நீங்கள் அடிக்கடி சாப்பிடும் இந்த உணவுகள்தான் சிறுநீரகக் கற்களை உருவாக்கி உங்களை வதைக்கிறது தெரியுமா?

சிவப்பு இறைச்சி

சிவப்பு இறைச்சியில் அதிக புரதம் உள்ளது மற்றும் யூரிக் அமிலம் இருப்பதால் சிறுநீரக கற்களை உருவாக்கும் அபாயத்தை அதிகரிக்கிறது.இறைச்சிகளின் ஈரல்களில் அதிகளவு யூரிக் அமிலம் உள்ளது. சிறுநீரக கற்கள் உருவாக யூரிக் அமிலத்தின் அதிக உள்ளடக்கம் முக்கிய காரணங்களில் ஒன்றாகும்.

கார்பனேற்றப்பட்ட பானங்கள்

சோடாக்கள் மற்றும் பிற ஆற்றல் பானங்கள் போன்ற கார்பனேற்றப்பட்ட பானங்களை தவறாமல் உட்கொள்வது சிறுநீரக கற்களை உருவாக்கும் அபாயத்தை அதிகரிக்கிறது. சிறுநீரக கற்களை ஊக்குவிக்கும் பாஸ்போரிக் அமிலம் இந்த பானங்களில் இருப்பதாக சமீபத்திய ஆய்வில் முடிவு செய்யப்பட்டுள்ளது. இது நாள்பட்ட சிறுநீரக நோய்களின் அபாயத்தையும் அதிகரிக்கிறது.

சுத்திகரிக்கப்பட்ட கார்போஹைட்ரேட்டுகள்

வெள்ளை அரிசி, சர்க்கரை மற்றும் சுத்திகரிக்கப்பட்ட மாவு போன்ற சுத்திகரிக்கப்பட்ட கார்போஹைட்ரேட்டுகள் அதிக அளவு இன்சுலின் உற்பத்தி செய்கின்றன, இது சிறுநீர் பாதை நோய்த்தொற்றுகளுக்கு வழிவகுக்கிறது. இதனால் அவை சிறுநீரக கற்கள் உருவாகத் தூண்டும்.

காஃபைன்

அதிக அளவு காஃபின் உட்கொள்வது சிறுநீரகத்தில் கால்சியம் சுரக்கப்படுவதை அதிகரிக்கிறது, இது சிறுநீரக கற்களின் வளர்ச்சிக்கு வழிவகுக்கிறது. சிறுநீரக கற்களுக்கு முக்கிய காரணங்களில் ஒன்றான நீரிழப்புக்கு காஃபைன் காரணமாகும்.

செயற்கை இனிப்புகள்

செயற்கை இனிப்புகள் வழக்கமாக உட்கொள்வது சிறுநீரகங்களின் செயல்பாட்டை பாதிக்கலாம். ஆராய்ச்சியின் படி, செயற்கை இனிப்பு பானங்களை உட்கொள்பவர்களுக்கு சிறுநீரக கற்கள் உருவாகும் ஆபத்து 50 சதவீதம் அதிகமென கூறுகிறது.

ஆல்கஹால்

ஆல்கஹால் அதிகமாக உட்கொள்வது சிறுநீரகங்களையும் கல்லீரலையும் சேதப்படுத்தும். இது நீரிழப்புக்கு வழிவகுக்கிறது, இது சிறுநீரகங்களின் இயல்பான செயல்பாட்டை சீர்குலைத்து சிறுநீரக கற்களின் அபாயத்தை அதிகரிக்கிறது.

உப்பு

உப்பில் அதிகளவு சோடியம் இருப்பதால், இது இரத்த அழுத்தம், இதய நோய் மற்றும் சிறுநீரக நோயை எழுப்புகிறது. உப்பு உட்கொள்வதைக் குறைப்பது சிறுநீரகக் கற்களை ஏற்படாமல் தடுப்பதற்கான சிறந்த வழிகளில் ஒன்றாகும்.

அதிக ஆக்சலேட் உணவுகள்

பெரும்பாலான தாவரங்களில் ஆக்சலேட் இருக்கிறது, அதனால் அதனை முற்றிலுமாக தவிர்ப்பது கடினமாகும். கீரைகள், ருபார்ப், பாதாம், முந்திரி, கோகோ பவுடர், வெண்டைக்காய், சர்க்கரைவள்ளி கிழங்கு போன்றவற்றில் அதிகளவு ஆக்சலேட் உள்ளது. இந்த உணவுகளை குறைந்த அளவில் சாப்பிடுவது சிறுநீரகத்திற்கு நல்லது.