இந்தியாவில் புதிதாக பரவும் உயிரைப் பறிக்கும் மர்ம காய்ச்சல் 'ஸ்க்ரப் டைபஸ்' - அதன் அறிகுறிகள் என்ன?

ஸ்க்ரப் டைபஸ் என்றால் என்ன?

நோய் கட்டுப்பாடு மற்றும் தடுப்பு மையங்களின் அறிக்கைகளின் படி, இது ‘ஓரியன்டியா சுட்சுகாமுஷி' பாக்டீரியாவால் ஏற்படும் ஒரு நோய். ஸ்க்ரப் டைபஸ் நோய்த்தொற்றுள்ள லார்வா பூச்சிகள் கடிப்பதன் மூலம், இது மக்களிடைய பரவுகிறது. இந்த பாக்டீரியா காய்ச்சலுக்கு மற்றொரு பெயர் 'புஷ் டைபஸ்'.

ஸ்க்ரப் டைபஸின் அறிகுறிகள் என்ன?

ஸ்க்ரப் டைபஸின் மிகவும் பொதுவான அறிகுறிகள் பின்வருமாறு:

* காய்ச்சல்

* தலைவலி

* உடல் வலி

* மூட்டு வலிகள்

* நுரையீரல் அழற்சி

* சிறுநீரக செயலிழப்பு

* சில நேரங்களில் அரிப்பு

தீவிரமான நிலையில், இது நிமோனிடிஸ், மூளைக்காய்ச்சல், மனநிலை மாற்றங்களான குழப்பம் முதல் கோமா வரை, இதய செயலிழப்பு மற்றும் இரத்த சுற்றோட்ட சரிவு போன்றவை ஏற்பட்டு, மரணத்திற்கு வழிவகுக்கலாம்.

ஸ்க்ரப் டைபஸுக்கு தடுப்பு மருந்துகள் உள்ளதா?

தற்போது, ஸ்க்ரப் டைபஸுக்கு எந்த ஒரு தடுப்பு மருந்தோ அல்லது தடுப்பூசியோ இல்லை.

ஸ்க்ரப் டைபஸ் பாதிப்பு எங்கெல்லாம் உள்ளது?

ஸ்க்ரப் டைபஸ் பாதிப்பு இந்தியாவைத் தவிர, இந்தோனேசியா, சீனா, ஜப்பான் மற்றும் வடக்கு ஆஸ்திரேலியாவின் கிராமப்புறங்களில் காணலாம்.

ஸ்க்ரப் டைபஸுக்கு என்ன சிகிச்சை உள்ளது?

நோய் கட்டுப்பாடு மற்றும் தடுப்பு மையங்களின் ஆய்வின் படி, நோய்த்தொற்றால் பாதிக்கப்பட்டவருக்கு டாக்ஸிசைக்ளின் என்ற மருந்து மூலம் சிகிச்சை அளிக்கப்பட வேண்டும்.

ஸ்க்ரப் டைபஸ் பாதிப்பைத் தடுப்பது எப்படி?

பெரியவர்கள் மற்றும் குழந்தைகள் தலை முதல் கால் வரை எல்லா நேரங்களிலும் மூடி இருக்க முயற்சி செய்ய வேண்டும். முக்கியமாக கொசுக்கள் மற்றும் பூச்சிகளால் கடிபடுவதைத் தவிர்க்க வேண்டும்.