வியாதிகளைப் போக்கி புத்துணர்வு தரும் அரோமா தெரபியை பயன்படுத்தும் முறை!

Posted By: Gnaana
Subscribe to Boldsky

சங்ககாலம்தொட்டு இன்றுவரை, தெய்வீகத் தலங்கள், விழா வைபவங்கள் உள்ளிட்ட அனைத்து வகையான நிகழ்வுகளிலும் முதன்மையான இடம் பிடிப்பது மலர்களே!

மலர்களின் மணமும் அவற்றின் அழகிய கண்ணைக்கவரும் தோற்றமும் பார்ப்போரை தம்வயப்படுத்தும் ஆற்றல்மிக்கவை என்றால் அது மிகையில்லை.

மலர்கள், அழகுக்காக மட்டுமன்றி, உடல் பிணி நீக்கவும் மருந்தாகப் பயன்படுகிறது என்பதை நாம் தாமரை, ரோஜா உள்ளிட்ட பலவகை மலர்களின் மருத்துவ குணங்களின் மூலம் அறிந்திருப்போம்.

பூக்களின் நறுமணம்! இதை சுவாசித்து உணர, நமது மூக்குக்கு நுகரும் சக்தியைக் கொடுத்தது மட்டுமல்லாமல், அவற்றின் மூலம் நமது சோர்வை நீக்கி, உற்சாகம், உடல் வேதனைகள் தீர்த்தல் போன்ற பல அரிய நற்பலன்களையும் தந்திருக்கிறார் இறைவன்.

நமது மூக்கில் உள்ள உணர்ச்சியை அறியும் செல்கள் மூலம் நாம் நுகரும் மணத்தை மூளையில் உள்ள செல்கள் உள்வாங்கி, நல்ல மணத்தை, மகிழ்ச்சியான மனநிலை மூலமும், கெட்ட மணத்தை சோர்வான மனநிலை முலமும் நமக்கு உணர்த்துகின்றன. மேலும் சில செயற்கை மணங்கள் நமக்கு தலைவலி உள்ளிட்ட ஒவ்வாமையை உண்டாக்கும், இதன்மூலம் வாசனைகள், மனித உடலை ஆள்வதை உணரலாம்.

வாசனைமருத்துவம், பலஆயிரம் ஆண்டுகளுக்கு முன்னரே நமதுதேசத்தில் வழக்கத்தில் இருந்திருந்தாலும், தற்கால நவநாகரீக மங்கையரின் முக,உடல் அழகுக்கலையில் அதிகம் பயன்படுத்தப்படுவதால், தற்போது பிரபலமாகி வருகிறது.

வாசனைப்பூக்கள் மூலம் தயாராகும் எசன்ஷியல் ஆயில் எனப்படும் பூத்தைலம், நிறைய மருத்துவ பலன்கள் கொண்டது. அரோமாதெரபிக்கு இதுபோன்ற ஆயிலே, மூலமாகும்.

அரோமா தெரபியின் மூலம் உடல் அழகை பொலிவாக்க, தடுமாறும் மனதை அமைதிப்படுத்த, உடலில் அசுத்தத்தை நீக்கி, இரத்தத்தை சீராக்க, பயன்படுத்தலாம் என்கின்றனர்.

Types of Aroma therapy to rejuvenate your body and mind

நாம் சிலஇடங்களுக்கு அலுவல் நிமித்தமாகவோ அல்லது வேறு காரணமாகவோ செல்லும்போது, திடீரென அந்தச்சூழல் நமக்கு பரிச்சயமானதுபோல தோன்றும், அந்த இடங்களில் காற்றில் கலந்திருக்கும் நறுமணம், நம் மனதை அமைதியாக்கும்.

இயற்கையான மணமூட்டிகளான பச்சைக்கற்பூரம், இறைவனுக்கு அணிவிக்கும் நறுமணம்கொண்ட மலர்கள், சாம்பிராணி மற்றும் ஊதுவத்திகளின் மணங்கள் இணைந்த கோவில்களின் தெய்வீக சூழல்கள், மனதுக்கு அமைதியை அளித்து, நம்மை அந்த சூழ்நிலையில் ஒன்ற வைக்கின்றன.

மனதையும் உடலையும் ஒருங்கிணைக்க, இந்த நறுமணங்களையே வகைப்படுத்தி, மனதின், உடலின் பல்வேறு நிலையிலான வியாதிகளை தீர்க்கலாம், மனம், முகம் மற்றும் உடல் அழகை பொலிவாக்கலாம் என்கிறது, அரோமா தெரபி.

