மேஷ ராசியில் புதன் உதயமாவதால் மே 10 முதல் இந்த 3 ராசிக்காரர்களின் விருப்பங்கள் நிறைவேறப் போகுது...

Mercury Rise In Aries: ஜோதிடத்தில் நவகிரகங்களின் இளவரசனாக கருதப்படுபவர் புதன். இந்த புதன் பேச்சு, படிப்பு, வியாபாரம், புத்திசாலித்தனம் ஆகியவற்றின் காரணியாக கருதப்படுகிறார். இந்த புதன் தற்போது செவ்வாய் ஆளும் மேஷ ராசியில் பயணித்து வருகிறார்.

அதுவும் அஸ்தமன நிலையில் பயணித்து வருகிறார். அஸ்தமன நிலையில் கிரகங்கள் வலுவிழந்து, அதனால் கிடைக்கும் நற்பலன்கள் கிடைக்காமல் தாமதமாகும். இந்நிலையில் புதன் மேஷ ராசியில் உதயமாகவுள்ளார்.

அதுவும் மே 10 ஆம் தேதி புதன் மேஷ ராசியில் அஸ்தமனமாகவுள்ளார். இதனால் இதுவரை புதனால் கிடைக்கவிருந்த நற்பலன்களில் ஏற்பட்ட தடைகள் விலகி, இனிமேல் நற்பலன்கள் கிடைக்கவுள்ளன. இப்போது மேஷ ராசியில் உதயமாகும் புதனால் எந்த ராசிக்காரர்கள் நற்பலனைப் பெறவுள்ளார்கள் என்பதைக் காண்போம்.

மிதுனம்

மிதுன ராசியின் 11 ஆவது வீட்டில் புதன் உதயமாகவுள்ளார். இதனால் வியாபாரிகளுக்கு நல்ல லாபம் கிடைக்கும். நண்பர்களிடம் இருந்து சில நன்மைகளைப் பெறுவீர்கள். நீண்ட காலமாக நிலுவையில் இருந்த வேலைகள் இக்காலத்தில் வெற்றிகரமாக முடிக்கப்படும். பணியிடத்தில் நீங்கள் தீட்டும் புதிய திட்டத்தால் நல்ல பலன்களைப் பெறுவீர்கள். திருமண வாழ்க்கை மகிழ்ச்சி நிறைந்திருக்கும். தம்பதிகளுக்கு இடையே காதல் அதிகரிக்கும்.

சிம்மம்

சிம்ம ராசியின் 9 ஆவது வீட்டில் புதன் உதயமாகவுள்ளார். இதனால் சிம்ம ராசிக்காரர்களின் அதிர்ஷ்ட பிரகாசிக்கப் போகிறது. உங்களின் செலவுகள் அதிகரித்தாலும், நல்ல பண வரவும் இருக்கும். உங்கள் தந்தையின் ஆதரவு மற்றும் வழிகாட்டுதல் மூலம், புதிய வேலையைத் தொடங்குவீர்கள். நண்பர்களுடன் பயணம் மேற்கொள்ளும் வாய்ப்புகள் கிடைக்கும். ஊடகத்துறையில் பணிபுரிபவர்களுக்கு இக்காலத்தில் நல்ல பெயர் கிடைக்கும் வாய்ப்புள்ளது.

கும்பம்

கும்ப ராசியின் 3 ஆவது வீட்டில் புதன் உதயமாகவுள்ளார். இதனால் இக்காலத்தில் உங்கள் பேச்சுத்திறன் சிறப்பாக இருக்கும். எழுத்து தொடர்பான வேலை செய்பவர்களுக்கு இக்காலத்தில் முன்னேற்றத்திற்கான நல்ல வாய்ப்புகள் கிடைக்கும். இக்காலகட்டத்தில் பேச்சாலேயே பல காரியங்களை வெற்றிகரமாக முடிப்பீர்கள். குடும்ப உறுப்பினர்களுடன் போதுமான நேரத்தை செலவிடும் வாய்ப்புகள் கிடைக்கும். அதிர்ஷ்டத்தின் முழு ஆதரவு கிடைக்கும். வேலை செய்பவர்களுக்கு பணியிடத்தில் நல்ல மரியாதை கிடைக்கும்.

(பொறுப்புத் துறப்பு: மேலே கொடுக்கப்பட்டுள்ள தகவல் இணையத்தில் கிடைக்கும் அனுமானங்கள் மற்றும் தகவல்களின் அடிப்படையில் கொடுக்கப்பட்டுள்ளன மற்றும் நம்பகத்தன்மைக்கு உத்தரவாதம் இல்லை. தமிழ் போல்ட்ஸ்கை கட்டுரை தொடர்பான தகவலை உறுதிப்படுத்தவில்லை. மேலும் எங்கள் ஒரே நோக்கம் தகவலை வழங்குவது மட்டுமே. அதை வெறும் தகவலாக மட்டும் எடுத்துக் கொள்ள வேண்டும். எந்தவொரு தகவலையும் அனுமானத்தையும் பயிற்சி செய்வதற்கு அல்லது செயல்படுத்துவதற்கு முன், தயவுசெய்து சம்பந்தப்பட்ட நிபுணரை அணுகவும்.)