பாலின அடையாள கோளாறு குறித்து கட்டாயம் தெரிந்து கொள்ள வேண்டியவைகள்!

பாலின டிஸ்போரியா பிரச்சனைக்கான அறிகுறிகள்:

பாலின டிஸ்போரிய பாதிப்பு இருப்பதை உறுதி செய்ய கீழே குறிப்பிட்டுள்ள அறிகுறிகள் 6 மாதங்கள் தொடர்ந்து நீடிக்க வேண்டும்.

* உடலியல் சார்ந்த தன்மை ஆணாக இருந்தாலும் பெண்ணுக்கான உணர்வு இருப்பது. அதே போல், பெண்ணுக்குரிய உடல் அம்சங்கள் இருந்த போது உணர்வு ரீதியாக ஒரு ஆணாக இருப்பது.

* அவர்கள் உணர்வு எந்த பாலினத்தைச் சேர்ந்ததோ அதே பாலினத்தில் நண்பர்களைத் தேர்வு செய்வது.

* அவர்கள் உடல் அடையாளம் சார்ந்த பாலினத்திற்காக செய்யப்பட்ட பொம்மைகள், உடைகள் மற்றும் இதர பொருட்களை மறுப்பது.

* ஆண் என்ற உணர்வு கொண்ட பெண், பெண்ணுக்கு ஏற்ற முறையில் சிறுநீர் கழிக்க மறுப்பது

* அவர்களின் உணர்வில் இருக்கும் பாலினத்தைச் சேர்ந்த பிறப்புறுப்புகள் வேண்டும் என்று நினைப்பது

* பிறக்கும்போது அவர்களை அடையாளம் காட்டிய பாலினத்திற்கான குணங்களை களைய நினைப்பது

* சிறு பெண்ணாக இருக்கும் போது, வளர்ந்தவுடன் தான் நினைக்கும்படி ஒரு ஆணாக மாறமுடியும் என்று நம்புவது

* பூப்பெய்தலுக்கு பிறகு உடலின் மாற்றத்தை ஏற்றுக்கொள்வதில் மிகப்பெரிய அசௌகரியத்தை உணர்வது.

* குளிக்கும்போது அல்லது உடை மாற்றும் போது, தங்களுடைய பிறப்புறுப்பை பார்த்து மிகவும் வருந்துவது .

அவர்கள் சவால்கள் என்ன?

அசௌகரியம் ஒரு பக்கம் இருந்தாலும், மற்றவர்களிடம் இருந்து வேறுபட்டு இருப்பது மற்றும் பாதிக்கப்பட்டது போன்ற உணர்வு போன்றவை பல்வேறு மனநலக் கோளாறுகளுக்கு வழிவகுக்கும். அவர்கள் உடல் வடிவம் குறித்து தொடர்ச்சியான கருத்து வேறுபாடு தற்கொலை செய்து கொள்ளும் எண்ணம் உருவாகும் அபாயத்தை உண்டாக்கலாம்.

ஒருவித மன அழுத்தம்

இந்த பாதிப்பைக் கொண்ட பதின் பருவத்தினர் மற்றும் பெரியவர்களுக்கு, மற்ற பாலினத்தின்மீது அதிக ஈடுபாடு இருப்பதால் , அவர்களுடைய தினசரி செயல்பாடுகள் மற்றும் உறவுகளில் சிக்கல் ஏற்படும் வாய்ப்பு உருவாகலாம். குழந்தைகளுக்கு அவர்கள் பிறந்த பாலினத்தின் உடைகளை உடுத்த வேண்டும் என்று சுற்றுப்புறத்தில் இருப்பவர்கள் கட்டாயப்படுத்துவதால் ஒரு வித அழுத்தம் உண்டாகும். இதனால் உணர்வு ரீதியாகவும், குணநலன்களிலும் அவர்களுக்கு மாற்றம் உண்டாகலாம். மேலும் பதட்டம், மனஅழுத்தம் மற்றும் மனச்சோர்வு ஆகியவற்றால் அவர்கள் பாதிக்கப்படலாம்.

தனிமைப்படுத்தப்படுவது

மற்றவர்களிடமிருந்து அவர்களுக்கு ஆறுதல் கிடைக்காத பட்சத்தில் அவர்கள் தனிமைப்படுத்தப்படுகின்றனர். அவர்களை சுற்றி இருப்பவர்களிடமிருந்து அவர்களுக்கு அன்பும் அரவணைப்பும் கிடைக்க வேண்டும். அவர்கள் எந்த ஒரு மோசமான நடத்தையையும் கொண்டிருக்கவில்லை, சற்று வித்தியாசமாக பிறந்திருக்கின்றனர் , அதில் எந்த ஒரு தவறும் இல்லை என்பதை அவர்கள் புரிந்து கொள்ள வேண்டும்.

இதற்கான சிகிச்சை என்ன?

பாலின டிஸ்போரியா உள்ளவர்களுக்கு அவர்கள் உணரும் விதத்தை மாற்ற சிகிச்சை தேவையில்லை, அதற்கு பதிலாக, அதனுடன் வரும் பிரச்சினைகளுக்கு அவர்கள் சிகிச்சை பெற வேண்டும். இந்த நிலை, மனநலக் கோளாறுகளுக்கு வழிவகுக்கலாம். அதனை ஒரு நிபுணர் அவர்களுக்குத் தெளிவுபடுத்த வேண்டும். உளவியல் நிபுணர்களிடம் பாலின டிஸ்போரியா தொடர்பான பிரச்சனைகளுக்கு உதவி பெற முடியும்.