தினமும் ஒரு நிமிடம் இப்படி செய்வதால் உடலில் நிகழும் மாயங்கள் குறித்து தெரியுமா?

கால் மற்றும் கணுக்கால் காயங்களைத் தடுக்கும்

பாதங்களில் கொடுக்கப்படும் மசாஜ்களானது மூட்டு வலிகளுக்கு சிகிச்சை அளிக்க உதவுகிறது. இந்த வகை சிகிச்சையால் வலியில் இருந்து நிவாரணம் கிடைப்பதுடன், கால்களுக்கான உடற்பயிற்சி போன்றும் இருப்பதால் கால்கள் வலிமையாகும். ஏற்கனவே கால் மூட்டுக்களில் இருக்கும் காயங்களில் இருந்து விரைவில் விடுபட, முட்களைக் கொண்ட பந்துகளைக் கொண்டு பாதங்களில் மசாஜ் செய்வது நல்லதாம்.

இரத்த ஓட்டம் மேம்படும்

நாள் முழுவதும் உடலுழைப்பு ஏதும் இல்லாமல் பல மணிநேரம் உட்கார்ந்தவாறு இருப்போம். உடலுழைப்பு என்பது பாதங்களுக்கு மிகவும் அவசியம். ஒருவேளை இரத்த ஓட்டம் மோசமாக இருந்தால், அதுவே பல பிரச்சனைகளுக்கு வழிவகுக்கும். மேலும் தற்போது பலர் தங்களுக்கு பொருத்தமில்லாத ஷூக்களை அணிந்து, பல மோசமான கால் பிரச்சனைகளை சந்திக்கின்றனர்.

ஸ்பைக்கி பந்துகளை பாதங்களுக்கு அடியில் ஒரு நிமிடம் வைத்து தினமும் 10-20 நிமிடம் சுழற்றும் போது, உடலில் இரத்த ஓட்டம் தூண்டப்பட்டு, உடல் மற்றும் மனம் அமைதியாகும். இதன் விளைவாக இரவில் நல்ல நிம்மதியான தூக்கம் கிடைக்கும்.

தலைவலி நீங்கும்

2000 ஆம் ஆண்டு டென்மார்க்கில் மேற்கொள்ளப்பட்ட ஆய்வில், ரிஃப்ளெக்சாலஜி சிகிச்சைகள் ஒருவருக்கு ஏற்படும் தலை வலி மற்றும் ஒற்றைத் தலைவலியில் இருந்து விடுவிப்பதாக கண்டறியப்பட்டுள்ளது. இந்த ஆய்வில் கலந்து கொண்டவர்களுக்கு தலைவலிக்கான மருந்துகள் எடுப்பது நிறுத்தப்பட்டு, ஸ்பைக்கி பந்து சிகிச்சை அளிக்கப்பட்டது. மூன்று மாத சிகிச்சைகளுக்குப் பின், 65% மக்களின் தலைவலிக்கான் அறிகுறி குறைந்திருப்பது தெரிய வந்தது மற்றும் பலருக்கு தலைவலிக்கான அறிகுறி எதுமே தெரியவில்லை. ஆகவே உங்களுக்கு அடிக்கடி தலைவலி வருமாயின் ஸ்பைக்கி பந்தை கால்களுக்கு அடியில் வைத்து மசாஜ் செய்யுங்கள்.

இரத்த அழுத்தம்

உயர் இரத்த அழுத்தம் ஆரோக்கியமற்ற உணவுப் பழக்கங்கள் மற்றும் மன அழுத்தத்தால் ஏற்படுகிறது. மேலும் ஜீன்கள் மற்றும் சுற்றுப்புற காரணிகளும் நிலைமை மோசமாவதற்கு காரணங்களாகும். 2013 இல் BMC நர்சிங்கில் வெளிவந்த ஆராய்ச்சியில், வாரத்திற்கு 3 முறை 10 நிமிட பாத மசாஜ் மேற்கொள்வதால், மனநிலை மேம்படும், மன பதற்றம் சரியாகும் மற்றும் இரத்த அழுத்தம் குறைவதாக கண்டறியப்பட்டுள்ளது.

மன இறுக்கம் மற்றும் மன பதற்றம் சரியாகும்

பாதங்களுக்கு முறையாக மசாஜ் செய்தால், உடல் மற்றும் மனம் சாந்தமடையும். மேலும் ஸ்பைக்கி பந்துகளைக் கொண்டு பாதங்களுக்கு மசாஜ் கொடுப்பதால், மன பதற்றம் குறைவதாக புற்றுநோயாளிகள் கூறுகின்றனர். அதுமட்டுமின்றி, இந்த முறை மன இறுக்கத்தையும் சரிசெய்ய உதவுவதாகவும் கூறுகின்றனர்.

குதிகால் வலியை சரிசெய்யும்

நாள்பட்ட குதிகால் வலி பொதுவாக பாதத்தின் வளைவை ஆதரிக்கும் இணைப்பு திசுக்களின் சீரழிவால் ஏற்படுகிறது. இத்தகைய வலியை பாத பயிற்சிகள் மற்றும் பாதங்களில் உள்ள திசுக்களுக்கு கொடுக்கப்படும் மசாஜ் மூலம் சரிசெய்யலாம். ஆகவே ஸ்பைக்கி பந்தை பாதங்களுக்கு அடியில் வளைவான பகுதியில் வைத்து மசாஜ் செய்யுங்கள். இப்படி செய்வதால் நிச்சயம் குதிகால் வலியில் இருந்து நிவாரணம் கிடைக்கும்.

நீர்க்கட்டுக்களைக் குறைக்கும்

கர்ப்ப காலங்களில் பாதங்கள் மற்றும் கணுக்கால்களில் வீக்கம் ஏற்படும். பெரும்பாலும் இது நீர்க்கோர்வையால் ஏற்படுவதாகும் மற்றும் கர்ப்ப காலத்தின் இறுதி காலங்களில் தான் பெண்கள் கால் வீக்கத்தால் அவஸ்தைப்படுவார்கள். இத்தகையவர்கள் ஸ்பைக்கி பந்துகளைக் கொண்டு தினமும் பாதங்களுக்கு மசாஜ் கொடுத்து, போதுமான ஓய்வு எடுக்க வேண்டும். முக்கியமாக நல்ல ஆரோக்கியமான உணவை உண்ண வேண்டும்.