பேச்சுலர்களே! உங்கள் வீடுகளை அழகாக வைத்துக் கொள்ள சில வழிகள்!!!

சுவர்களின் நிறம்

பல வருடங்களாக வண்ணம் அடிக்காத சுவர்களை தான் நீங்கள் முதலில் பராமரிக்க வேண்டும். கான்ட்ராஸ்ட்டான வண்ணங்களில் சுவர்களுக்கு வண்ணமடிப்பது தான் தற்போதைய ஃபேஷன். எனவே, மொக்கையாக ஒரே வண்ணத்தை சுற்றி சுற்றி பூசுவதை நிறுத்தி, தற்போதைய ட்ரென்டிற்கு ஏற்றார் போல் மாறுங்கள். மெல்லிய வண்ணங்களான வெளிரிய ஆரஞ்சு, சூரிய மஞ்சள், எலுமிச்சை மஞ்சள் போன்ற வண்ணங்கள் கூட பயன்படுத்தலாம்.

ஜன்னல்கள்

பெரும்பாலும் பேச்சுலர் வீட்டு ஜன்னல்களில் உள்ளாடைகள் தான் தோரணம் போல தொங்கிக் கொண்டிருக்கும், அதை முற்றிலுமாக அகற்றிவிட்டு. விண்டோஸ் ப்ளிண்ட்ஸ் (Windows Blinds) அல்லது அழகிய ஜன்னல் திரையை மாற்றுங்கள்.

ஃபர்னீச்சர்

முதலில் உடைந்த பிளாஸ்டிக் நாற்காலிகளை தூக்கி வீசுங்கள். தற்போதைய ட்ரென்டிற்கு ஏற்றார் போல நல்ல டிசைன்களில் விற்கப்படும் ஃபர்னீச்சரை வாங்கி உங்கள் வரவேற்பறையை அழகுப்படுத்துங்கள்.

அலங்காரப் பொருட்கள்

அழகிய புகைப்படங்கள் (அது உங்களுடையதாக கூட இருக்கலாம்), அலங்கார விளக்குகள் போன்ற அலங்கார பொருட்களை சேர்த்து உங்கள் வீட்டின் அழகை மெருகேற்றுங்கள்.

அழுக்கு கூடை

மாதக் கணக்கில் துவைக்காமல் வீடு முழுவதும் சிதறிக் கிடக்கும் அழுக்கு துணிகளை போட்டு வைக்க ஒரு அழுக்கு துணி போட்டு வைக்கும் கூடையை வாங்கி வையுங்கள். வீடு முழுவதம் பரவி இருக்கும் துணிகள் அதனுள் சிறைப்பிடிக்கபட்டுவிட்டாலே பேச்சுலர் வீடு பாதி அழகாகிவிடும்.