இதுல ஒரு காட்டுப்பாதையை தேர்ந்தெடுங்க.. உங்களை மிகவும் சோர்வடையச் செய்வது எதுன்னு சொல்றோம்..

Personality Test: நாம் அன்றாட வாழ்க்கையில் பல வேலைகளைச் செய்து கொண்டிருந்தாலும், சில நேரங்களில் காரணமே தெரியாமல் சோர்வாக உணரலாம். சிலருக்கு அதிகமான பொறுப்புகள் மன அழுத்தத்தை ஏற்படுத்தலாம்; மற்றவர்களுக்கு தேவையற்ற சிந்தனைகள், உறவுகளில் ஏற்படும் பிரச்சினைகள் அல்லது எதிர்காலத்தைப் பற்றிய கவலைகள் மன ஆற்றலைக் குறைக்கலாம். உங்களுடைய மன அமைதியையும் ஆற்றலையும் அதிகமாகப் பாதிப்பது எது என்று எப்போதாவது யோசித்திருக்கிறீர்களா? அதை தெரிந்து கொள்ளவும் விரும்புகிறீர்களா? அப்படியானால் இந்த எளிய ஆளுமை சோதனையை முயற்சி செய்யுங்கள்.

இந்த ஆளுமை சோதனை படத்தில் 4 விதமான காட்டு பாதைகள் உள்ளன. இதில் நீங்கள் எந்த பாதையில் செல்ல விரும்பவில்லையோ, அதை தேர்வு செய்யுங்கள். அதாவது இந்த படத்தில் எந்த பாதை உங்களுக்கு மிகுந்த சோர்வையும், அமைதியின்மையையும், அல்லது மனதளவில் பெரும் சுமையையும் ஏற்படுத்துகிறதோ அதை தேர்ந்தெடுத்து, அது வெளிப்படுத்தும் விஷயத்தை தொடர்ந்து படித்து தெரிந்து கொள்ளுங்கள்.

1. சிக்கலான காட்டுப்பாதை

நீங்கள் சிக்கலான பாதையைத் தேர்ந்தெடுத்திருந்தால், உங்களை மிகவும் சோர்வடையச் செய்வது மனிதர்களாக இருக்கலாம். அதற்காக மக்களுடன் பேசுவதோ, பழகுவதோ உங்களுக்குப் பிடிக்காது என்று அர்த்தமல்ல. மாறாக, மற்றவர்களின் மனநிலையைப் புரிந்துகொள்வதிலும், அவர்களின் உணர்வுகளைக் கவனிப்பதிலும் நீங்கள் அதிக கவனம் செலுத்துபவராக இருக்கலாம். யாராவது உங்கள் மீது கோபமாக இருக்கிறார்களா, நீங்கள் ஏதேனும் தவறாகப் பேசிவிட்டீர்களா என்று அடிக்கடி யோசிக்கலாம். மற்றவர்களுக்கு ஏற்றபடி உங்கள் பேச்சையும் நடத்தையையும் மாற்றிக்கொள்ளும் பழக்கமும் உங்களிடம் இருக்கலாம். இப்படி தொடர்ந்து மற்றவர்களின் உணர்வுகளைப் புரிந்துகொள்ள முயற்சிப்பது மனதளவில் உங்களைச் சோர்வடையச் செய்யலாம்.

நீங்கள் நினைவில் கொள்ள வேண்டியது: மற்றவர்களின் உணர்வுகளுக்காக நீங்கள் எப்போதும் பொறுப்பேற்க வேண்டியதில்லை. அனைவரையும் மகிழ்ச்சியாக வைத்திருக்க வேண்டும் என்ற அவசியமும் இல்லை. உங்கள் மன அமைதிக்கும் முக்கியத்துவம் கொடுங்கள்.

2. கடிகாரங்கள் கொண்ட காட்டுப்பாதை

நீங்கள் சிக்கலான பாதையைத் தேர்ந்தெடுத்திருந்தால், உங்களை மிகவும் சோர்வடையச் செய்வது அதிகமாகச் சிந்திப்பதாக இருக்கலாம். நடந்த சம்பவங்களை மீண்டும் மீண்டும் நினைத்துப் பார்ப்பது, மற்றவர்கள் கூறிய வார்த்தைகளுக்குப் பின்னால் உள்ள அர்த்தத்தை ஆராய்வது, எதிர்காலத்தில் என்ன நடக்கும் என்று கவலைப்படுவது போன்ற பழக்கங்கள் உங்களிடம் இருக்கலாம். ஒரு விஷயத்தில் தெளிவு கிடைக்கும் வரை அதைப் பற்றியே தொடர்ந்து யோசிக்கலாம். ஒவ்வொரு கேள்விக்கும் உடனடியாகப் பதில் கிடைக்க வேண்டும் என்ற அவசியமில்லை.

