எச்சரிக்கை! இந்த பிரச்சனை இருந்தால் ஓமிக்ரான் வேகமாக தொற்றிக் கொள்ளுமாம்... உஷாரா இருங்க...

பலவீனமான நோயெதிர்ப்பு சக்தியின் அபாயகரமான அறிகுறிகள்:

சளி அல்லது இருமல்

எப்போது ஒருவரது நோயெதிர்ப்பு சக்தி வலுவிழந்து பலவீனமாக உள்ளதோ, அப்போது வெளிப்படும் பொதுவான ஒரு அறிகுறி தான் சளி அல்லது இருமல். ஏனெனில் பலவீனமான நோயெதிர்ப்பு சக்தி கொண்டவர்களுக்கு இவற்றை எதிர்த்துப் போராடும் அளவில் திறன் இருக்காது. மருத்துவ அறிவியலின் படி, பெரியவர்கள் பொதுவாக வருடத்திற்கு இரண்டு முதல் மூன்று முறை சளி/ஜலதோஷத்தால் பாதிக்கப்படலாம். அடிக்கடி இப்பிரச்சனையை சந்தித்தால், நோயெதிர்ப்பு மண்டலம் மிகவும் பலவீனமாக உள்ளது என்று அர்த்தம். ஆகவே உங்களுக்கு அடிக்கடி சளி, இருமல் பிடிக்குமானால், நோயெதிர்ப்பு சக்தியை வலிமையாக்கும் முயற்சியில் உடனே ஈடுபடுங்கள்.

வயிற்று பிரச்சனைகள்

பலவீனமான நோயெதிர்ப்பு மண்டலம் கொண்டவர்களிடம் வெளிப்படும் மற்றொரு அறிகுறி வயிறு தொடர்பான பிரச்சனைகளை சந்திப்பதாகும். அதுவும் வயிற்று வலி, வயிற்றுப்போக்கு போன்றவை எல்லாம், ஒருவரின் நோயெதிர்ப்பு மண்டலம் பலவீனமாக இருப்பதை குறிக்கிறது.

உடல் சோர்வு

நோயெதிர்ப்பு சக்தி மிகவும் குறைவாக இருப்பவர்கள் எப்போதும் மிகுந்த உடல் சோர்வை உணர்வார்கள். ஏனெனில் பலவீனமான நோயெதிர்ப்பு மண்டலமானது சில நேரங்களில் ஆரோக்கியமான இரத்த செல்களை அழிக்க ஆரம்பிக்கும். இதனால் உடலில் இரத்தத்தில் அளவு குறைந்து தலைவலி, உடல் சோர்வு, மூச்சு திணறல் போன்ற பிரச்சனைகளை உண்டாக்குகிறது.

அதிக அளவு மன அழுத்தம்

ஒருவரது நோயெதிர்ப்பு மண்டலம் மிகவும் பலவீனமாக இருந்தால் சந்திக்கும் முதல் பிரச்சனை அதிகளவு மன அழுத்தத்தை உணர்வது தான். மன அழுத்தத்தை ஒருவர் நீண்ட காலமாக அனுபவித்து அதை சரிசெய்ய முயற்சிக்காமல் இருந்தால், அது நோயெதிர்ப்பு மண்டலத்தின் செயல்திறனைக் குறைக்கும். இதன் விளைவாக தொற்றுக்களை எதிர்த்துப் போராட தேவையான இரத்த வெள்ளை அணுக்கள் மற்றும் லிம்போசைட்டுகளின் எண்ணிக்கை குறையும். அதிகப்படியான எரிச்சல் பலவீனமான நோயெதிர்ப்பு மண்டலத்தின் பிரதிபலிப்பாகும்.

காயங்கள் மெதுவாக குணமாவது

பலவீனமான நோயெதிர்ப்பு மண்டலத்தால் புதிய தோலை விரைவில் உருவாக்க முடியாது. இதன் விளைவாக காயங்களானது மெதுவாக குணமாகும். எப்போது நோயெதிர்ப்பு சக்தி வலிமையாக உள்ளதோ, அப்போது காயம் ஏற்பட்டால் புதிய சருமத்தை வேகமாக உருவாக்க உதவும். எனவே இதைக் கொண்டும் அறியலாம்.

மூட்டு வலி

பலவீனமான நோயெதிர்ப்பு சக்தியானது மூட்டு வலி மீண்டும் மீண்டும் ஏற்படுவதைக் குறிக்கிறது. உங்களின் நோயெதிர்ப்பு மண்டலம் நீண்ட காலமாக பலவீனமாக இருந்தால், நீங்கள் வாஸ்குலிடிஸ் என்னும் ஒரு ஆட்டோ இம்யூன் கோளாறு அல்லது தொற்று காரணமாக இரத்த நாளங்களில் ஏற்படும் அழற்சியை சந்திப்பீர்கள். அப்போது உங்களின் மூட்டுக்கள் வீங்கி, அடிக்கடி மிகுந்த வலியை உண்டாக்கும். எனவே மூட்டு வலி இருந்தால், கவனமாக இருங்கள்.

நோயெதிர்ப்பு சக்தியை அதிகரிக்கும் எளிய வழிகள்:

* சுகாதாரத்தை தவறாமல் கடைப்பிடியுங்கள்.

* நற்பதமான பழங்கள் மற்றும் காய்கறிகளை அதிகம் சாப்பிடுங்கள்.

* தினமும் நற்பதமான ஜூஸ் குடியுங்கள்.

* தவறாமல் உடற்பயிற்சியை செய்யுங்கள்.

* சரியான நேரத்திற்கு தூங்க செல்லுங்கள்.

* அதிக மன அழுத்தத்திற்கு ஆளாகாமல் இருக்க யோகா, தியானம் போன்றவற்றை செய்யுங்கள்.

* உடல்நலம் சரியில்லாதவர்களிடம் இடைவெளியை பராமரியுங்கள் மற்றும் தேவையில்லாமல் வெளியே செல்வதைத் தவிர்த்திடுங்கள்.

* முக்கியமாக மாஸ்க் அணிவது, சானிடைசர் பயன்படுத்துவதை வழக்கமாக கொள்ளுங்கள்.