 2025 Bank Holidays: நவம்பர் மாதத்தில் வங்கிகளுக்கு எத்தனை நாட்கள் விடுமுறை தெரியுமா?

November 2025 Bank Holidays: நவம்பர் மாதம் இந்திய வங்கி ஊழியர்களுக்கு மிகவும் அமைதியான மற்றும் அதிக விடுமுறைகள் கொண்ட மாதமாக இருக்கப்போகிறது. வார இறுதி நாட்கள் மற்றும் அந்தந்த பிராந்திய பண்டிகைகள் என மொத்தம் 11 வங்கி விடுமுறைகள் நவம்பர் மாதத்தில் வரப்போகிறது.

இந்த நாட்களில் வங்கிக் கிளைகள் மூடப்பட்டிருந்தாலும், வாடிக்கையாளர்கள் ஏடிஎம்கள், ஆன்லைன் வங்கி மற்றும் மொபைல் வங்கி போன்ற முக்கியமான வங்கி சேவைகளைப் பயன்படுத்திக் கொள்ளலாம். விடுமுறைகள் அதிகமிருந்தாலும் வங்கி சேவைகளில் பாதிப்பு இருக்காது என்று கூறப்படுகிறது.

இந்திய ரிசர்வ் வங்கியின் (RBI) விதிமுறைகளின்படி, இந்திய வங்கிகள் பொது விடுமுறை நாட்களையும் வார இறுதி நாட்களையும் வங்கி விடுமுறை நாட்களாகக் கொண்டுள்ளன. மாநில அரசுகளும் அவர்களின் பிராந்திய விழாக்களுக்கு ஏற்ப விடுமுறை நாட்களை தீர்மானிக்கின்றன, இந்த பிராந்திய விடுமுறைகள் மாநிலத்துக்கு மாநிலம் வேறுபடும். கன்னட ராஜ்யோத்சவா மற்றும் குருநானக் ஜெயந்தி போன்ற மாநில பண்டிகைகள் உட்பட, நவம்பர் 2025 மாதத்திற்கான விடுமுறை நாட்களின் பட்டியலை RBI அறிவித்துள்ளது. அவை என்னென்ன என்று இந்த பதிவில் தெரிந்து கொள்ளலாம்.

நவம்பர் 2025 இல் வங்கி விடுமுறை நாட்களின் பட்டியல்

- நவம்பர் 1 (சனிக்கிழமை): கன்னட ராஜ்யோத்சவா/இகாஸ்-பாக்வால் - பெங்களூரு மற்றும் டேராடூனில் வங்கிகள் மூடப்படும்.

- நவம்பர் 2 (ஞாயிற்றுக்கிழமை): வார இறுதி விடுமுறை - நாடு முழுவதும் வங்கிகள் மூடப்படும்.

- நவம்பர் 5 (புதன்கிழமை): குருநானக் ஜெயந்தி/கார்த்திகை பௌர்ணமி - ஐஸ்வால், பெலாப்பூர், போபால், புவனேஸ்வர், சண்டிகர், டேராடூன், ஹைதராபாத், இட்டாநகர், ஜெய்ப்பூர், ஜம்மு, கான்பூர், கோஹிமா, கொல்கத்தா, லக்னோ, மும்பை, நாக்பூர், புது டெல்லி, ராய்ப்பூர், ராஞ்சி, சிம்லா மற்றும் ஸ்ரீநகர் போன்ற இந்தியாவின் பல நகரங்களில் வங்கிகள் மூடப்படும்.

- நவம்பர் 6 (வியாழக்கிழமை): நோங்க்ரெம் நடனம் - மேகாலயாவில் வங்கிகள் மூடப்படும்.

- நவம்பர் 7 (வெள்ளிக்கிழமை): வாங்கலா விழா - மேகாலயாவில் வங்கிகள் மூடப்படும்.

- நவம்பர் 8 (சனிக்கிழமை): இரண்டாவது சனிக்கிழமை - இந்தியா முழுவதும் வங்கிகள் மூடப்படும்.

- நவம்பர் 9 (ஞாயிறுக்கிழமை): வாராந்திர விடுமுறை - இந்தியா முழுவதும் வங்கிகள் மூடப்படும்.

- நவம்பர் 16 (ஞாயிறுக்கிழமை): வாராந்திர விடுமுறை - இந்தியா முழுவதும் வங்கிகள் மூடப்படும்.

- நவம்பர் 22 (சனிக்கிழமை): நான்காவது சனிக்கிழமை - இந்தியா முழுவதும் வங்கிகள் மூடப்படும்.

- நவம்பர் 23 (ஞாயிறு): வாராந்திர விடுமுறை - இந்தியா முழுவதும் வங்கிகள் மூடப்படும்.

- நவம்பர் 30 (ஞாயிறு): வாராந்திர விடுமுறை - இந்தியா முழுவதும் வங்கிகள் மூடப்படும்.

வங்கி சேவைகளில் பாதிப்பு

இந்த விடுமுறை நாட்களில் வங்கிக் கிளைகள் மூடப்பட்டிருந்தாலும், வாடிக்கையாளர்கள் ஏடிஎம்கள், இணைய வங்கி, டெபாசிட் இயந்திரங்கள் மற்றும் மொபைல் வங்கி பயன்பாடுகளைப் பயன்படுத்தி வங்கிச் சேவைகளைத் தொடர்ந்து பெற்றுக் கொள்ளலாம். இதனால் வங்கிக் கிளைகள் மூடப்படுவதால் வாடிக்கையாளர்கள் பெரிதாக பாதிக்கப்படுவதில்லை.