உங்க வீட்டில் எலி அட்டகாசம் பண்ணுதா? அப்ப அதை விரட்ட இந்த வழிகளை முயற்சி பண்ணுங்க..

புதினா எண்ணெய்

எலிகளுக்கு புதினா எண்ணெயின் நறுமணம் பிடிக்காது. புதினாவின் மணம் வீசும் இடத்தில் எலிகள் வரவே வராது. எனவே உங்கள் வீட்டில் எலி அதிகமாக இருந்தால், ஒரு பஞ்சுருண்டையில் புதினா எண்ணெயை நனைத்து, எலி வரும் இடங்களில் வையுங்கள். இதனால் இந்த மணத்திற்கு எலி வராது.

சில்லி ப்ளேக்ஸ்/மிளகாய் தூள்

சில்லி ப்ளேக்ஸ் மூக்கில் ஏறினால் மனிதர்களுக்கே தும்மல் வருவதோடு, மூக்கில் எரிச்சலை அனுபவிக்கக்கூடும். அப்படியிருக்க எலி வரக்கூடிய இடங்களில் சில்லி ப்ளேக்ஸை தூவி விடுங்கள். இதனால் எலி வீட்டிற்குள் நுழையவே நுழையாது.

வெங்காயம்

உங்கள் வீட்டின் சிறு ஓட்டைகள் இருந்தால், அந்த ஓட்டைகளில் வெங்காயத்தை நறுக்கி வையுங்கள். ஏனெனில் வெங்காயத்தின் மணமும் எலிகளுக்கு பிடிக்காது. உங்கள் வீட்டில் எலி அதிகம் இருந்தால், இந்த எளிய வழியை முயற்சித்துப் பாருங்கள்.

பூண்டு

பூண்டின் அடர்த்தியான நறுமணம் எலிகளுக்கு பிடிக்காதாம். ஆகவே நீங்கள் வீட்டில் எலித் தொல்லையை அதிகம் சந்தித்தால், பூண்ட பற்களை பொடியாக நறுக்கி, நீரில் போட்டு அந்நீரை எலி வரும் இடங்களில் தெளித்துவிடுங்கள். இதன் மூலம் எலித்தொல்லையில் இருந்து விடுபடலாம்.

கிராம்பு

சிறிது கிராம்புகளை எடுத்து ஒரு மெல்லிய மஸ்லின் துணியில் கட்டி, அதை எலி வரும் இடங்களில் வையுங்கள். கிராம்பின் மணமும் எலிகளுக்கு பிடிக்காது என்பதால், இந்த கிராம்பு மூட்டையை எலி வரும் இடத்தில் வையுங்கள். இதனால் எலி மீண்டும் வீட்டிற்குள் வராது.

பிரியாணி இலை

பிரியாணி இலையின் மணம் எலிகளை ஈர்ப்பதோடு, அவற்றை தங்களின் உணவாக நினைக்க வைக்கும். ஆனால் எலிகள் அவற்றை சாப்பிடும் போது, பிரியாணி இலையானது எலிகளுக்கு மூச்சுத்திணறலை ஏற்படுத்தி, இறக்க செய்யும். எனவே வீட்டில் எலி அதிகம் இருந்தால், இந்த வழியை ஒருமுறை முயற்சித்துப் பாருங்கள்.