Latest Updates
-
உலகின் மிகவும் விலையுயர்ந்த உப்பு எது தெரியுமா? இந்த உப்பின் விலை தெரிஞ்ச மயக்கமே போட்ருவீங்க... -
செட்டிநாடு வெண்டைக்காய் பச்சடி - எப்படி செய்றதுன்னு பாத்து ஒருடைம் ட்ரை பண்ணி பாருங்க.. -
1 கப் தயிரும், 10 வர மிளகாயும் இருந்தா இந்த ராஜஸ்தானி பூண்டு சட்னியை செய்யுங்க - சுருக்குனு சூப்பரா இருக்கும் -
மாரடைப்பு வருவதற்கு முன்பே தென்படும் 7 எச்சரிக்கை அறிகுறிகள்! அலட்சியம் வேண்டாம்! எச்சரிக்கும் டாக்டர்! -
இந்தியாவின் 'உருளைக்கிழங்கு தலைநகரம்' என்று அழைக்கப்படும் நகரம் எது? இது எந்த மாநிலத்தில் இருக்கு தெரியுமா? -
நவம்பர் 22-ல் உருவாகும் மாளவ்ய ராஜயோகம்: இந்த 3 ராசிக்காரர்களுக்கு வருமானம் அதிகரிக்கப்போகுது! -
இட்லி, தோசைக்கு ஒருடைம் இந்த பருப்பு சட்னி செய்யுங்க.. வழக்கமாக சாப்பிடுறத விட அதிகமா சாப்பிடுவாங்க.. -
நவம்பர் 16, 2026: இன்று இந்த 4 ராசிக்காரங்களுக்கு நினைச்சதெல்லாம் நடக்கும் அதிர்ஷ்ட நாளாக இருக்குமாம் -
சுக்கிரன் சொந்த ராசிக்குள் நுழைவதால் ஜனவரி மாதம் வரை ஜெயிக்கிற குதிரையாகப் போகும் 4 ராசிகள் - உங்க ராசி என்ன? -
10 வெண்டைக்காயும், 3 தக்காளியும் இருந்தா இப்படி குழம்பு வையுங்க - சாதத்தோட சாப்பிட அட்டகாசமா இருக்கும்
புகைப்பிடிக்கும் பழக்கத்தை கைவிடுவதற்கான சில வழிமுறைகள்!!!
சிகரெட் பாக்கெட்டில் இருக்கும் எச்சரிக்கையை எத்தனை முறை படித்திருந்தாலும் கூட, அந்த பழக்கத்தை பலராலும் அவ்வளவு சுலபத்தில் கைவிட முடிவதில்லை. அதற்கு காரணம் சிகரெட்டில் உள்ள நிகோடின்.
ஆனால் உங்களுக்கு உண்மையிலேயே இந்த பழக்கத்தை கைவிட வேண்டுமானால், அது ஒன்றும் முடியாத காரியம் அல்ல. புகைப்பிடிக்கும் பழக்கத்தை கைவிட பல வழிகள் உள்ளது. இந்த பழக்கத்தை கைவிட இவைகள் அனைத்தும் சிறந்த வழியாக
கருதப்படுகிறது. ஆனால் இப்பழக்கத்தை கைவிட தீவிரமான நாட்டம் உடையவர்கள் கூட தோற்றுப் போவார்கள். அதற்கு காரணம் கைவிடும் அறிகுறிகளை கையாள முடியாத இயலாமை ஆகும்.
இதைப் பற்றி அதிகமாக தெரிந்து கொண்டால், இப்பழக்கத்தை கைவிடுவதில் உதவியாக இருக்கும். இப்பழக்கத்தை கைவிட, இதோ உங்களுக்கான சில எளிய டிப்ஸ்...

மன உறுதி
சிகரெட்டை ஒவ்வொரு முறை இழுக்கும் போதும் அதனை கைவிட்டு விடுவேன் என்று சபதம் எடுப்பதில் பயனில்லை. புகைப்பிடிக்கும் பழக்கத்தை கைவிடுவதற்கான வழிமுறைகளை தேர்ந்தெடுப்பதற்கு முன், வலிமையான மன உறுதியை கொண்டு வர வேண்டும். நீங்கள் வலிமையான மன உறுதியுடன் இருந்தால், இந்த பழக்கத்தை கைவிட இதுவே ஒரு சிறந்த வழியாக செயல்படும்.

திசை விலகல்
உங்கள் மனம் சிகரெட்டை பிடிக்க தூண்டும் போது, உங்கள் எண்ணத்தை வேறு எதன் மீதாவது செலுத்துவதும் ஒரு நல்ல ஐடியாவாகும். அதற்காக சமுதாயத்தோடு ஒன்றிடும் செயல்களில் ஈடுபடுங்கள். உதாரணத்திற்கு நடை கொடுங்கள் அல்லது வெளியே சென்று விளையாட்டில் ஈடுபடுங்கள்.

