சுவர்களில் படிந்துள்ள கறைகளைப் போக்குவதற்கான சில இயற்கை வழிகள்!!!

வெள்ளை வினிகர்

சுவற்றில் உள்ள கறையைப் போக்க வெள்ளை வினிகரைப் பயன்படுத்தினால், பெயிண்ட் போகாமல் கறைகளை எளிதில் கோக்கலாம். அதற்கு வினிகரை துணியில் நனைத்து, அதனைக் கொண்டு தேய்க்க வேண்டும்.

ஆல்கஹால்

ஆல்கஹால் கூட சுவற்றில் உள்ள கறைகளைப் போக்க பெரிதும் உதவியாக இருக்கும். அதற்கு ஆல்கஹாலை பஞ்சில் நனைது, அதனைக் கொண்டு சுவற்றில் உள்ள கறைப்படிந்த இடத்தை நன்கு தேய்க்க வேண்டும். இதுப்போன்று கறை நீங்கும் வரை துடைத்தால், சுவர் பாழாகாமல் கறையைப் போக்கலாம்.

பவுடர்

ஆம், பவுடர் கூட கறையைப் போக்க உதவும். அதிலும் எண்ணெய் பசை படிந்த உடனேயே சுவர்களில் பவுடரை தெளித்து துடைத்தால், கறைகளை உடனே போய்விடும்.

பேக்கிங் பவுடர்

பேக்கிங் பவுடரை நீரில் கலந்து பேஸ்ட் செய்து, அதனை கறை உள்ள இடத்தில் தடவி, கறை மறையும் வரை தேய்க்க வேண்டும்.

எலுமிச்சை

எலுமிச்சையின் சாற்றினை பேக்கிங் பவுடரில் கலந்து அதனை கறை படிந்த இடத்தில் தடவி 1 மணிநேரம் ஊற வைத்து, பின் ஈரமான துணியால் தேய்த்தால், கறை சட்டென்று மறையும்.

டூத் பேஸ்ட்

எப்படி டூத் பேஸ்ட் பற்களை பளிச்சென்று மாற்றுகிறதோ, அதேப் போன்று சுவர்களையும் பளிச்சென்று வைத்துக் கொள்ள உதவும். எனவே கறை படிந்த சுவற்றில் வெள்ளை நிற டூத் பேஸ்ட்டை, பிரஷ்ஷில் வைத்து தேய்த்து, சிறிது நேரம் ஊற வைத்து, பின் மீண்டும் தேய்த்தால் கறைகள் அகலும்.