இன்று ஆடி மாதம் கடைசி நாள், வரலட்சுமி விரதம்.. இவங்கெல்லாம் கண்டிப்பாக விரதத்தை கடைப்பிடிக்கணுமாம்..!

ஆடி மாதத்தில் வரக் கூடிய வளர்பிறையில் வரும் கடைசி வெள்ளிக்கிழமையை தான் நாம் வரலட்சுமி விரதம் என்கிறோம். நாம் கேட்கும் அனைத்து வரங்களையும் அள்ளித் தரும் லட்சுமிதான் வரலட்சுமி. வாழ்வில் தீராத கஷ்டத்தில் இருப்பவர்களுக்கு நல்ல வழி காட்டி, பல விதமான வரங்களை தந்து, அவர்களை வளமாக வாழ வைக்கக் கூடியவள்தான் வரலட்சுமி.

வரலட்சுமி விரதம் உருவானதற்கு பல புராண கதைகள் சொல்லப்படுகின்றன. இருந்தாலும் வரலட்சுமி விரதத்தை கடைபிடித்த பிறகுதான் பார்வதி தேவி, முருகப் பெருமானை பெற்றெடுத்ததாகவும், விக்ரமாதித்தயன் இழந்த ராஜ்ஜியம், செல்வம் ஆகியவற்றை மீண்டும் கைப்பற்றியதாகவும் சொல்லப்படுகிறது.

விரதங்களுள் சிறந்தது வரலட்சுமி விரதம் என்கிறது சாஸ்திரங்கள்.. அந்த வகையில் இன்று வரலட்சுமி விரதம்.. ஆகஸ்ட் 16ஆம் தேதி 2024 இன்று மிக சிறப்பான நாள்.. காரணம் இன்று ஆடி மாதம் கடைசிநாள் அத்துடன் ஆடி கடைசி வெள்ளியும் இணைந்து வருகிறது.. குடும்பத்தின் வறுமை ஒழிந்து செல்வம் பெருகவும், கணவரின் ஆயுள் நலனைப் பெருக்கவும் சுமங்கலி பெண்களால் இந்த விரதம் கடைபிடிக்கப்படுகிறது. அந்த வகையில் இந்த விரதத்தை யாரெல்லாம் கடைப்பிடிக்கலாம் என்பது குறித்து இந்த பதிவில் தெரிந்துக் கொள்ளலாம் வாங்க..

வரலட்சுமி விரதத்தை யாரெல்லாம் இருக்கலாம்..

ஜாதகத்தில் சுக்கிரனுடன் ராகு, கேது, சேர்ந்து இருந்தால் அவர்கள் கண்டிப்பாக இந்த வரலட்சுமி விரதத்தை இருக்க வேண்டும். வியாபாரத்தில் பெரும் பண இழப்பு, தொடர்ந்து நஷ்டங்கள் ஏற்ப்பட்டுக் கொண்டிருந்தாலும் சுக்கிரன் சார்ந்த பிரச்சனைகள் இருப்பவர்களும் இந்த விரதத்தை கடைப்பிடிக்க வேண்டும்... திருமணம் ஆனது முதலே கணவன்-மனைவி பிரச்சனையாக உள்ளவர்கள், விவாகரத்து, நீண்ட நாட்களாக திருமணம் ஆகவில்லை என்பவர்கள், குழந்தை வரம் வேண்டுபவர்கள் வரலட்சுமி விரதத்தை இருக்கலாம்.

உடல் ஆரோக்கியத்திற்கு காரணமானவர் சுக்கிர பகவான் ஆவார்.. தீராத நோய், நீண்ட காலமாக நோயால் துன்பப்படுபவர்கள் மேலும் குடும்பத்தில் அனைவரும் ஆரோக்கியமாக இருக்க, அடிக்கடி உடல்நிலை சரியில்லாமல் போய், மருத்துவமனைக்கு செல்லும் நிலை, மருத்துவ செலவுகளை அதிகம் செய்துக் கொண்டே இருப்பர்கள் என அனைவருமே இந்த விரதம் இருக்கலாம். மேலும் தொடர்ந்து கடன்பட்டுக் கொண்டே இருப்பவர்கள், நகையை அடமானத்தில் வைப்பவர்கள், வறுமையில் சிக்கி தவிப்பவர்கள் அதிலிருந்து விடுபட மகாலட்சுமியின் அருள் தேவை. அப்படி லட்சுமியின் அருள் யாருக்கெல்லாம் தேவையோ அவர்கள் இந்த விரதத்தை இருக்கலாம்.

மகாலட்சுமியை வீட்டிற்கு அழைக்க உகந்த நேரம்:

16 ஆகஸ்ட் 2024 - காலை 6 மணி முதல் 7:20 வரை

வரலட்சுமி பூஜை செய்வதற்கான உகந்த நேரம்:

16 ஆகஸ்ட் 2024 - காலை 9 மணி முதல் 10:20 மணி வரை. அது போல அன்று மாலை 6 மணிக்கு மேல்

புனர்பூஜை செய்வதற்கான உகந்த நேரம்:

17 ஆகஸ்ட் 2024 - காலை 7:35 மணி முதல் 8:55 மணி வரை. அதுபோல் அன்று காலை 10:35 மணி முதல் 12 மணி வரை

18 ஆகஸ்ட் 2024 - காலை 7:45 மணி முதல் 8:45 மணி வரை. அதுபோல அன்று காலை 10:45 மணி முதல் 11:45 மணி வரை

இன்று கண்டிப்பாக வேங்க வேண்டிய பொருட்கள்..

இன்று அரிசி, துவரம் பருப்பு போன்ற பொருட்களை வாங்கலாம்.. அப்படி வாங்கினால் அதனை வரலட்சுமி நோம்பு பூஜை அறையில் வைத்து வழிபட்ட பிறகு, மறுநாள் சமையலுக்கு பயன்படுத்திக் கொள்ளலாம். எதுவும் வாங்க முடியவில்லை என்கிறவர்கள், எளிமையாக மஞ்சள், உப்பு ஆகிய இரண்டையும் வாங்கி, பூஜை அறையில் வைத்து வழிபடலாம்.