பேஸ்புக்கில் எங்களது செய்திகளை உடனுக்குடன் படிக்க க்ளிக் செய்யவும்
மூலிகை பொருட்கள் :

மூலிகை பொருட்கள் :

சில தாவரங்களின் வேர், தண்டு, பட்டைகள், பழங்கள், இலைகள், மலர்களின் மடல்கள் இவற்றைக்காய்ச்சி, மிகச்சிறிய அளவில் கிடைக்கும் அடர் தன்மைமிக்க மூலப்பொருள்தான் எசன்ஷியல் ஆயில் எனப்படும் அரோமா எண்ணை.

அரோமா எண்ணையான ரோஜா எண்ணை மூலம் கழுதைப்பாலில் குளித்து, உடலை வனப்பாக்கியவர் எகிப்து பேரழகி கிளியோபாட்ரா. மம்மிகள் எனப்படும் இறந்தவர்கள் உடலை பல்லாயிரம் ஆண்டுகளானாலும் தன்மை மாறாமல் இருக்கவைக்க, அரோமா எண்ணை கொண்டே அவற்றைப் பதப்படுத்தி, பிரமிடுகளில் வைத்ததாக, அறிய முடிகிறது.

அரோமா ஆயில் அனைத்து உடல் மனக்கோளாறுகளை சரிசெய்யக்கூடியது. மேலை மருந்துகளின் வேகத்தைவிட, பல நூறு மடங்குகள் அதிகமாக செயலாற்றக்கூடியது.

இந்த எசன்ஷியல் ஆயிலை மற்ற எண்ணெய்களின் துணை கொண்டே உபயோகிக்க வேண்டும். மிக எளிதில் கரையும் தன்மை கொண்டதாகையால், சிறிய அளவில் தோலில் தேய்த்தாலே, மிக வேகமாக உடலில் செயல்படும் ஆற்றல் கொண்டது, உடலின் மூளை உள்ளிட்ட அனைத்து உறுப்புகளையும் நேரடியாக சென்று அடையும் ஆற்றல் கொண்டதால், மிக கவனமாக பயன்படுத்த வேண்டும்.

நூற்றுக்கணக்கான வகை கொண்ட அரோமா ஆயில்கள் புழக்கத்தில் இருந்தாலும், சில வகை ஆயில்கள் மட்டும் நம் உடல் கோளாறுகள் நீக்கப்போதுமானது.

வாசனை ஆயிலில் தலையாய இடம், அரோமா ஆயிலின் இராணி எனப்படும் ரோஜா ஆயிலுக்குதான். ஒரு துளி ரோஜா ஆயில் எடுக்க, கிட்டத்தட்ட நூற்றுக்கணக்கான ரோஜாக்கள் தேவைப்படுகின்றன என்பதிலிருந்தே, இதன் மகத்துவமும், வீரியமும் நாம் அறியலாம். இதைப்போல, சந்தன ஆயில், அஸ்வகந்தா ஆயில், நீம் ஆயில் மற்றும் லாவண்டர் ஆயில் போன்றவையும் விஷேச பலன்கள் மிக்கவை.

அரோமா ஆயில் ஆவி பிடித்தல்

அரோமா ஆயில் ஆவி பிடித்தல்

மிக எளிதில் காற்றில் கரையக்கூடிய தன்மைபெற்றதால், நமக்கு பிடித்த அரோமா ஆயிலை கொதிக்கும் நீரில் சில துளிகள் விட்டு, அதை மூக்கில் மெதுவாக நுகர, அதன் இனிய நறுமணம் உடலெங்கும் பரவி, மனதிற்கு புத்துணர்ச்சி அளிக்கும்.

தலைவலி போன்ற உடல் சோர்வு கோளாறுகள் மறையும். இதே நீரில் கால்களை சற்றுநேரம் வைத்திருக்க, அரிய மலர்களின் ஆற்றல் பாதத்தின் வழியே, உடலில் பரவி, உடலுக்கு புது உற்சாகமும் ஊக்கமும் தரும்.

இதே போல ரோஜா ஆயிலை சில துளிகள் குளிக்கும் நீரில் இட்டு குளித்துவர, உடல் பொலிவாவதுடன் நாள் முழுக்க, புத்துணர்ச்சி நீடிக்கும். சோப் தேவையில்லை.

ரோஜா லாவெண்டர் சேர்ந்த அரோமா எண்ணையை சில துளிகள் வீட்டின் படுக்கையறையில் சாம்பிராணி போல புகைத்துவர, கொசு உள்ளிட்டவைகளை விரட்டி, நல்ல நறுமணம் வீடெங்கும் நிறைகையில், மனம் அமைதியாகும்.

