இரவில் நிம்மதியான தூக்கத்தைப் பெற முடியாமல் தவிப்பதற்கான காரணங்கள்!!!

உடல் தொந்தரவுகள்

உடலில் ஏதேனும் தொந்தரவுகள் இருந்தால், அதனால் தூக்கமின்மை ஏற்படக்கூடும். உதாரணமாக, அல்சர் மூலம் ஏற்படும் வலி, மலச்சிக்கலால் ஏற்படும் அசௌகரியங்கள் போன்றவை.

மருத்துவ பிரச்சனைகள்

மருத்துவ பிரச்சனைகளான ஆஸ்துமா போன்றவை இருந்தால், சரியான நேரத்தில் தூங்க முடியாது.

மனநல கோளாறுகள்

மனநல கோளாறுகளான மன இறுக்கம் மற்றும் மனக் கவலை போன்றவற்றால் பாதிக்கப்பட்டால், அதுவும் தூக்கத்தைக் கெடுக்கும்.

சுற்றுச்சூழல் பிரச்சனைகள்

தூங்கும் சூழல் மிகவும் வெளிச்சமாகவோ அல்லது அதிக சப்தத்துடனோ இருந்தால், சரியாக தூங்க முடியாது.

ஆல்கஹால்

ஆல்கஹால் குடித்தால், ஒன்று அளவுக்கு அதிகமாக தூக்கம் வரும் அல்லது தூக்கமே வராது. இப்படி இருந்தால், நிம்மதியான தூக்கத்தைப் பெற்ற உணர்வே இருக்காது.

ஷிப்ட் வேலைகள்

அடிக்கடி நைட் ஷிப்ட் வேலை செய்பவர்கள் தூக்கமின்மையால் அவஸ்தைப்படுவார்கள். ஏனெனில் இரவு முழுவதும் விழித்திருந்துவிட்டு, திடீரென்று இரவில் தூங்க நினைத்தாலும், அவர்களால் தூங்க முடியாது. ஏனெனில் அவர்களின் உடல் கடிகாரத்தால் திடீரென்று மாற முடியாது.

மருந்துகள்

இரத்த அழுத்தம், மன தளர்ச்சி போன்றவற்றிற்கு மருந்துகள் எடுத்து வந்தால், அதன் காரணமாகவும் இரவில் சரியாக தூக்கம் வராது.