இந்த காய்கறிகள் சாப்பிட்டவுடன் உங்கள் வயிற்றில் வீக்கத்தை ஏற்படுத்தும் ஏன் தெரியுமா?

வயிறு வீக்கம்

வயிறு வீக்கமானது உங்களுக்கு அசௌகரியத்தையும், வலியையும் ஏற்படுத்தும். நீங்கள் சாப்பிடும் சில காய்கறிகளில் இருக்கும் சில ஊட்டச்சத்துக்கள் உங்களின் வயிற்றில் வாயுப்பிரச்சினை உருவாக காரணமாக அமைகிறது. முட்டைகோஸ் வகையை சார்ந்த காய்கறிகள்தான் இந்த பிரச்சினைக்கு முக்கிய காரணமாக இருக்கிறது. இந்த வகை காய்கறிகளில் சில சிக்கலான கார்போஹைட்ரேட்டுகள் உள்ளது, இவை குடலில் இருக்கும் நொதிகளுடன் சேர்ந்து வாயுவை உருவாக்குகிறது. இந்த காய்கறிகளில் இருக்கும் சர்க்கரையை உங்கள் உணவுப்பாதையால் முழுமையாக உடைக்க முடியாது.

நார்ச்சத்துக்கள்

நார்ச்சத்து அதிகம் இருக்கும் உணவுகள் பலவீனமான செரிமான மண்டலம் உள்ளவர்களுக்கு எளிதில் வயிறு வீக்கத்தையும், வாயுக்கோளாறையும் ஏற்படுத்தும். குறிப்பாக நீங்கள் புதிதாக அதிக நார்ச்சத்து இருக்கும் உணவுகளை எடுத்துக்கொண்டால் உங்களுக்கு செரிமானக் கோளாறுகள் ஏற்பட வாய்ப்புள்ளது. அதிக பச்சைகாய்கறிகள் சாப்பிடுவது குடலின் மீது அதிக அழுத்தத்தை ஏற்படுத்தும். எந்தெந்த காய்கறிகள் வயிற்றில் வீக்கத்தை ஏற்படுத்தும் என்று பார்க்கலாம்.

பீன்ஸ்

பீன்ஸ் மற்றும் பருப்பு வகைகள் உங்களின் வயிற்றில் வீக்கத்தை ஏற்படுத்துவதில் முக்கியப்பங்கு வகிக்கிறது. அதற்கு காரணம் அதிலிருக்கும் புரோட்டின் மேலும் இதில் சர்க்கரை மற்றும் நார்ச்சத்துக்கள் இரண்டுமே உள்ளது, நமது செரிமான மண்டலத்தால் இவ்வளவு ஊட்டச்சத்துக்களை ஒரே நேரத்தில் சமாளிக்க இயலாது. இவை பெருங்குடலில் நுழையும்போது அங்கிருக்கும் பாக்டீரியாக்களுடன் சேர்ந்து இவை வீக்கத்தை ஏற்படுத்தும்.

பட்டாணி

பட்டாணி அனைவருக்கும் பிடித்த அதேசமயம் ஆரோக்கியமான ஒரு பொருளாகும். ஆனால் இது உங்கள் வயிறுக்கு அசௌகரியத்தை ஏற்படுத்தக் கூடிய ஒன்றாகும். இதுவும் பீன்ஸ் வகைகளை சேர்ந்ததுதான், இதனை நமது உடலால் முழுமையாக உறிஞ்ச முடியாது.

காலிப்ளவர்

கார்போஹைட்ரேட்டுகளை பெறுவதற்கு காலிப்ளவர் ஒரு மிகச்சிறந்த பொருளாகும். முட்டைகோஸ், ப்ரோக்கோலி போன்று இதுவும் எளிதில் நமது உடலால் உறிஞ்சப்படக்கூடிய பொருள் அல்ல. இதனை நன்கு வேகவைத்து சாப்பிடுவது இதிலிருக்கும் நார்சத்துக்களை மென்மையானதாக மாற்றும். இதனை எப்பொழுதும் குறைவான அளவில் உங்கள் உணவில் சேர்த்துக்கொள்வது உங்கள் செரிமான மண்டலத்திற்கு நல்லது.

காளான்

காளான் உங்கள் செரிமான மண்டலஹேல் அசௌகரியத்தை ஏற்படுத்த காரணம் அதிலிருக்கும் சர்க்கரைதான். காளான்களில் ராஃபினோஸ் என்ற செரிமானம் அடையாத சர்க்கரை உள்ளது, இது பெருங்குடலில் நொதியாக மாறுகிறது. இதனால் வாயுக்கோளாறு மற்றும் வீக்கம் ஏற்படலாம்.

கார்ன்

கார்ன் உங்களின் அனைத்து உணவுகளுடனும் எளிதில் கலந்து விடக்கூடிய ஒன்றாகும். ஆனால் மற்ற காய்கறிகளை விட உங்கள் செரிமான மண்டலத்தில் அதிக பிரச்சினைகளை ஏற்படுத்தும் பொருள் என்றால் அது கார்ன்தான். ஏனெனில் இதில் எளிதில் உடைக்க முடியாத கார்போஹைட்ரேட்டுகள் இருக்கிறது, இது உங்கள் வயிற்றில் GI பாக்டீரியாக்களின் எண்ணிக்கையை அதிகரித்து வாயுக்கோளாறை உருவாக்குகிறது.