உறக்கம் வர :

உறக்கம் வர :

ரோஜா லாவெண்டர் ஆயில் கலவையை சில துளிகள் விட்டு, படுக்குமுன் குளித்துவர, நல்ல சீரான உறக்கத்தைப்பெறலாம்.

நுண்ணிய உணர்வுகொண்ட, காது மடல்களில் தடவி வந்தாலும், உறக்கம் விரைவில் வரும்.

படுக்கையறையில் இந்த நறுமணம் பரவ, மன அழுத்தம், கவலை டென்ஷன் எல்லாம் நீங்கி, தூக்கம் உங்கள் கண்களைத் தழுவும். காலையில் புத்துணர்ச்சியுடன் எழலாம்.

முக அழகை மேலும் பொலிவாக்க, சாமந்திப்பூ ஆயில்.

சாமந்திப்பூ ஆயிலை, பேஷியலாக முகத்தில் இதமாகத்தடவிவர, முகக்கருமை, முகச்சுருக்கத்தை நீக்கி, முகத்தின் பொலிவை அதிகரிக்கும்.

எந்த எண்ணெய் எதற்கு நன்மை தரும் :

எந்த எண்ணெய் எதற்கு நன்மை தரும் :

சாம்பிராணி ஆயிலுடன் சந்தன ஆயில் மற்றும் ரோஜா ஆயில் கலந்து சில துளிகள் மிதமான சூட்டில் உள்ள நீரில் இட்டு, ஆவி பிடிக்க, சளி பிடிக்காது. இந்தக் கலவையை சில துளிகள் தேங்காயெண்ணையில் கலந்து தலையில் தடவிவர, முடி உதிராது, உடலுக்கும் நன்மை தரும்.

மகிழம்பூ ஆயில் அல்லது ரோஸ் ஆயில் கலந்த எண்ணையை, முன்நெற்றியில் இருந்து ஆரம்பித்து முழு தலைக்கும் முழுமையாக நன்கு தேய்க்க எண்ணையின் குளுமையில், தலையின் சூடு குறைவதை உணர முடியும். இதேபோல காது, கண் இமைகள் மூக்கு உள்ளிட்ட முகத்தின் அனைத்து பாகங்களிலும் தேய்த்து ஊறவைக்க வேண்டும்.

இதேபோல கைகள், தோள்பட்டை, கழுத்து, முதுகு, நெஞ்சுப்பகுதி இடுப்பு, கால்கள் உள்ளங்கால் உள்ளிட்ட ஒவ்வொரு பாகத்திலும் சற்றுநேரம் அழுத்தி, இந்த எண்ணையை தேய்த்துவர, உடலில் வலிகள் எல்லாம் பறந்தோடிவிடும்.

இதன் மூலம் மன அழுத்தம் குறைகிறது, இரத்த ஆற்றல் மேலோங்கி, உடலில் புத்துணர்ச்சி பரவுவதை உணர முடியும். உடலும் மனமும் ஒருங்கே நலம்பெறும் ஒரு இயற்கை சிகிச்சை முறை இது.

சில அரோமா ஆயில்களின் பயன்கள்

சில அரோமா ஆயில்களின் பயன்கள்

ரோஜா ஆயில் - மன அழுத்தம் குறைக்கும், உடலில் இரத்த ஓட்டத்தை அதிகரிக்கும்.

லாவெண்டர் ஆயில் - உறக்கத்தை தரும், பரு, விஷக்கடி போக்கும்.

சந்தன ஆயில்- முகக்கருமை,கருவளையம் இவற்றைநீக்கி, முகத்தை பொலிவாக்கும்.

ஜொஜொபா ஆயில்- முகத்தோலைக்காத்து, பூஞ்சைத்தொற்றை ஒழிக்கும். முகம் மற்றும் உடல் அழகுசாதனங்களில், அதிகம் பயனாகிறது.

இதுபோன்ற சிறந்த அரோமா ஆயில்கள் நம் உடலுக்கும் மனதுக்கும் பாதிப்புகள் நீக்கி, உற்சாகம் ஊட்டி செயல்பட்டாலும்,

இதை இதய வியாதிகள் உள்ளவர்கள், இரத்த அழுத்த பாதிப்பு உள்ளவர்கள் மற்றும் கரு சுமக்கும் தாய்மார்கள் பயன்படுத்தக்கூடாது.

பேஸ்புக்கில் எங்களது செய்திகளை உடனுக்குடன் படிக்க க்ளிக் செய்யவும்
For Quick Alerts
ALLOW NOTIFICATIONS
For Daily Alerts

    English summary

    Types of Aroma therapy to rejuvenate your body and mind

    Types of Aroma therapy to rejuvenate your body and mind
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Boldsky sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Boldsky website. However, you can change your cookie settings at any time. Learn more