ரோல்ஸ் ராய்ஸ் காரின் பேன்சி நம்பர் ப்ளேட்க்கு 80 கோடி கொடுத்த இந்திய கோடீஸ்வரர்... அவரின் பெயர் என்ன தெரியுமா?

பணத்தை செலவழிப்பதில் இந்திய செல்வந்தர்களுக்கு நிகர் யாருமில்லை. இந்திய கோடீஸ்வரர்கள் என்று வரும்போது முதலில் நினைவிற்கு வருவது முகேஷ் அம்பானிதான். ஏனெனில் முகேஷ் அம்பானியும் மற்றும் அவரது குடும்பத்தினரால் அடிக்கடி வெளிக்காட்டப்படும் ஆடம்பர நிகழ்வுகளால் அது தெளிவாகிறது. சமீபத்தில் அவர்கள் குடும்பத்தில் நடந்த அனந்த் அம்பானி-ராதிகா மெர்ச்சண்ட் திருமணமே அதற்கு சாட்சி.

இந்தியா மட்டுமின்றி, துபாயில் வசிக்கும் இந்திய பில்லியனர்களும், தங்களின் ஆடம்பரமான வீடுகள் மற்றும் மிக விலையுயர்ந்த கார்களின் கலெக்ஷனுக்காக அடிக்கடி தலைப்பு செய்திகளில் வருவதை வழக்கமாக வைத்திருக்கிறார்கள்.

அப்படிப்பட்ட ஒரு இந்திய கோடீஸ்வரர்தான் அபு சபா, அவர் ஐந்து ரோல்ஸ் ராய்ஸ் கார்களை வைத்திருக்கிறார், மேலும் அவரது ரோல்ஸ் ராய்ஸ் கார்கள் ஒன்றின் ஆடம்பரமான பதிவு எண்ணுக்கு ரூ.80 கோடி செலுத்தியதாக கூறப்படுகிறது. அபு சபாவின் உண்மையான பெயர் பல்விந்தர் சாஹ்னி, அவர் இந்திய வம்சாவளியைச் சேர்ந்த துபாய் கோடீஸ்வரர் ஆவார், அவர் துபாயில் $100 மில்லியன் டாலர்கள் கொண்ட ஒரு ஆடம்பரமான மாளிகையில் வசித்து வருகிறார், மேலும் "D 5" என்ற நம்பர் பிளேட்டிற்கு ரூ. 80 கோடி செலுத்தியதாக தகவல்கள் தெரிவிக்கின்றன.

அபு சபாவின் விரிவான கார் சேகரிப்பும், ஃபேன்ஸி எண்களும்

அபு சபா ஆடம்பர கார்களின் விரிவான தொகுப்பைக் கொண்டுள்ளார், இது எந்தவொரு கார் ஆர்வலர்ரையும் பொறாமைப்படுத்தும் அளவில் உள்ளது. அவரது கேரேஜ் இரண்டு ரோல்ஸ் ராய்ஸ் கல்லினன் SUVகள், இரண்டு ரோல்ஸ் ராய்ஸ் பாண்டம் VIIIகள் மற்றும் ஒரு பிளாக் பேட்ஜ் கல்லினன் ஆகியவற்றால் அலங்கரிக்கப்பட்டுள்ளது, இது ஒரு தனித்துவமான பச்சை நிறத்தைக் கொண்டுள்ளது. ஆனால் அபுல் சபாவின் கார் கலெக்ஷனின் நட்சத்திரம் ஒரு அற்புதமான பளபளப்பான கருப்பு புகாட்டி சிரோன் ஆகும்.

அபு சபாவின் கார்கள் உண்மையில் மிகவும் விலை உயர்ந்தவை என்றாலும், ஆச்சரியப்படும் விதமாக, இந்த வாகனங்களின் நம்பர் பிளேட்டுகள் அவற்றை விட பல மடங்கு விலை உயர்ந்தவை. அல் சபாவின் ரோல்ஸ் ராய்ஸ் பாண்டம் VIII ஸ்போர்ட் காரின் "டி5" எனும் நம்பர் பிளேட்டை அவர் 9 மில்லியன் டாலர்களுக்கு (சுமார் ரூ. 76 கோடி) வாங்கியதாக கூறப்படுகிறது.

அபு சபா, ஃபேன்சி பதிவு எண் ஏலத்தின் பணம் ஒரு தொண்டு நிறுவனத்திற்கு செல்கிறது என்பதை வெளிப்படுத்துகிறார், ஏனெனில் துபாய் அதிகாரிகள் இந்த ஏலத்தின் மூலம் கிடைக்கும் வருமானம் அனைத்தையும் தொண்டு நிறுவனங்களுக்கு நன்கொடையாக வழங்குகிறார்கள். "இது ஒரு Win-Win தருணம்," என்று அவர் கூறுகிறார்.

D5 பிளேட்டைத் தவிர, அபுவின் Mercedes-Benz G63 AMG ஆனது "1" என்ற எண்ணைக் கொண்டுள்ளது, அதே நேரத்தில் அவர் தனது இரண்டு வாகனங்களுக்கான "27" மற்றும் "49" பதிவு எண்களையும் வைத்திருக்கிறார். மேலும் அபு தான் வாங்கிய முதல் ஃபேன்ஸி எண் "48" என்று கூறியுள்ளார்.

அபு சபா யார்?

பல்விந்தர் சாஹ்னியாக பிறந்த அபு சபா, துபாயில் வசிக்கும் பல இந்திய கோடீஸ்வரர்களில் முக்கியமான ஒருவராவார். 18 வயதில் தனது முதல் தொழிலைத் தொடங்கிய அபு, ஐக்கிய அரபு எமிரேட்ஸில் (UAE) அதிக லாபம் ஈட்டும் நிறுவனங்களில் ஒன்றான ராஜ் சாஹ்னி குழுமத்தின் (RSG Group of Companies) உரிமையாளர் மற்றும் தலைவர் ஆவார். அறிக்கைகளின்படி, அபு சபாவின் நிகர மதிப்பு சுமார் $1.7 பில்லியன் என மதிப்பிடப்பட்டுள்ளது.