கவுன்செலிங் பெற்றிடுங்கள்
புகைப்பிடுக்கும் பழக்கத்தை கைவிட எந்த வழிமுறை உங்களுக்கு தோதாக அமையும் என்பதை வல்லுனர்களின் கருத்தை கேட்டு தெரிந்து கொள்வதில் தயக்கம் காட்டாதீர்கள். இப்படி செய்வதால் இந்த பழக்கத்தை கைவிட நீங்கள் தேர்ந்தெடுக்கும் வழிமுறை உங்களுக்கு உதவி புரியும். கவுன்செலரின் ஆதரவு இருக்கும் போது உணர்ச்சி ரீதியான மாற்றங்களையும் சுலபமாக கையாளலாம்.

நிகோடின் மாற்று தெரபி
புகைப்பிடிக்கும் பழக்கத்தை கைவிட உதவும் வழிமுறைகளில், சிறந்த ஒன்றாக விளங்குகிறது நிகோடின் மாற்று தெரபி. இப்பழக்கத்தை கைவிடுவதால் ஏற்படும் நோய்குறிகளை நீக்க இந்த வழிமுறை உதவும். குறைவான நிகோடின் அளவை
தொடர்ச்சியாக உங்கள் உடலுக்கு செலுத்தும் செயல்முறையால் இது சாத்தியமாகிறது.

கவர்ந்திழுப்புகளை தூர எறியுங்கள்
புகைப்பிடிக்கும் பழக்கத்தை கைவிடுவதற்கு உள்ள வழிமுறைகளில் இதுவும் முக்கியமான ஒன்று. உங்கள் வீடு, கார் மற்றும் அலுவலகங்களை புகைப்பிடிக்காத இடமாக மாற்றுங்கள். சிகரெட், இதர புகையிலை பொருட்கள், லைடர்கள் மற்றும் ஆஷ் ட்ரேக்களை தூரப் போடுங்கள்.

குடும்ப ஆதரவை பெற்றிடுங்கள்
நீங்கள் இந்த பழக்கத்தை கைவிடும் நாளை எண்ணி உங்கள் குடும்பமே காத்து கிடக்கும். அதனால் இப்பழக்கத்தை கைவிடும் இந்த செயல்முறையில் உங்கள் குடும்ப உறுப்பினர்களையும் சேர்த்துக் கொள்ளுங்கள். அவர்களிடம் பெரும் ஆதரவும் அக்கறையும் உங்களுக்கு இந்த பழக்கத்தை கைவிட பெரிதும் உதவியாக இருக்கும்.

சுறுசுறுப்பாக இருங்கள்
சோம்பலான மனது பேய்களின் இருப்பிடம் என்று சொல்வார்கள். ஆனால் அது அதோடு நிற்காமல் உங்களை மீண்டும் புகைப்பிடிக்க தூண்டி விடும். அதனால் சுறுசுறுப்பாக செயல்படுவதும் கூட இந்த பழக்கத்தை கைவிடும் ஒரு வழிமுறையாகும். அப்படி இருக்கும் போது இந்த பழக்கத்தை விட்டு விடலாம். அதனால் உங்கள் நேரத்தையும் உழைப்பையும் செலவிடும் நடவடிக்கைகளில் ஈடுபடுங்கள்.

தீவிர நாட்டத்தை கடந்து வாருங்கள்
உங்கள் உயிரை கொள்ளும் அனைத்து வகையான கவர்ந்திழுப்புகளிடம் இருந்து விலகியே இருங்கள். உங்களை அந்த பழக்கத்திற்கு மீண்டும் தூண்டுபவர்களிடம் தைரியமாக 'முடியாது' என்று சொல்லுங்கள். சிகரெட் மீது தீவிரமான நாட்டம் ஏற்படும் போது ஆழமாக மூச்சு விடுங்கள். ஒரு கட்டுப்பாட்டு நிலைக்கு நீங்கள் வந்து விட்டால், இப்பழக்கத்தை சுலபமாக விட்டு விடலாம்.

மாற்று வழியை பின்பற்றுவது
சிகரெட் பிடிக்கும் எண்ணத்தை மறக்க மாற்று வழிகளில் சிந்தனையை செலுத்துங்கள். புதினா, கிராம்பு, ஆரோக்கியமான நொறுக்குத் தீனிகள், சாக்லெட் அல்லது சூயிங் கம்மை மாற்றாக எடுத்துக் கொண்டு சிகரெட்டை
மறக்கலாம். அதே போல் சிகரெட்டை கையில் பிடிப்பதை மறக்க அதற்கு பதில் வேறு எதையாவது பிடித்துக் கொள்ளுங்கள்.



Click it and Unblock the Notifications
