ஆண்களே! 'அந்த இடத்தில்' அரிப்பு ஏற்பட காரணம் என்னவா இருக்கும்ன்னு தெரிஞ்சுக்கணுமா?

ஜாக் அரிப்பு (Jock Itch)

ஜாக் அரிப்பு என்பது ஆண்கள் உள்ளாடையை இறுக்கமாகவோ, காற்றுப்புகாதவாறு அணிந்தாலோ, அவ்விடத்தில் உள்ள சுருக்கங்களில் வியர்வையானது தங்கி, ஈரப்பசை அதிகரித்து, அங்கு பூஞ்சைகள் வளர்ந்து அரிப்புக்களை ஏற்படுத்தும். பொதுவாக இந்த காரணத்தினால் பல ஆண்களுக்கு அரிப்புகள் ஏற்படுகிறது.

உடலுறவுக்கு பின் சுத்தம் இல்லாமை

உடலுறவு கொண்ட பின்னர் பிறப்புறுப்பை சுத்தமாக கழுவ வேண்டும். இல்லாவிட்டால், அவ்விடத்தில் நோய்த்தொற்றுகள் ஏற்பட்டு, அரிப்புகள் ஏற்பட ஆரம்பிக்கும்.

குளியலின் போது சுத்தம் செய்யாமை

தினமும் குளிக்கும் போது, பிறப்புறுப்பை நன்கு சுத்தம் செய்யாமல் அப்படியே விட்டாலும், அரிப்புகள் ஏற்படக்கூடும்.

சிறுநீர் கழித்த பின்னர் கழுவாமல் இருப்பது

ஒவ்வொரு முறை சிறுநீர் கழித்த பின்னரும், பிறப்புறுப்பை சுத்தம் செய்யாவிட்டாலும், அரிப்புகள் அவ்விடத்தில் அதிகம் ஏற்படும். எனவே ஒவ்வொரு முறையும் தவறாமல் தண்ணீர் ஊற்றி கழுவ வேண்டும்.

முடியை ஷேவ் செய்யாமை

பிறப்புறுப்பை சுற்றி வளரும் முடியை முறையாக ஷேவ் செய்து சுத்தமாக பராமரிக்காவிட்டால், அவ்விடத்தில் பேன் பெருகி, கடுமையான அரிப்புக்களை ஏற்படுத்தும்.

நோய்த்தொற்றுகள்

சரும நோய்களான ஸ்கேபிஸ், ஈஸ்ட் தொற்று போன்றவற்றின் காரணமாகவும் அரிப்புகள் ஏற்படலாம். எனவே இத்தகைய தொற்றுகள் இருந்தால், மருத்துவரை அணுகி போதிய சிகிச்சையை பெறுங்கள்.

அழுக்குகள் சேர்வது

குளிக்கும் போதும், தண்ணீர் விட்டுக் கழுவும் போதும், ஆண் குறியின் மேல் தோலை நீக்கி நன்றாக கழுவ வேண்டும். நிறையப் பேர் இதைச் செய்வதில்லை. இதனால் தோலுக்குக் கீழே அழுக்கு சேரும். இதுவும் கூட பாதிப்பை ஏற்படுத்தும்.

இதுப்போன்று சுவாரஸ்யமான மற்றும் பயனுள்ள பல தகவல்களைப் பெற எங்கள் ஃபேஸ்புக் பக்கத்தை லைக் செய்து தொடர்பில் இருங்கள்...