சாப்பிட்டதும் இத பண்ணாதீங்க... இல்லன்னா புற்றுநோய் சீக்கிரம் வந்துடும்...

புகைப்பிடிப்பதால் சந்திக்கும் பிரச்சனைகள்

சிகரெட் மன அழுத்தத்தில் இருக்கும் ஒருவருக்கு தற்காலிகமாக நிவாரணம் அளிக்க உதவுகிறதே தவிர, இந்த ஆரோக்கியமற்ற பழக்கம் சுவாச பிரச்சனைகள், இதய பிரச்சனைகள், உடல் பருமன் ஆகியவற்றை ஏற்படுத்துகிறது. அதுமட்டுமின்றி, நுரையீரல், வாய் அல்லது பிற உறுப்புக்களில் புற்றுநோய் ஏற்படுவதற்கும் வழிவகுக்குகிறது. சொல்லப்போனால் புற்றுநோயால் இறந்த பலரைப் பார்த்தால், அவர்கள் புகைப்பழக்கம் கொண்டவர்களாகவே இருப்பர்.

உணவுக்கு பின்னான புகை மிகவும் ஆபத்தானது

புகைப்பிடிக்கும் பழக்கம் உள்ளவர்கள் அனைவருமே, சாப்பிட்ட பிறகு சிகரெட் பிடிக்க வேண்டுமென்ற எண்ணம் தூண்டப்படுவதை ஒப்புக் கொள்வார்கள். மேலும் சிகரெட் பழக்கத்தைக் கைவிட முயற்சிப்பவர்களுக்கு கூட, உணவு உண்ட பிறகு சிகரெட் பிடிக்க வேண்டுமென்ற எண்ணம் அளவுக்கு அதிகம் எழுவதாகவும் கூறுவார்கள். இருப்பினும், வழக்கமான புகைப்பழக்கத்தை விட உணவுக்கு பிறகு புகைப்பிடிப்பதே மிகவும் ஆபத்தானது.

உணவு உண்ணும் போது என்ன நடக்கிறது?

உணவை உண்ணும் போது, உடல் அதை ஜீரணிக்க வேண்டும். அதாவது நமது உடல் உணவை உறிஞ்சக்கூடிய ஒரு வடிவமாக மாற வேண்டும். நாம் வாயில் உணவை வைக்கும் போதே செரிமான செயல்முறை ஆரம்பமாகிறது. அதில் வாயில் உள்ள எச்சிலில் இருந்து நொதிகள் இந்த செயல்முறையை ஆரம்பிக்கின்றன. அதன் பின் நமது வயிறு உணவை சைம் எனப்படும் சாறு போன்ற பொருளாக மாற்றுகிறது மற்றும் இந்த பகுதி தான் சிறு குடல்களாகும். இங்கு தான் உறிஞ்சுதல் செயல்முறை ஆரம்பமாகிறது. நாம் உண்ணும் உணவு நமது வயிற்றி சுமார் 4 மணிநேரம் இருக்கும். அதன் பின் சிறுகுடலில் 3-4 மணிநேரம் இருக்கும்.

உணவுக்கு பின் சிகரெட் பிடித்தால் என்ன நடக்கும்?

உணவு உண்ட பின் சிகரெட் பிடித்தால், உண்ணும் உணவில் உள்ள சத்துக்களை உடல் உறிஞ்சுவது குறையும். முன்பு கூறியது போல, செரிமான செயல்முறையானது உணவு உண்ண ஆரம்பிக்கும் போதே தொடங்குகிறது. சிறு குடலில் உணவுகளில் உள்ள ஊட்டச்சத்துக்களை உறிஞ்சும் செயல்முறை நடக்கிறது. ஆனால் உணவுக்கு பின் சிகரெட் பிடிக்கும் போது, சிறு குடலானது உணவில் உள்ள சத்துக்களை உறிஞ்சுவதற்கு பதிலாக, சிகரெட்டில் உள்ள நிக்கோட்டினை அதிகமான உறிஞ்சும்.

செரிமான மண்டலம்

உடலின் மிக முக்கியமான பகுதி செரிமான மண்டலம் ஆகும். ஏனெனில் இது முழு உடலிலும் இயங்குகிறது. முக்கியமாக இந்த செரிமான மண்டலம் உணவு உண்ட பின் மிகவும் சுறுசுறுப்பாக செயல்படுவதால், உணவுக்கு பின் சிகரெட் பிடிக்கும் போது, சிகரெட்டில் இருக்கும் நிக்கோட்டின் இரத்தத்தில் உள்ள ஆக்சிஜனுடன் பிணைகிறது. மேலும் சிகரெட் பிடிக்கும் போது வெளியாகும் ப்ரீ-ராடிக்கல்களால், குடல்கள் மற்றும் உடலின் பிற உள்ளுறுப்புகள் மோசமாக பாதிக்கப்பட வாய்ப்புள்ளது. ஆகவே தான் உணவுக்கு பின் சிகரெட் பிடிப்பது குடல் மற்றும் நுரையீரல் புற்றுநோயின் அபாயத்தை பன்மடங்கு அதிகரிப்பதாக நிபுணர்கள் கூறுகின்றனர்.

பத்து மடங்கு அபாயகரமானது

வழக்கமாக புகைப்பிடிப்பதை விட, ஒருவர் உணவுக்கு பின் பிடிக்கும் ஒரு சிகரெட் பத்து சிகரெட்டுகளை ஒன்றாக புகைப்பதற்கு சமமாம். இந்த பழக்கத்தை இப்படியே ஒருவர் வைத்திருந்தால், அது அந்த நபருக்கு புற்றுநோயின் அபாயத்தை அதிகரிக்கும். ஆகவே புற்றுநோய் வரக்கூடாது என்று நினைத்தால், புகைப்பிடிப்பதை நிறுத்துங்கள். குறிப்பாக உணவுக்கு பின் புகைப்பதை அறவே தவிர்த்திடுங்கள்.