முகேஷ் அம்பானி அவருடைய சமையல்காரருக்கு எவ்வளவு சம்பளம் கொடுக்கிறார் தெரியுமா? ஷாக் ஆகாதீங்க...!

இந்தியாவின் மிகப்பெரிய செல்வந்தர் யாரென்று கேட்டால் குழந்தைகள் கூட அது முகேஷ் அம்பானிதான் என்று சரியாக கூறுவார்கள். சமீபத்தில் நடந்த அவரது இளைய மகனான ஆனந்த் அம்பானியின் திருமணத்தை ராதிகா மெர்ச்சண்ட் உடன் இந்தியா மட்டுமின்றி உலகமே வியக்கும் வண்ணம் ஆடம்பரமாக செய்தார்கள். இந்த திருமணத்திற்காக கிட்டதட்ட 5000 கோடி செலவிடப்பட்டதாக கூறப்படுகிறது. இந்த மிகப்பெரிய தொகை அவர்களின் சொத்தில் வெறும் 0.5% மட்டுமே.

முகேஷ் அம்பானியும் அவரது மனைவி நீதா அம்பானியும் அளவற்ற செல்வம் மற்றும் ஆடம்பரமான வாழ்க்கையைக் கொண்டிருந்தபோதிலும், அவர்கள் மிகவும் எளிமையான உணவுமுறையைதான் பின்பற்றுகிறார்கள். அவர்கள் எப்போதும் பிரத்தியேக உணவகங்களில் மிகவும் ப்ரைவசியாக சாப்பிடுவார்கள் என்று பலர் கருதினாலும், அவர்கள் சாதாரண மக்களைப் போலவே அடிப்படையான மற்றும் பாரம்பரிய உணவு முறையையே பெரும்பாலும் பின்பற்றுகிறார்கள்.

அம்பானி குடும்பத்தினர் சைவ உணவு உண்பவர்கள், முகேஷ் அம்பானி கடுமையான டயட்டைப் பின்பற்றுகிறார். முகேஷ் அம்பானி, பருப்பு, ரொட்டி மற்றும் சாதம் போன்ற எளிய உணவுகளையே விரும்பி உண்கிறார், மேலும் அவர் Thai உணவு வகைகளிலும் விருப்பம் உண்டு.

ஒவ்வொரு ஞாயிற்றுக்கிழமையும் அவர் பிரபல தென்னிந்திய உணவான இட்லி-சாம்பாரை விரும்பி சாப்பிடுவதாக அவர் முன்னர் பகிர்ந்து கொண்டார். வீட்டில் சமைத்த உணவை அவர்கள் உண்பது மன, ஆன்மீக மற்றும் உடல் நலனை பாதிக்கும் என்ற இந்திய நம்பிக்கையை பிரதிபலிக்கிறது. எனவே, அம்பானி குடும்பத்தினர் தங்கள் வீட்டில் சமைத்த உணவுகளுக்கு அதிக முக்கியத்துவம் கொடுக்கிறார்கள், அவர்களின் சமையல்காரர் அவர்களின் அன்றாட வாழ்க்கையில் முக்கியப்பங்கு வகிக்கிறார்கள்.

முகேஷ் அம்பானி சமையல்காரரின் சம்பளம்

இந்தியாவிலேயே மிகப்பெரிய செல்வந்தரான முகேஷ் அம்பானியின் சமையலறையை அலங்கரிப்பவர்கள் நிச்சயம் சாதாரண ஆளாக இருக்கமாட்டார்கள். அவர்களின் சம்பளமும் நாம் நினைப்பது போல சாதாரணமாக இருக்காது. முகேஷ் அம்பானியின் ஆடம்பர இல்லமான ஆன்டிலியாவில் உள்ள சமையல்காரர், மாதச் சம்பளமாக ₹2 லட்சம் பெறுகிறார், அதாவது ஆண்டு வருமானமாக 24 லட்சம் பெறுகிறார். இது இந்தியாவின் மிகப்பெரிய கம்பெனிகளில் உயர் பதவிகளில் இருப்பவர்களின் சம்பளத்தை விட மிக அதிகம் .

சம்பள திட்டத்தில் ஆரோக்கிய காப்பீடு மற்றும் சமையல்காரர் மற்றும் அவர்களது குடும்பத்திற்கான கல்வி ஆதரவு போன்ற கூடுதல் நன்மைகளும் அடங்கும். முகேஷ் அம்பானியின் உணவு முதன்மையாக எளிய சைவ உணவுதான். அவர் பருப்பு, சாதம், சப்பாத்தி மற்றும் சப்ஜி போன்ற எளிய உணவுகளை விரும்புகிறார். காலை உணவாக, அவர் அடிக்கடி இட்லி-சாம்பாருடன் ஒரு கிளாஸ் பப்பாளிச் சாறு அருந்துகிறார். மேலும் அவர் பப்டி சாட் மற்றும் செவ் பூரி போன்ற தின்பண்டங்களையும் மற்றும் குஜராத்தி உணவுகளையும் மிகவும் விரும்புகிறார், மேலும் அடிக்கடி மும்பையில் உள்ள ஸ்வாதி ஸ்நாக்ஸ் போன்ற பிரபலமான இடங்களில் ஆர்டர் செய்வார்.

ஆண்டிலியாவில் சமையல்காரர் மட்டுமல்ல, ஓட்டுநர் கூட 2 லட்சம் சம்பளம் பெறுவதாகக் கூறப்படுகிறது. ஆண்டிலியாவில் பணிபுரியும் ஊழியர்கள் பலரும் இதேபோல பெரிய தொகையை சம்பளமாக பெறுவதாக அறிக்கைகள் குறிப்பிடுகின்றன. பிரமாண்டமான குடியிருப்பின் பராமரிப்பு மற்றும் செயல்பாடுகளை நிர்வகிக்கும் சுமார் 600 பணியாளர்கள் ஆன்டிலியாவில் இருப்பதாக அறிக்கைகள் கூறுகிறது. உலகின் இரண்டாவது விலையுயர்ந்த 27 மாடிகளைக் கொண்ட இந்த குடியிருப்பின் உயர் தரத்தையும் தடையற்ற செயல்பாட்டையும் பராமரிப்பதில் இந்த பணியாளர்கள் முக்கிய பங்கு வகிக்கின்றனர்.