இந்த மோசமான நோய்களை உடலில் இருந்து வரும் வாசனையை வைத்தே மருத்துவர்கள் கண்டுபிடித்து விடுவார்களாம்?

நமது உடலில் ஏற்படும் துர்நாற்றம் வியர்வையால் மட்டும் ஏற்படுவதில்லை இது சில நோய்களின் அறிகுறியாக கூட இருக்கலாம்.

Updated: Thursday, July 1, 2021, 10:43 [IST]

நமது உடலில் ஏற்படும் துர்நாற்றம் வியர்வையால் மட்டும் ஏற்படுவதில்லை இது சில நோய்களின் அறிகுறியாக கூட இருக்கலாம். ஆராய்ச்சியாளர்கள் மற்றும் மருத்துவர்களின் கருத்துப்படி புற்றுநோய், பார்க்கின்சன் நோய் போன்ற நோய்களை உங்கள் உடலில் இருந்து வெளிப்படும் துர்நாற்றத்தை கொண்டே கண்டறிந்து விடலாம்.

Diseases Doctors Can Actually Detect Through Smell

நோய்கள் நமது உடலின் செயல்பாடுகளை மாற்றக்கூடியவை. நோய் உடலில் புதிய மற்றும் வேறுபட்ட உயிர்வேதியியல் செயல்முறைகளை மேம்படுத்துவதற்கு வழிவகுக்கும் போது, இந்த செயல்முறைகள் சிறிய கொந்தளிப்பான மூலக்கூறுகளின் உற்பத்திக்கு வழிவகுக்கும். இந்த மூலக்கூறுகள் இரத்தம் மூலமாக நுரையீரலுக்கு செல்வதன் மூலம் உடலில் துர்நாற்றத்தை ஏற்படுத்தும். இந்த பதிவில் உடல் துர்நாற்றத்தை வைத்து என்னென்ன நோய்களை கண்டறியலாம் என்று பார்க்கலாம்.

பேஸ்புக்கில் எங்களது செய்திகளை உடனுக்குடன் படிக்க க்ளிக் செய்யவும்

நுரையீரல் புற்றுநோய்

நுரையீரல் புற்றுநோயை வாசனையை வைத்தே கண்டறியலாம் என்று மருத்துவர்கள் கூறுகிறார்கள். இஸ்ரேலில் தயாரிக்கப்பட்ட நனோஸ் என்னும் கருவி புற்றுநோய் செல்களால் உருவாக்கப்படும் வாசனையை கொண்டு அதன் தன்மையை அளவிடும். இதன் முடிவு 90 சதவீதம் சரியானதாக இருக்கும். இதேமுறையை வைத்து பல்வேறு நோய்களை மருத்துவர்கள் கண்டறிகிறார்கள்.

சிறுநீரக செயலிழப்பு

மூச்சில் அமோனியா வாசனை வருவது சிறுநீரக செயலிழப்பின் அறிகுறியாகும். பொதுவாக சிறுநீரக செயலிழப்பை கண்டறிய அதிக கருவிகள் தேவைப்படும். ஆனால் இலினாய்ஸ் பல்கலைக்கழகத்தில் கண்டறியப்பட்ட சென்சார் பொருத்திய சிப்கள் மூச்சில் இருக்கும் வாசனையை வைத்தே சிறுநீரக செயல்பாட்டை கண்டறிந்துவிடும். ஒருமுறை உபயோகப்படுத்திய பிறகு இதனை தூக்கி எரிந்து விடலாம்.

கல்லீரல் செயலிழப்பு

உங்கள் கல்லீரல் அதன் செயல்பாட்டை நிறுத்தும்போது உங்கள் உடலில் இருக்கும் நச்சுத்தன்மை அதிகரிக்கும். இதனால் ஏற்படும் துர்நாற்றம் வியர்வை, சிறுநீர் மூலம் நன்கு தெரியும். இதன் வாசனை மீனின் வாசனையை போன்று இருக்கும்.

மல்டிபிள் ஸ்களீரோசிஸ்

மல்டிபிள் ஸ்களீரோசிஸ் என்பது தன்னுடல் தாக்க நோய், இதனால் உடல் அதன் சொந்த மைய நரம்பு மண்டலத்தைத் தாக்கத் தொடங்குகிறது. இதனால் உணர்வின்மை, பார்வை குறைபாடு போன்ற பிரச்சினைகள் ஏற்படலாம். இதனை பொதுவாக MRI ஸ்கேன் மூலமாகத்தான் கண்டுபிடிக்க முடியும். ஆனால் இந்த நோய்க்கென தனிவாசனை இருப்பதாக மருத்துவர்கள் கூறுகிறார்கள். அதனை வைத்து எளிதில் இதனை கண்டறிந்து விடலாம்.

ஈறுகளில் ஏற்படும் நோய்

உங்களுக்கு ஈறுகளில் பிரச்சினை இருந்தால் , அங்கிருக்கும் பாக்டீரியா ஹைட்ரஜன் சல்பைட் போன்ற கழிவுப்பொருட்களை வெளியிடுகிறது, இது அழுகிய முட்டையை போல இருக்கும் என்று மருத்துவர்கள் கூறுகிறார்கள். இதன்மூலம் ஒருவருக்கு ஈறு நோய், வாய்ப்புண் போன்ற பிரச்சினைகள் இருப்பதை கண்டறிந்துவிடலாம்.

சர்க்கரை நோய்

சர்க்கரை நோயாளிகளின் வாசனையில் எப்போதும் பழ வாசனை இருக்கும். இது நீரிழிவு கீட்டோசிஸைக் குறிக்கும். இன்சுலின் ஹார்மோன் போதுமானதாக இல்லாதபோது அல்லது உடல் அதை சரியாகப் பயன்படுத்தாதபோது, எரிபொருளுக்காக கொழுப்பை எரிக்கத் தொடங்கும்.

மோனோ

உலகளாவிய மக்கள்தொகையில் 90 சதவிகிதம் தொற்று மோனோநியூக்ளியோசிஸ் அல்லது மோனோ தாக்குகிறது. மூச்சுக்காற்றில் புளிப்பு வாசனை வருவது இதன் முதல் அறிகுறியாகும்.