28 கோடி மதிப்புள்ள காரை 88 கோடி விலை கொடுத்து வாங்கிய இந்த இந்திய பணக்காரர் யார் தெரியுமா? அம்பானி இல்ல...!

இந்தியாவில் பணக்காரர் என்றாலே அனைவருக்கும் முதலில் நினைவிற்கு வருவது முகேஷ் அம்பானிதான். முகேஷ் அம்பானியும், அவருடைய குடும்பத்தினரும் கார்கள் மீதான அவர்களின் அதீத விருப்பத்திற்கு அறியபட்டவர்கள். ரோல்ஸ் ராய்ஸ் கம்பெனி கார்களின் கலெக்ஷனே அவர்களிடம் உள்ளது என்று கூறலாம். ஆனால் அவர்களிடம் கூட இல்லாத ஒரு கார் மற்றொரு இந்தியரிடம் உள்ளது.

நீங்கள் நினைப்பது போல அவர் அதானி அல்ல. புக்காட்டி சிரோனின் பெருமைமிக்க உரிமையாளர் என்று தன்னை அழைக்கக்கூடிய ஒரே ஒரு இந்தியர் அவர் மட்டுமே. அவர் 10.7 மில்லியன் டாலர் (சுமார் ரூ. 88 கோடி) விலை கொடுத்து தனித்துவமான புக்காட்டி ஸ்போர்ட்ஸ் காரை வாங்கியுள்ளார்.

Photo Credit:

இந்தியாவின் மிகப்பெரிய செல்வந்தர்களான முகேஷ் அம்பானியிடமோ அல்லது கௌதம் அதானியிடமோ புக்காட்டி சிரோன் போன்ற விலையுயர்ந்த கார் இல்லை, இந்த காருக்கு சொந்தக்காரர் அமெரிக்காவைச் சேர்ந்த இந்திய வம்சாவளி தொழிலதிபர் மயூர் ஸ்ரீ. உலகிலேயே அதிக மக்கள்தொகை கொண்ட நாடான இந்தியாவில், நவீன புகாட்டி கார்கள் எத்தனை உள்ளது என்று உங்களுக்குத் தெரியுமா? பூஜ்ஜியம்தான்.

இந்தியாவில் புகாட்டி ஹைப்பர்கார் இடம் இல்லை, ஆனால் புகாட்டி சிரோன் வைத்திருக்கும் ஒரே இந்தியர் மயூர் ஸ்ரீ மட்டுமே. RM Paris கலெக்டர் கார் ஏலத்தில் புகாட்டி சிரோனை ரூ. 88 கோடிக்கு மயூர் ஸ்ரீ வாங்கியுள்ளார், இதன்மூலம் புகாட்டியின் அல்ட்ரா-பிரீமியம் ஸ்போர்ட்ஸ் காரை வைத்திருக்கும் ஒரே இந்தியர் என்ற பெருமையை அவர் பெற்றுள்ளார்.

உண்மையில் புகாட்டி நிறுவனம் ஆரம்பத்தில் சிரோன் ப்ரோஃபிலியை ஒரு மாடல் காராக மட்டுமே கருதியது, விற்பனைக்காக தயாரிக்காவில்லை. இருப்பினும், உலகின் அதிவேகமான மற்றும் தொழில்நுட்பரீதியாக மேம்பட்ட கார்களில் ஒன்றாக கருதப்படும் சிரோன், இறுதியில் பாரிஸ் கார் ஏலத்தில் $10.7 மில்லியன் என்ற அதிகபட்ச தொகைக்கு விற்கப்பட்டுள்ளது.

மயூர் ஸ்ரீ யார்?

மயூர் ஸ்ரீ ஒரு இந்திய-அமெரிக்க ரியல்-எஸ்டேட் தொழிலதிபர் ஆவார், மயூர் அவருடைய நம்ப முடியாத கார் சேகரிப்புக்காக பிரபலமானவர், அதில் இப்போது புகாட்டி சிரோனும் சேர்ந்துள்ளது. மயூரின் புகாட்டி சிரோனின் விலை தெரியவில்லை, ஏனெனில் சிரோன் கார்கள் ஒவ்வொன்றும் தனித்துவமாக வடிவமைக்கப்பட்டவை மற்றும் விலை ஒரு வடிவமைப்பிலிருந்து மற்றொன்றுக்கு முற்றிலும் மாறுபடும்.

இருப்பினும், CarDekho படி, மயூர் ஸ்ரீ வாங்கியது புகாட்டி சிரோன் ஸ்போர்ட் 2021 மாடல் ஆகும், இதன் மார்க்கெட் விலை ரூ.28 கோடி வரை இருக்கும். இந்த கார் உண்மையிலேயே மிகவும்பிரத்தியேகமானது, மொத்த பூமியிலும் இந்த வகை கார்கள் 100 மட்டுமே உள்ளன.

McLaren P1, Porsche GT3 RS, Aston Martin DBS Superleggera, Lamborghini Aventador Spyder, Urus மற்றும் Gallardo உள்ளிட்ட பிற பிரத்யேக கார் கலெக்ஷனைக் கொண்ட மயூர், அமெரிக்காவின் டெக்சாஸில் உள்ள சிரோனின் முதல் உரிமையாளரும் ஆவார்.

மயூர் ஸ்ரீ-ன் ரியல் எஸ்டேட் சாம்ராஜ்யம்

ரியல் எஸ்டேட் துறையில் மயூர் ஸ்ரீ மேற்கொண்ட முன்னேற்றம் அவரது மிக முக்கியமான சாதனைகளில் ஒன்றாக உள்ளது. செல்வத்தைக் கட்டியெழுப்பும் துறையாகவும், நீடித்த அடையாளத்தை உருவாக்குவதற்கான வழிமுறையாகவும் ரியல் எஸ்டேட்டின் திறனை அவர் ஆரம்பத்திலேயே அங்கீகரித்தார். அவரது ரியல் எஸ்டேட் முயற்சிகள் அமெரிக்கா மற்றும் இந்தியாவில் உள்ள முக்கிய இடங்கள் உட்பட பல்வேறு பகுதிகளில் பரவியுள்ளன. ரியல் எஸ்டேட் மீதான அவரது அணுகுமுறை துல்லியமான திட்டமிடல், மூலோபாய முதலீடுகள் மற்றும் வடிவமைப்பு மற்றும் செயல்பாட்டிற்கான தீவிரமான பார்வை ஆகியவற்றால் மிகப்பெரிய வெற்றியை அடைந்தது.