குறைந்த செலவில் எவ்வாறு கிறிஸ்துமஸ் அலங்காரம் செய்யலாம்?

1. பாதி ரீத்

கிறிஸ்துமஸ் அலங்காரத்தில் உள்ள முக்கிய அலங்காரப் பொருள் ரீத் ஆகும். ரீத் கொண்டு அலங்காரம் செய்தாலே நமக்கு கிறிஸ்துமஸ் உணா்வை ஏற்படுத்தும். பொதுவாக சந்தையில் கிடைக்கும் ரீத்துகள் தடிமானாகவும், மற்றும் ஆடம்பரமான அலங்காரத்துடனும் இருக்கும். ஆகவே அந்த ரீத்துகளை விட்டுவிட்டு பாதி ரீத்துகளை தோ்ந்தெடுக்கலாம். பாதி ரீத்துகள் கடைகளில் கிடைக்கவில்லை என்றால், நாமே மரக்கிளைகள், இலைகள் மற்றும் பைன் கூம்புகளைக் கொண்டு பாதி ரீத்துகளை செய்யலாம்.

2. சிறிய கிறிஸ்துமஸ் மரம்

கிறிஸ்துமஸ் பண்டிகை காலத்தில் வைக்கப்படும் கிறிஸ்துமஸ் மரமானது நமது மனதை மயக்கக்கூடிய அளவில் இருக்கும். ஆனால் அதே நேரத்தில் உயரமான அல்லது எடை அதிகமுள்ள கிறிஸ்துமஸ் மரத்தை வீட்டில் வைத்தால் அது வீட்டின் பெரும்பகுதியான இடத்தை அடைத்துக் கொள்ளும். ஆகவே உயரம் குறைந்த சிறிய அளவிலான கிறிஸ்துமஸ் மரத்தைத் தோ்ந்தெடுக்கலாம். அதை நமது வீட்டின் மூலையில் வைத்துக் கொள்ளலாம். மேலும் அந்த சிறிய கிறிஸ்துமஸ் மரத்தை ஒரு கூடை அல்லது தொட்டியில் வைத்து, அதைச் சுற்றிலும் பசுமையான இலைகள் மற்றும் மரக்கிளைகளை வைத்து அலங்காித்தால் பாா்ப்பதற்கு அம்சமாக இருக்கும்.

3. ஜொலிக்கும் பல வண்ண சரவிளக்குகள்

பல வண்ண சரவிளக்குகள் ஜொலிப்பதை எவரும் மறுக்க முடியாது. ஆனால் அதற்காக வீடு முழுவதும் சரவிளக்குகளால் அலங்காிக்க வேண்டிய அவசியம் இல்லை. அதற்குப் பதிலாக ஒரு சிறிய மரத்தை அல்லது காய்ந்த மரத்தைத் தோ்ந்தெடுத்து அதைச் சுற்றிலும் சரவிளக்குகளைத் தொங்கவிட்டு, அந்த மரத்தை நமது வீட்டின் முக்கியமான மூலையில் வைத்தால் வீடே புதுமையாக ஜொலிக்கும்.

4. சாதாரணமான கிறிஸ்துமஸ் ஆபரணங்களைத் தோ்ந்தெடுத்தல்

பொிய அல்லது சிறிய கிறிஸ்துமஸ் மரம் எதுவாக இருந்தாலும் அதை எளிமையான ஆபரணங்களைக் கொண்டு அலங்காரம் செய்வது நல்லது. கிறிஸ்துமஸ் மரத்தின் ஒவ்வொரு பகுதியையும் ஆடம்பரமான ஆபரணங்களைப் பயன்படுத்தி அலங்காரம் செய்ய வேண்டிய அவசியமில்லை. அதோடு நாமே தாள்கள் மற்றும் மின்னும் ஜிகுனாக்களைக் கொண்டு ஆபரணங்களைச் செய்யலாம்.

5. ஸ்டாக்கிங் கூடை

கிறிஸ்துமஸ் பண்டிகைக்கு முந்தைய நாள் இரவில், குடும்பத்தினா் விரும்பும் பொருள்களால் ஸ்டாக்கிங் கூடைகளை நிறைத்து வைக்கும் பழக்கம் மேற்கத்திய நாடுகளில் நெடுங்காலமாக கடைபிடிக்கப்பட்டு வருகிறது. அந்த ஸ்டாக்கிங் கூடைகளைத் தொங்கவிடுவதற்கான கைப்பிடிகளை கடைகளில் வாங்காமல் நாமே மரக்குச்சிகள், தண்டுகள் மற்றும் இலைகளைக் கொண்டு செய்யலாம். அதன் மூலம் செலவை மிச்சப்படுத்தலாம்.

மேற்சொன்ன பயனுள்ள குறிப்புகளைப் பயன்படுத்தி கிறிஸ்துமஸ் அலங்காரம் செய்தால் நமது வீடுகள் அழகாக ஜொலிப்பதோடு, நாம் நமது பணத்தையும் மிச்சப்படுத்தலாம்.

அனைவருக்கும் மகிழ்ச்சியான கிறிஸ்துமஸ் நல்வாழ்த்துகள்..................

Image Courtesy: themerrythought