காலையில் சீக்கிரம் எழுவதற்கான எளிய வழிகள்

ஒரே நேரத்தை கடைபிடித்தல்

தினமும் ஒரே நேரத்தில் எழுவதை எப்படியாவது வழக்கமாக கொள்ளுங்கள். அதற்காக தினமும் 8 மணிக்குத்தான் எழுவேன் என்று அடம்பிடிக்காதீர்கள். சீக்கிரம் எழ முயலுங்கள். ஆறு மணிக்கு காலை ஏல வேண்டுமென்றால் அதற்கு 8 மணி நேரத்திற்கு முன்பு நீங்கள் படுக்கையில் இருக்க வேண்டியது அவசியமாகும். இரவு சீக்கிரம் படுத்தால் காலை உங்கள் உடல் தானாகவே சீக்கிரம் எழ பழகிவிடும். அதேபோல சீக்கிரம் படுக்கவேண்டும் என்று படுக்கையில் படுத்துவிட்டு செல்போனை பயன்படுத்தி கொண்டிருக்காதீர்கள். தூக்கம் வந்தவுடன் படுக்கைக்கு செல்லுங்கள்.

அவசியம் உணர்தல்

ஆரோக்கியத்திற்காக மட்டுமில்லாமல் நீங்களாகவே காலையில் சீக்கிரம் எழுவதற்கான காரணத்தை உருவாக்குங்கள். அவை உடற்பயிற்சி, காலை நேர அமைதி, சூரிய உதயம் என எதுவாக வேண்டுமானாலும் இருக்கலாம். ஆனால் அது உங்களுக்கு பிடித்த காரணமாக இருக்க வேண்டும். உங்களுக்கான காரணத்தை இன்றே தேட தொடங்குங்கள்.

மெதுவாக தொடங்குங்கள்

இப்பொழுது நீங்கள் தினமும் 8 மணிக்கு எழுகிறீர்கள் என்றால் திடீரென உங்களை 5 மணி எழ சொன்னால் உங்கள் உடலும் சரி, மனதும் சரி அதற்கு ஒத்துழைக்காது. எனவே கொஞ்சம் கொஞ்சமாக குறைத்து கொண்டே வாருங்கள். முதல் வாரம் 7:30 பின்னர் அடுத்த இரண்டு வாரம் 7:ஊ என குறைத்து கொண்டே வந்தால் சில வாரங்களிலியே நீங்கள் நினைக்கும் நேரத்தை அடைந்து விடலாம்.

அலாரம்

இது காலம் காலமாக வெறும் சடங்காகவே இருந்து வரும் ஒரு முறையாகும். ஆனால் இதனை உபயோகமாக மாற்ற சில வழிகள் இருக்கிறது. நீங்கள் எழ நினைக்கும் நேரத்திற்கு அரை மணி நேரத்திற்கு முன்பே அலாரத்தை வைத்து விடுங்கள். நீங்கள் எழும் நேரத்திற்கும் ஒரு அலாரம் வையுங்கள். இரண்டு அலாரங்களின் சத்தமும் வழக்கமாக இருக்கும் சத்தத்தை விட அதிகமாக இருக்க வேண்டியது அவசியம். தேவைப்பட்டால் உங்கள் செல்போன், கடிகாரம், அலாரம் க்ளாக் என அநினைத்திலும் அலாரம் வைத்துக்கொள்ளுங்கள். அதை அணைக்கவாவது நெனக்கில் எழுந்துதான் ஆக வேண்டும்.

சூரிய ஒளி

சூரிய ஒளி உங்களை சுறுசுறுப்பாக்க கூடும் என்பது உண்மை. இதன் எதிர்மறையும் உண்மையானதுதான். நீங்கள் வீட்டிற்குள்ளேயே இருந்து கொண்டு சூரியனை பார்க்காமல் இருந்தால் அது உங்களை சோம்பேறியாக்க கூடும். எனவே எழுந்தவுடன் முதலில் ஜன்னல் திரைகளை திறந்து கதிரவனை உங்கள் அறைக்கு வரவேற்க கற்றுக்கொள்ளுங்கள்.

காலை சடங்குகள்

காலை எழுவது மற்றும் முக்கிமானதல்ல, அதற்கு பின் செய்ய வேண்டியவையும் பல உள்ளது. சீக்கிரம் எழுந்து செல்போனையோ அல்லது தொலைக்காட்சியையோ பார்த்து கொண்டிருப்பதில் எந்த பயனும் இல்லை. எனவே எழுந்தவுடன் காலையில் செய்ய வேண்டிய உடற்பயிற்சி, யோகா போன்றவற்றை செய்ய முயலுங்கள். இப்போதெல்லாம் காலை நேரத்தில் தொலைக்காட்சியில் ஒளிபரப்பப்படும் நிகழ்ச்சிகளை பார்த்தால் இதற்கு உடற்பயிற்சி செய்வதே சிறந்தது என்று உங்களுக்கு தோன்றும்.

ஆப்பிள் சாப்பிடுங்கள்

காலை எழுந்தவுடன் ஒரு கை செல்போனை தேடினால் மற்றொரு கை காபி கோப்பையை தேடும். இதனை முதலில் தவிர்க்க முயலுங்கள். இரவு தூங்கும் முன் ஒரு ஆப்பிள் சாப்பிடுங்கள். ஆப்பிளில் உள்ள இயற்கை சர்க்கரை உங்களை விரைவில் எழுந்திரிக்க உதவுவதுடன் உங்களை புத்துணர்ச்சியாகவும் உணரச்செய்யும். காபியில் உள்ள காஃபைன் உங்களை சோம்பலாக உணரச்செய்யும். ஆனால் ஆப்பிளில் உள்ள குளுக்கோஸ் மற்றும் வைட்டமின்கள் நாள் முழுவதும் உங்களுக்கு தேவையான ஆற்றலை வழங்கும். காலை காபி குடிப்பதற்கு பதிலாக சுடுதண்ணீரில் எலுமிச்சையும், தேனும் கலந்து குடிக்க பழகுங்கள். இது உங்களை நாள் முழுவதும் ஆற்றலுடன் வைத்திருக்க உதவும்.

எது உங்களை தாமதமாக தூங்கவைக்கிறது என்பதை உணருங்கள்

நீங்கள் இரவு தாமதமாக தூங்க என்ன காரணம் என்பதை கண்டறிய முயலுங்கள். அது உங்களின் பணிசுமையாக இருக்கலாம், நீங்கள் செய்த உடற்பயிற்சியாக இருக்கலாம், அல்லது தூங்குவதற்கு முன் நீங்கள் குடித்த காபியாக இருக்கலாம். இதில் எது நீங்கள் சீக்கிரம் எழுவதை தடுத்தாலும் அதனை தவிர்க்க முயலுங்கள். முக்கியமாக இணையம், செல்போனை இரவில் உபயோகிப்பதை நிறுத்துங்கள்.

காபி மற்றும் டீ

இரவு படுக்கைக்கு செல்லும் முன் காபி, டீ குடிப்பதை தவிருங்கள். படுக்கைக்கு செல்லும் இரண்டு மணி நேரத்திற்கு முன்பே காபி, டீ குடித்து விடுங்கள். இல்லையெனில் அது நீங்கள் தூங்கும் நேரத்தை தாமதப்படுத்தும். தூங்கும் நேரம் தாமதகமாக இருக்கும் பட்சத்தில் எழும் நேரமும் தாமதமாகத்தான் இருக்கும்.