கோடைக்காலத்தில் முட்டை சாப்பிடலாமா கூடாதா?

உணவியல் நிபுணரின் கருத்து

உணவியல் நிபுணரான டாக்டர் நேஹா சன்வால்கா, இது ஒரு தவறான கருத்து என்று கூறுகிறார். மேலும் முட்டை இயற்கையாகவே உடல் வெப்பத்தை அதிகரிக்கும் தான், ஆனால் அது ஒரு முழுமையான உணவுப்பொருள் என்றும் சொல்கிறார்.

முட்டையின் சத்துக்கள்

முட்டையில் பல்வேறு வைட்டமின்கள் மற்றும் கனிமச்சத்துக்களான கால்சியம், இரும்புச்சத்து மற்றும் பாஸ்பரஸ் உள்ளது. கோடையில் முட்டையை சாப்பிடுவதால் செரிமான பிரச்சனை ஏற்படும் என்பது தவறான கருத்து.

உண்மை

உண்மையில் முட்டையை கோடையில் சாப்பிட்டால் உடல் வெப்பத்தை குறைக்கலாம். இதில் உள்ள ஏராளமான ஊட்டச்சத்துக்கள், கோடையில் உடலின் நீர்ச்சத்தை சீராக பராமரிக்க உதவும். மேலும் முட்டை உடலின் ஆற்றலை நீண்ட நேரம் தக்க வைத்து, கோடையில் சோர்வு மற்றும் பலவீனம் அடைவதைத் தடுக்கும்.

ஒரு நாளைக்கு எத்தனை முட்டை சாப்பிடலாம்?

கோடையில் ஒரு நாளைக்கு 1-2 முட்டையை சாப்பிடலாம் என்றும், அதற்கு அதிகமாக சாப்பிடக்கூடாது என்றும் டாக்டர் நேஹா கூறுகிறார்.

ஜிம் செல்வோர் எத்தனை சாப்பிடலாம்?

பொதுவாக ஜிம் சென்று தசைகளின் வளர்ச்சியை அதிகரிக்க நினைப்போர், ஒரு நாளைக்கு 4-6 முட்டைகளை சாப்பிடுவார்கள். ஆனால் கோடையில் 2-3 முட்டைகளை மட்டும் தான் சாப்பிட வேண்டும் என்று டாக்டர் நேஹா கூறுகிறார்.

ஏன் அதிகம் சாப்பிடக்கூடாது?

முட்டை இயற்கையாக உடலின் வெப்பத்தை அதிகரிக்கும் என்பதால், கோடையில் அளவுக்கும் அதிகமாக உட்கொண்டால், எவ்வளவு தான் சத்துமிக்கதாக இருந்தாலும், அதனால் அசௌகரியத்தையும், வயிற்று கோளாறுகளையும் சந்திக்க வேண்டியிருக்கும் என்றும் உணவியல் நிபுணர் டாக்டர் நேஹா கூறுகிறார்.

முட்டையை எப்படி சாப்பிடுவது சிறந்தது?

முட்டையை கோடையில் எந்த வடிவிலும் எடுத்து வரலாம். இருப்பினும் வேக வைத்து சாப்பிடுவது தான் சிறந்தது என்று டாக்டர் நேஹா சொல்கிறார்.