நீங்கள் நினைவில் கொள்ள வேண்டியது: எல்லாவற்றையும் கட்டுப்படுத்த முடியாது என்பதை ஏற்றுக்கொள்ளுங்கள். ஒரு பிரச்சினைக்குத் தீர்வு காணத் தேவையான தகவல்கள் கிடைத்துவிட்டால், அதைப் பற்றி தொடர்ந்து சிந்திப்பதைத் தவிர்த்து, மனதிற்கு ஓய்வு கொடுங்கள்.

3. நுழைவாயில் காட்டுப்பாதை

நீங்கள் நுழைவாயில் காட்டுப்பாதையை தேர்ந்தெடுத்திருந்தால், உங்களை மிகவும் சோர்வடையச் செய்வது மற்றவர்களின் எதிர்பார்ப்புகளும் உங்களுடைய சொந்த எதிர்பார்ப்புகளும் இருக்கலாம். வாழ்க்கையில் இன்னும் அதிகமாகச் சாதிக்க வேண்டும், மற்றவர்களைப் போல முன்னேற வேண்டும், எல்லாவற்றிலும் சிறந்து விளங்க வேண்டும் என்ற எண்ணம் உங்களுக்குள் இருக்கலாம். ஒரு இலக்கை அடைந்தாலும், அடுத்த இலக்கை நோக்கி உங்கள் மனம் ஓடிக்கொண்டே இருக்கலாம். இதனால், நீங்கள் எவ்வளவு சாதித்தாலும் மனநிறைவு கிடைக்காமல் போகலாம்.

நீங்கள் நினைவில் கொள்ள வேண்டியது: உங்கள் இலக்குகள் உண்மையிலேயே உங்களுக்கு மகிழ்ச்சியைத் தருகின்றனவா அல்லது மற்றவர்களைத் திருப்திப்படுத்துவதற்காக அவற்றைத் தொடர்கிறீர்களா என்று சிந்தித்துப் பாருங்கள். அனைவரின் எதிர்பார்ப்புகளையும் பூர்த்தி செய்ய வேண்டிய அவசியமில்லை.

4. நிலவொளி காட்டுப்பாதை

நீங்கள் நிலவொளி காட்டுப்பாதையை தேர்ந்தெடுத்திருந்தால், உங்களை மிகவும் சோர்வடையச் செய்வது உங்கள் உணர்வுகளை மனதிற்குள்ளேயே வைத்துக் கொள்வது தான். ஏதாவது விஷயம் உங்களைப் புண்படுத்தினாலும், அதைப் பற்றி மற்றவர்களிடம் பேசாமல் அமைதியாக இருக்கலாம். மன அழுத்தம் ஏற்பட்டாலும், அதை வெளிக்காட்டாமல் சமாளிக்க முயற்சி செய்யலாம். வெளியில் நீங்கள் அமைதியாகவும் மகிழ்ச்சியாகவும் தோன்றினாலும், மனதிற்குள் பல கவலைகளைச் சுமந்துகொண்டிருக்கலாம்.

நீங்கள் நினைவில் கொள்ள வேண்டியது: உங்கள் உணர்வுகளை வெளிப்படுத்துவது பலவீனம் அல்ல. உங்களைப் புரிந்துகொள்ளும் நம்பிக்கையான ஒருவரிடம் மனம் திறந்து பேசுங்கள். மற்றவர்கள் உங்களைத் தவறாகப் புரிந்துகொள்வார்கள் என்று பயந்து உங்கள் உணர்வுகளை மறைக்க வேண்டாம். உங்களுக்கு என்ன தேவை, எது உங்களைப் பாதிக்கிறது என்பதை வெளிப்படையாகப் பகிர்ந்துகொள்வது மன அழுத்தத்தைக் குறைக்கவும் மனநிம்மதியைப் பெறவும் உதவும்.

(பொறுப்புத் துறப்பு: மேலே கொடுக்கப்பட்டுள்ள தகவல் இணையத்தில் கிடைக்கும் அனுமானங்கள் மற்றும் தகவல்களின் அடிப்படையில் கொடுக்கப்பட்டுள்ளன மற்றும் நம்பகத்தன்மைக்கு உத்தரவாதம் இல்லை. தமிழ் போல்ட்ஸ்கை இக்கட்டுரை தொடர்பான தகவலை உறுதிப்படுத்தவில்லை. மேலும் எங்கள் ஒரே நோக்கம் தகவலை வழங்குவது மட்டுமே. அதை வெறும் தகவலாக மட்டும் எடுத்துக் கொள்ள வேண்டும். எந்தவொரு தகவலையும் அனுமானத்தையும் பயிற்சி செய்வதற்கு அல்லது செயல்படுத்துவதற்கு முன், தயவுசெய்து சம்பந்தப்பட்ட நிபுணரை அணுகவும்.)