2014 ஆஸ்கருக்கு சிவப்பு நிற கவுனில் ஹாட்டாக வந்த ஜெனிபர் லாரன்ஸ்...!

அனைவரும் எதிர்பார்த்திருந்த 2014 ஆம் ஆண்டிற்கான ஆஸ்கர் விருது விழாவானது ஆரம்பமாகிவிட்டது. இந்த விழாவிற்கு நிறைய ஹாலிவுட் பிரபலங்கள் அட்டகாசமான உடையில் வந்துள்ளனர். மேலும் கடந்த வருடம் ஆஸ்கர் விருதைப் பெற்ற நடிகை ஜெனிபர் லாரன்ஸ், இந்த வருடமும் ஆஸ்கருக்கு பரிந்துரைக்கப்பட்டுள்ளார்.

இதுவரை ஆஸ்கர் விருதைப் பெறாத மிகவும் பிரபலமான ஹாலிவுட் நடிகர்கள்!!!

இந்த முறையும் விருதைத் தட்டிச் செல்வோம் என்ற நோக்கத்தில், ஜெனிபர் லாரன்ஸ் சிவப்பு நிற உடையில் ஹாட்டாகவும், க்யூட்டாகவும் வந்துள்ளார். ஜெனீபர் அணிந்துள்ள சிவப்பு நிற ஸ்ட்ராப்லெஸ் பெப்லம் கவுன், சிறப்பான உடைகளை அணிந்து வந்த பிரபலங்களில் ஒன்றாக இருக்கும் என்று நினைக்கிறோம்.

அதுமட்டுமல்லாமல், ஜெனிபர் லாரன்ஸ் இந்த சிவப்பு நிற கவுனுக்கு மேற்கொண்ட ஹேர்ஸ்டைல், உடைக்கு பொருத்தமாக உள்ளது. மேலும் அவர் சிவப்பு நிற உடைக்கு ஏற்றவாறு லைட் மேக் அப், சிவப்பு நிற லிப்ஸ்டிக் மற்றும் வைரக்கல் பதித்த கம்மல் மற்றும் நெக்லேஸ் அணிந்திருப்பது, அவரது அழகையே இன்னும் அதிகரித்து வெளிப்படுத்துகிறது.

என்ன நண்பர்களே! உங்களுக்கு ஜெனிபர் லாரன்ஸ் மேற்கொண்ட இந்த ஸ்டைல் பிடித்துள்ளதா...?