உங்க கொலஸ்ட்ரால் அளவு மற்றும் பிபியை குறைக்க இந்த 3 பொருட்கள் கலந்த பானத்தை குடிச்சா போதுமாம்!

ஆரோக்கியமான பொருட்கள் கலந்த பானம்

எலுமிச்சை, இஞ்சி மற்றும் பூண்டு கலந்த ஆரோக்கிய பானம் உங்கள் உடலுக்கு பல்வேறு அதிசயங்களை செய்கின்றன. ஆக்ஸிஜனேற்றிகள், தாதுக்கள் மற்றும் வைட்டமின்கள் நிறைந்த இந்த பானம் ஆரோக்கிய பானம் என்றும் அழைக்கப்படுகிறது. ஏனென்றால், இஞ்சி, பூண்டு மற்றும் எலுமிச்சை ஆகியவை இயற்கையான கூறுகளால் நிரம்பியுள்ளன. அவை உடல் கொழுப்பைக் குறைக்க உதவுகின்றன. தமனிகளில் அடைப்பைத் திறக்க உதவுகின்றன.

எடை இழப்புக்கு உதவும்

இந்த பானம் எல்டிஎல் அளவைக் குறைக்கின்றன மற்றும் சுவாச ஆரோக்கியத்தை மேம்படுத்த உதவுகின்றன மற்றும் தோல் நோய்த்தொற்றுக்கு சிகிச்சையளிக்கின்றன. இறுதியாக, எலுமிச்சை வைட்டமின் சி மற்றும் சிட்ரிக் அமிலத்தின் நல்ல மூலமாகும். இது எடை இழப்புக்கு உதவுகிறது. நோய் எதிர்ப்பு சக்தியை அதிகரிக்கிறது மற்றும் செல் மீளுருவாக்கம் செய்ய உதவுகிறது.

எலுமிச்சை, இஞ்சி மற்றும் பூண்டு பானம் தயாரிப்பது எப்படி?

5 கப் தண்ணீர்

3 இன்ச் இஞ்சி வேர்

4 பூண்டு பற்கள்

சிறிதளவு எலுமிச்சை சாறு

தேவையான அளவு தேன்

இஞ்சி மற்றும் பூண்டு சேர்த்து நன்றாக கொதிக்க வைக்கவும். அடுத்து, தீயை அணைத்து சிறிதளவு அளவிலான எலுமிச்சை சாறு சேர்க்கவும். இந்த பானத்தை சேமித்து தேன் கலந்து சூடாக அருந்தலாம்.

குறிப்பு: உங்களுக்கு பிடித்திருந்தால், இந்த பானத்தில் ஆப்பிள் சைடர் வினிகரையும் சேர்க்கலாம்.

எலுமிச்சை

தினமும் எலுமிச்சை சாறு குடிப்பதால் உடலில் உள்ள எல்டிஎல் அல்லது "கெட்ட" கொழுப்பின் அளவை குறைக்கிறது. எலுமிச்சை சாறு சிறந்த இயற்கை சுத்தப்படுத்திகளில் ஒன்றாகும். ஏனெனில், அதில் அதிகளவு சிட்ரிக் அமிலம் உள்ளது. காலையில் படுக்கையில் இருந்து எழுந்ததும் இந்த பானம் குடிப்பது நல்லது. இது உங்கள் கொலஸ்ட்ரால் அளவை குறைக்க உதவுகிறது.

இஞ்சி

தினசரி உணவில் இஞ்சியை சேர்ப்பது உங்கள் "கெட்ட" அல்லது எல்டிஎல் கொழுப்பின் அளவை எதிர்த்துப் போராட உதவும். சமீபத்திய ஆய்வில், 3 மாதங்களுக்கு ஒரு நாளைக்கு 5 கிராம் இஞ்சியை எடுத்துக் கொண்டால், மக்களின் எல்டிஎல் கொழுப்பு சராசரியாக 30 புள்ளிகளைக் குறைக்கிறது. மேலும், எடை இழப்பு, நோயெதிர்ப்பு சக்தியை அதிகரிப்பது என பல ஆரோக்கிய நன்மைகளை உங்களுக்கு வழங்குகிறது.

இறுதி குறிப்பு

இந்த பானத்தை மதிய உணவு அல்லது இரவு உணவிற்கு முன் உட்கொள்ளலாம், ஆனால் எல்டிஎல் அளவையும் கொழுப்பின் அளவையும் குறைக்க இது ஒரே வழி அல்ல. அத்தகைய தீர்வை கண்மூடித்தனமாக பின்பற்றுவதற்கு முன் மருத்துவ வழிகாட்டுதலைப் பெறுவது சிறந்தது. ஆரோக்கியமான உணவு, உடற்பயிற்சி மற்றும் சீரான வாழ்க்கை முறை ஆகியவற்றுடன் இணைந்தால் மட்டுமே இந்த பானம் உங்களுக்கு நன்றாக வேலை செய்யும்.