பாகற்காயை நீங்க சமைக்குறதுக்கு முன்னாடி... இப்படி பண்ணா... சுத்தமா கசக்கவே கசக்காதாம் தெரியுமா?

தோலை கீறிக்கொள்ளுங்கள்

பாகற்காயின் கரடுமுரடான மேற்பரப்பில் அதிகபட்ச அளவு கசப்பு உள்ளது. இந்த கசப்பைக் குறைக்க, ஒரு கத்தியை எடுத்து, பாகற்காயின் தோலை கீறினால் போதும். லேயரை ஒரே சீராக அகற்ற, பீலரையும் பயன்படுத்தலாம். மேல் தோலை அகற்றிவிட்டு நீங்கள் சமைக்கும்போது, அதன் கசப்பு தன்மை அதிகமாக இருக்காது.

வெல்லத்தைப் பயன்படுத்தவும்

காய்ந்த பாகற்காய் சப்ஜியின் சுவை, வெல்லம் சேர்க்கப்படுவதால் அதிகமாக விரும்பப்படுகிறது. ஆம், வெல்லம் சப்ஜிக்கு பளபளப்பான தோற்றத்தை தருவதோடு மட்டுமல்லாமல், சுவைகளையும் சரியாக சமநிலைப்படுத்துகிறது. நீங்கள் செய்ய வேண்டியது எல்லாம், ஒரு துண்டு வெல்லத்தை எடுத்து, அதை தூளாக தட்டி, பாகற்காய் சப்ஜியில் சேர்க்கவும். உங்கள் சுவைக்கு ஏற்ப இனிப்பை கூட்டலாம் அல்லது குறைக்கலாம்.

டீப் ஃப்ரை

பாகற்காயை பக்கோடா செய்யப் போகிறீர்கள் என்றால், கசப்பை நீக்கும் வேலை நீங்கள் செய்யும் ரெசிபியிலே முடிந்துவிடும். ஆம், ஒரே நேரத்தில் பாகற்காயை டீப் ஃப்ரை பண்ணும்போது, அதன் கசப்புத்தன்மை நீங்கிவிடும். பின்னர், நீங்கள் செய்த பாகற்காய் டீப் ஃப்ரையில் கசப்பே இல்லாமல் தாராளமாக சாப்பிடலாம்.

விதைகளை அகற்றவும்

பாகற்காயை சமையலில் பயன்படுத்துவதற்கு முன்பு அதன் விதைகள் அகற்றப்பட்டதா என்பதை எப்போதும் உறுதிப்படுத்திக் கொள்ளுங்கள். நீங்கள் தோட்டக்கலை விரும்பினால் அல்லது வீட்டில் சமையலறை தோட்டம் இருந்தால், இந்த விதைகளைப் பயன்படுத்தி பாகற்காய் கொடிகளை நீங்கள் வளர்க்கலாம். இதன் விதைகளை சமையலில் இருந்து அகற்றும்போது, அதன் கசப்புத்தன்மை குறையும்.

உப்பு மரைனேட்

பாகற்காய் கசப்பைக் குறைக்க மற்றொரு எளிய வழி, அதை உப்பு சேர்த்து மரைனேட் செய்வது. பாகற்காயின் விதைகள் மற்றும் வெளிப்புற தோலை அகற்ற வேண்டும். இப்போது அதன் மீது தாராளமாக உப்பைத் தூவி, பாகற்காய் முழுவதும் தேய்க்கவும். அனைத்து பாகற்காய்களிலும் படும்வரை நன்றாக தேய்க்கவும். அவற்றை ஒரு கிண்ணத்தில் சேமித்து வைத்து 30 நிமிடங்கள் அப்படியேவிட்டுவிடுங்கள். இப்போது பாகற்காயை தண்ணீரில் கழுவி உலர வைக்கவும். நீங்கள் இப்போது அவற்றை நறுக்கி எந்த சமையலில் வேண்டுமானாலும் பயன்படுத்தலாம்.

ஊறவைக்கும் முறை

ஒரு பாத்திரத்தில், ½ கப் தண்ணீர், ½ கப் வினிகர் மற்றும் 2 டீஸ்பூன் சர்க்கரை சேர்க்கவும். நறுக்கிய பாகற்காய் துண்டுகளை கலவையில் ஊற வைக்கவும். அவற்றை குறைந்தது 20-30 நிமிடங்கள் அந்த கலவையில் ஊற வைக்கவும். இப்போது தண்ணீரை வடிகட்டி, பாகற்காயை மீண்டும் வேறு தண்ணீரில் கழுவவும். இப்போது இதை நீங்கள் சமையலுக்கு பயன்படுத்தலாம். இப்படி செய்யும்போது, பாகற்காயில் உள்ள கசப்புத்தன்மை குறைந்துவிடும்.

பிளான்சிங்

ஒரு பாத்திரத்தில் 2-3 கப் தண்ணீரை கொதிக்க வைக்கவும். அதில் 1 டீஸ்பூன் உப்பு சேர்க்கவும். தண்ணீர் கொதித்ததும், அதில் நறுக்கிய பாகற்காயை சேர்க்கவும். அதிக தீயில் 2 நிமிடம் வேகவைத்து பின் பாகற்காயை எடுக்கவும். அதைத்தொடர்ந்து, 2 நிமிடங்களுக்கு உடனடியாக குளிர்ந்த நீருக்கு பாகற்காயை மாற்ற வேண்டும். இப்போது அனைத்து தண்ணீரையும் வடிகட்டவும். இப்பொது, தன் கசப்பு தன்மையை இழந்து சமையலுக்கு பயன்படுத்த பாகற்காய் தயாராக உள்ளது.