ஆண்களே! உங்க ஸ்மார்ட்போனை இந்த இடத்தில் வைப்பது உங்களுக்கு மலட்டுத்தன்மையை ஏற்படுத்துமாம்... ஜாக்கிரதை...!

Male Infertility: கருவுறுதல் பிரச்சினை பெண்களுக்கு மட்டுமீ உரிய கவலை இல்லை. கருத்தரிப்பதில் ஆண்களும் சம பங்கு வகிக்கின்றனர், மேலும் பல்வேறு வாழ்க்கை முறை காரணிகள் அவர்களின் இனப்பெருக்க ஆரோக்கியத்தை அவர்களுக்கேத் தெரியாமல் பாதிக்கலாம்.

ஒவ்வொரு ஆணும் தங்கள் கருவுறுதலைப் பாதிக்கும் முக்கியமான விஷயங்களைப் பற்றி தெரிந்திருக்க வேண்டியது அவசியம். உங்கள் ஸ்மார்ட்போனை நீங்கள் எங்கு வைக்கிறீர்கள் என்பதில் தொடங்கி வேலைக்குப் பிறகு ஓய்வெடுக்கும் விதம் வரை, இந்தப் பழக்கங்கள் உங்கள் அன்றாட வழக்கத்தை விட அதிகமாகப் பாதிக்கலாம்.

உங்கள் போன் பழக்கம் உங்கள் விந்தணுக்களை பாதிக்குமா?

உங்கள் ஸ்மார்ட்போனை எங்கு வைத்திருக்கிறீர்கள் என்று எப்போதாவது யோசித்திருக்கீறீர்களா? உங்கள் போனை முன் பாக்கெட்டில் நீங்கள் போன் வைத்தால், நீங்கள் அதனை மறுபரிசீலனை செய்ய வேண்டும்.

தொலைபேசிகள் வெளியிடும் மின்காந்த கதிர்வீச்சுக்கு நீண்ட நேரம் வெளிப்படுவது, குறிப்பாக இனப்பெருக்க உறுப்புகளுக்கு அருகாமையில் வைக்கப்படும் போது, விந்தணு ஆரோக்கியத்திற்கு தீங்கு விளைவிக்கும் என்று பரிந்துரைக்கப்படுகிறது. எனவே மொபைலை உங்கள் பாக்கெட்டில் வைப்பதற்கு முன், அதனை எங்கே வைக்கிறீர்கள் என்பதைப் பற்றி சிந்தியுங்கள்.

உங்கள் பணிச்சூழல் உங்கள் கருவுறுதலை எவ்வாறு பாதிக்கும்?

உங்கள் மடிக்கணியை மடியில் வைத்து வேலை செய்வது வசதியாகத் தோன்றலாம், ஆனால் அது உங்கள் கருவுறுதலை நினைத்து பார்க்க முடியாத அளவிற்குப் பாதிக்கலாம். மடிக்கணினிகளால் உருவாக்கப்படும் வெப்பம் விதைப்பையின் வெப்பநிலையை உயர்த்தலாம், இது விந்தணு உற்பத்தி மற்றும் தரத்தை எதிர்மறையாக பாதிக்கும். நீங்கள் பணிபுரியும் போது உங்கள் இனப்பெருக்க ஆரோக்கியத்தைப் பாதுகாக்க மேசையைப் பயன்படுத்தவும்.

BMI மற்றும் விந்தணு ஆரோக்கியத்திற்கு இடையே உள்ள இணைப்பு

ஆரோக்கியமான எடையை பராமரிப்பது ஒருவரின் ஒட்டுமொத்த ஆரோக்கியத்தை பராமரிப்பதற்கு மிகவும் அவசியமானதாகும். இது ஆண்களின் கருவுறுதலிலும் முக்கிய பங்கு வகிக்கிறது. ஹார்வர்ட் ஸ்கூல் ஆஃப் பப்ளிக் ஹெல்த் நடத்திய ஆராய்ச்சி, உடல் பருமனுக்கும் விந்தணு ஆரோக்கியத்திற்கும் இடையே குறிப்பிடத்தக்க தொடர்பு இருப்பதைக் கண்டறிந்துள்ளது.

அதிக பிஎம்ஐ உள்ள ஆண்கள் குறைந்த விந்தணு எண்ணிக்கையைக் கொண்டிருப்பது மட்டுமல்லாமல், விந்தணுக்களை உற்பத்தி செய்யாமல் போகவும் வாய்ப்புகள் அதிகம். எனவே அதனை கண்காணிப்பது மற்றும் பராமரிப்பது உங்கள் கருத்தரிப்பு வாய்ப்புகளை அதிகரிக்கலாம்.

சூடான நீரில் குளிப்பது மற்றும் ஜக்குஸிகளின் தாக்கம்

சூடான நீரில் குளிப்பது அல்லது ஜக்குஸியில் நிதானமாக அமர்வது ஓய்வெடுக்க சரியான வழியாக இருக்கலாம், அது உங்கள் கருவுறுதலை பாதிக்கலாம். சூடான நீரில் குளிப்பது மற்றும் அதிக வெப்பநிலையில் நீண்ட நேரம் இருப்பது, விந்தணு உற்பத்தி மற்றும் தரத்தை தற்காலிகமாக குறைக்கலாம். எனவே நீங்கள் கருத்தரிக்க முயற்சிக்கிறீர்கள் என்றால், உங்கள் வெப்பநிலை வெளிப்பாட்டை குறைப்பது நல்லது.

மறைமுக காரணிகள்

புகைபிடித்தல் மற்றும் பொழுதுபோக்கு போதைப்பொருள் பயன்பாடு உங்கள் ஒட்டுமொத்த ஆரோக்கியத்திற்கு மட்டுமல்ல அவை உங்கள் இனப்பெருக்க ஆரோக்கியத்திற்கும் தீங்கு விளைவிக்கும். மிதமான புகைபிடித்தல் கூட விந்தணு எண்ணிக்கை மற்றும் இயக்கம் குறைவதற்கு வழிவகுக்கும்.

புகைபிடிப்பது உங்கள் கருவுறுதலை மட்டுமல்ல, உங்கள் துணையையும் பாதிக்கும். எனவே நீங்கள் ஒரு குடும்பத்தைத் தொடங்க முயற்சிக்கிறீர்கள் என்றால், இந்தப் பழக்கங்களை உடனடியாக நிறுத்துவது நல்லது.

Disclaimer: இந்தக் கட்டுரையில் வழங்கப்பட்ட தகவல்கள் பொதுவான தகவல் மற்றும் கல்வி நோக்கங்களுக்காக மட்டுமே, மேலும் இது தொழில்முறை மருத்துவ ஆலோசனை, நோயறிதல் அல்லது சிகிச்சைக்கு மாற்றா பகிரப்படவில்லை. மருத்துவ நிலை குறித்து உங்களுக்கு ஏதேனும் கேள்விகள் இருந்தால் உங்கள் மருத்துவர் அல்லது தகுதிவாய்ந்த சுகாதார வழங்குநரின் ஆலோசனையைப் பெறவும்.