உங்களுக்கு தொப்பை ஏன் குறையமாட்டீங்குது தெரியுமா? அதுக்கு உண்மையான காரணம் இது தான்..!

மெட்டபாலிசம்

வயது அதிகரிக்கும் போது உடலின் மெட்டபாலிசம் குறைந்து, தொப்பை வருவதற்கு வழிவகுக்கும். ஆண்களை விட பெண்கள் தங்களின் வயிற்றில் அதிக உணர்திறன் கொண்டவர்கள். சிலர் என்ன தான் ஆரோக்கியமற்ற உணவை உட்கொண்டாலும், அவர்களின் உடல் எடை அதிகரிக்காமல் ஒல்லியாகவே இருப்பர். இதற்கு காரணம் அவர்களின் மெட்டபாலிசத்தின் வேகம் தான். எப்போது ஒருவரது மெட்டபாலிசம் மெதுவாகிறதோ, அப்போது தொப்பை வர ஆரம்பிக்கும். மேலும் மெதுவான மெட்டபாலிசம் தைராய்டு பிரச்சனைகள், சர்க்கரை நோய் மற்றும் பிற மருத்துவ கோளாறுகளால் பாதிக்கப்படலாம்.

மோசமான உணவு முறை

கார்போஹைட்ரேட் மற்றும் கொழுப்புகள் நிறைந்த உணவுகளை அதிகமாக உண்பதும் அடிவயிற்று கொழுப்பிற்கு மற்றொரு காரணம். இன்றைய காலத்தில் எங்கும் ஆரோக்கியமற்ற உணவுகள் தான் நிறைந்துள்ளன. இந்த உணவுகளை அளவுக்கு அதிகமாக உண்ணும் போது அது தொப்பையை உண்டாக்கி, இதய நோய், சர்க்கரை நோய், உயர் இரத்த அழுத்தம், தூக்கமின்மை, பக்கவாதம் போன்ற பல ஆரோக்கிய பிரச்சனைகளுக்கு வழிவகுக்கும்.

மன அழுத்தம்

மன அழுத்தம் மற்றும் மோசமான ஹார்மோன் ஏற்றத்தாழ்வு மாற்றங்கள் உடல் பருமனுக்கு காரணமாக இருக்கக்கூடும். நமது அட்ரீனல் சுரப்பிகள் தான் மன அழுத்தத்திற்கு காரணமான அட்ரினலின் மற்றும் கார்டிசோல் ஹார்மோன்களை வெளியிடுகின்றன. இதில் கார்டிசோல் கொழுப்புக்களை தேக்கி வைக்கிறது. குறிப்பாக இந்த ஹார்மோன் தான் வயிற்றுப் பகுதியில் கொழுப்புக்களை அதிகமாக தேங்க வைக்கிறது.

அதிகப்படியான ஆல்கஹால்

அளவுக்கு அதிகமாக ஆல்கஹால் அருந்துவது உடல் பருமனுக்கு வழிவகுக்கும். ஏனெனில் இதில் கலோரிகள் அதிகளவில் உள்ளது. அதிகளவு ஆல்கஹால் அருந்துவது 50 சதவீதம் தொப்பை வர காரணமாக உள்ளது. அதோடு இது கல்லீரலை சேதப்படுத்தும் மற்றும் உடல் ஆரோக்கியத்தை மோசமாக பாதிக்கும்.

உடற்பயிற்சியின்மை

நாம் தினமும் போதுமான அளவு உடற்பற்சியை செய்ய வேண்டும். ஏனெனில் உடற்பயிற்சி செய்யும் போது எண்டோர்பின் என்னும் ஹார்மோன்கள் வலி மற்றும் பதற்றத்தைப் போக்க உதவுகிறது. மேலும் எண்டோர்பின்கள் செரடோனின் அளவுகளை மேம்படுத்தி, சிறப்பாக உணர வைக்கிறது. இது தவிர உடற்பயிற்சி கலோரிகளை எரிக்கிறது மற்றும் இது எடை இழப்புக்கு உதவுகிறது.