உங்களுக்கு நாளைக்கு என்ன நடக்க போகுதுனு இந்த ரேகைய பார்த்து தெரிஞ்சிக்கோங்க..!

முக்கிய ரேகைகள்..!

கைரேகை ஜோதிடத்தில் ஆரோக்கிய ரேகை, ஆயுள் ரேகை, தலை ரேகை, இதய ரேகை ஆகியவற்றை மிக முக்கிய ரேகையாக குறிப்பிடுவர். இவை தான் உங்களின் வாழ்வை தீர்மானிக்கும் ரேகைகளாகும். இந்த ரேகைகள் உங்கள் கையில் தெளிவாக இருந்தாக வேண்டும். இல்லையேல் பலவித அபாயங்கள் உள்ளது என அர்த்தம்.

இந்த ரேகை புதுசுங்க..!

இது வரை நாம் கேள்விப்பட்ட ரேகைகளை காட்டிலும் இந்த ஆரோக்கிய ரேகை மிக முக்கியமானதாகும். இது உங்கள் கல்லீரல், செரிமான் மண்டலம், இதயம் போன்ற பல உறுப்புகளின் செயல்திறனை உணர்த்தும். மேலும், இதில் ஏதாவது கோளாறு வர போகிறதென்றால் அதையும் இந்த ரேகை குறிப்பிடும்.

அதிர்ஷ்டசாலி நீங்கள் தான்..!

ஆயுள் ரேகையும், தலை ரேகையும், ஆரோக்கிய ரேகையும் சேர்ந்து முக்கோண வடிவத்தை கையில் உருவாக்கினால் உங்களுக்கு மிக பெரிய அதிர்ஷ்டம் காத்துள்ளது என்பதை குறிக்கிறது. இது போன்ற ரேகை அம்சம் மிக சிலருக்கே இருக்கும்.

மெலிசான ரேகையா..?

யாருக்கெல்லாம் இந்த ரேகை மெலிசாகவும், விரிசல் விட்டும் இருக்குகிறதோ, அவர்களுக்கு பல கோளாறுகள் உடலில் ஏற்படும். முக்கியமாக குடல் நோய், மோசமான உடல் நிலை, கல்லீரல் பிரச்சினை உண்டாகும். பெண்களுக்கு இது போன்று இருந்தால் கர்ப்பப்பை சம்பந்தமான நோய்கள் வர கூடும்.

MOST READ: ஜப்பானியர்கள் இப்படி தொப்பையே இல்லாமல் ஒல்லியாக இருக்க காரணம் என்ன தெரியுமா..?

சதுரங்க வடிவிலான..?

உங்கள் கையில் இது போன்று சதுரங்க வடிவில் ரேகை இருந்தால் அது உங்களை எல்லாவித பிரச்சினைகளில் இருந்தும் காக்கும் என அர்த்தம். இந்த ரேகை கிராஸ் வடிவில் இருந்தால் ஏதாவது விபத்து நேர போகிறது என அர்த்தம். இதுவே குறுகலாக இருந்தால் மருத்துவமனைக்கு போகும் அளவிற்கு ஆபத்துகள் நேரலாம்.

உங்கள் ரேகை எப்படி..?

இந்த ரேகை கையில் ஆழமாக பதிந்தும், எந்தவித பிரிவும் இல்லாமல் இருந்தால் அவர்களுக்கு மிக பலமான உடல் நலம் இருக்கும். அத்துடன் எந்தவித செரிமான பிரச்சினைகளும் இந்த ரேகை காரர்களுக்கு வராதாம். இவர்கள் அதிக ஆரோக்கியத்துடன் இருப்பார்களாம்.

இப்படியெல்லாமா இருக்கும்..!

இந்த ஆரோக்கிய ரேகை வளைந்து நெளிந்து சரி சமமாக இல்லாமல் இருந்தால் உங்களுக்கு சில பிரச்சினைகள் உடலில் உள்ளது என அர்த்தம். குறிப்பாக கல்லீரல் பிரச்சினை உங்களுக்கு ஏற்படும் என்பதை இது குறிக்கிறது.

மன உளைச்சல்...

ஆரோக்கிய ரேகை தலை ரேகை மற்றும் இதய ரேகையை தாண்டி சென்றால் உங்களுக்கு மன உளைச்சல் அடிக்கடி ஏற்பட்டு நிம்மதி இல்லாமல் இருப்பீர்கள் என்று அர்த்தமாம். இதுவே ஆரோக்கிய ரேகை தலை ரேகையை கடந்து இருந்தால் நரம்பு சார்ந்த பிரச்சினைகள் ஏற்படும்.

MOST READ: ஆண்களே..! உங்கள் தாடி உங்களை பற்றி சொல்லும் ரகசியம் என்னனு தெரியுமா..?

கிளை ரேகை எதற்கு..?

நமது கையில் இந்த கிளை ரேகை முக்கிய பங்கு வகிக்கிறது. இவை ஆரோக்கிய ரேகையில் இருந்து, கிளை போல பிரிந்தால் உங்கள் வயோதிக பருவத்தில் மோசமான ஆபத்துகள் ஏற்படும் என் அர்த்தமாம்.

எதிர்மறையான தாக்கம்..!

உங்களின் ஆரோக்கிய ரேகை இதய ரேகையை கடந்து இருந்தால் உங்களின் வாழ்வில் எதிர்மறையான தாக்கங்கள் அதிகரிக்கும். மேலும், இல்லற வாழ்வில் பலவித பிரச்சினைகளும் உண்டாகுமாம்.

ரேகையே இல்லையா..?

இந்த ஆரோக்கிய ரேகை உங்களுக்கு இல்லையென்றால், நோய்களின் தாக்கம் அதிகம் என உணர்ந்து கொள்ளலாம். உடல்நல குறைபாடுகள் அடிக்கடி இவர்களுக்கு உண்டாகும். ரேகையின் அழுத்தம் தான் உங்களுக்கு பலமே.