உங்களுக்கு இந்த அறிகுறிகள் இருந்தால் உங்க உடலை பாதுகாக்கும் இந்த ஊட்டச்சத்து உங்க உடலில் இல்லையாம்...ஜாக்கிரதை

நாம் ஆரோக்கியமான வாழ்க்கை வாழ வேண்டுமெனில் சில அத்தியாவசிய ஊட்டச்சத்துக்களை உணவில் சேர்த்துக் கொள்ள வேண்டியது அவசியம். அப்படிப்பட்ட முக்கியமான ஊட்டச்சத்துக்களில் ஒன்றுதான் வைட்டமின் ஏ.

வைட்டமின் ஏ ஒட்டுமொத்த வளர்ச்சிக்கும் அவசியமான ஒரு ஊட்டச்சத்து ஆகும், இது பார்வைத்திறன், வலிமையான நோயெதிர்ப்பு அமைப்பு மற்றும் இதயம், நுரையீரல் மற்றும் சிறுநீரகங்களின் சரியான செயல்பாட்டை பராமரிப்பதில் குறிப்பிடத்தக்க பங்கு வகிக்கிறது. வைட்டமின் ஏ மிகவும் முக்கியமான ஊட்டச்சத்தாக இருந்த போதிலும், இந்தியா உட்பட வளரும் நாடுகளில், வைட்டமின் ஏ குறைபாட்டால் பலர் பாதிக்கப்பட்டுள்ளதாக ஆய்வுகள் கூறுகிறது.

இந்த வைட்டமின் குறைபாடு பல்வேறு உடல்நலப் பிரச்சினைகளுக்கு வழிவகுக்கும். வைட்டமின் ஏ குறைபாட்டின் பிரதான அறிகுறிகள் என்னென்ன என்று இந்த பதிவில் தெரிந்து கொள்ளலாம்.

மாலை நேர பார்வைக் குறைபாடு

வைட்டமின் ஏ குறைபாட்டின் ஆரம்ப அறிகுறிகளில் ஒன்று மாலை நேர பார்வைக் குறைபாடு. இந்த நிலை குறைந்த வெளிச்சம் உள்ள சூழலில் அல்லது இருளில் பார்ப்பதை கடினமாக்குகிறது. வைட்டமின் ஏ ரோடாப்சினின் முக்கிய அங்கமாகும், இது உங்கள் கண் வளர்ச்சிக்கு அவசியமான புரதமாகும், இது மங்கலான வெளிச்சத்தில் பார்க்க உதவுகிறது.

வைட்டமின் ஏ சப்ளிமெண்ட்ஸ் பார்வைக் குறைபாட்டால் பாதிக்கப்பட்ட குழந்தைகளின் இரவு பார்வையை மேம்படுத்துகிறது என்று ஆய்வுகள் கூறுகிறது கண்டறிந்துள்ளது. கேரட், இனிப்பு உருளைக்கிழங்கு மற்றும் கீரை மற்றும் முட்டைக்கோஸ் போன்றவை வைட்டமின் ஏ இன் சிறந்த ஆதாரங்களாக உள்ளன.

வறண்ட கூந்தல் மற்றும் முடி

வைட்டமின் ஏ புதிய சரும செல்களின் வளர்ச்சியை ஊக்குவிப்பதன் மூலம் சரும ஆரோக்கியத்தில் முக்கிய பங்கு வகிக்கிறது. இந்த வைட்டமின் உடலில் குறைவாக இருப்பது உலர்ந்த, சேதமடைந்த சருமம் மற்றும் வலிமையில்லாத கூந்தலுக்கு வழிவகுக்கும். ஆய்வுகளின் படி, வைட்டமின் ஏ குறைபாடு அரிக்கும் தோலழற்சி மற்றும் சொரியாசிஸ் போன்ற சரும நிலைகளை மோசமாக்கும்.

அடிக்கடி தொற்றுநோய்க்கு ஆளாவது

ஆரோக்கியமான நோயெதிர்ப்பு மண்டலத்தை பராமரிக்க வைட்டமின் ஏ அத்தியாவசியமான ஊட்டச்சத்தாகும். இதன் குறைபாடு உங்கள் உடலின் பாதுகாப்பு வழிமுறைகளை பலவீனப்படுத்தலாம், மேலும் இதனால் நீங்கள் எளிதில் தொற்றுநோய்களுக்கு ஆளாக நேரிடும்.

டி-செல்கள் மற்றும் பி-செல்கள் உள்ளிட்ட நோயெதிர்ப்பு உயிரணுக்களின் வளர்ச்சி மற்றும் செயல்பாட்டிற்கு வைட்டமின் ஏ இன்றியமையாதது என்பதை ஆய்வுகள் நிரூபிக்கிறது.

காயங்கள் மெதுவாக குணமடைவது

உங்கள் காயங்கள் குணமடைய வழக்கத்தை விட அதிக நேரம் எடுத்துக் கொண்டால், அது வைட்டமின் ஏ குறைபாட்டின் முக்கியமான அறிகுறியாக இருக்கலாம். இந்த வைட்டமின் உடலின் மீளுருவாக்கத்திற்கு மிகவும் முக்கியமானதாகும்.

ஜர்னல் ஆஃப் இன்வெஸ்டிகேடிவ் டெர்மட்டாலஜியின் ஆராய்ச்சி, காயம் குணப்படுத்துவதற்கு அவசியமான கொலாஜன் உற்பத்திக்கு வைட்டமின் ஏ உதவுகிறது என்பதைக் காட்டுகிறது. இந்த குறைபாடு காயத்தை குணப்படுத்தும் உடலின் திறனை பாதிக்கும்.

கருவுறுதல் பிரச்சினைகள்

இனப்பெருக்க ஆரோக்கியத்தின் மேம்பாட்டிற்கும் வைட்டமின் ஏ இன்றியமையாதது. இந்த வைட்டமின் குறைபாடு ஆண்களுக்கும் பெண்களுக்கும் கருவுறுதல் பிரச்சினைகளை ஏற்படுத்தும். நியூட்ரிஷன் அண்ட் ஹெல்த் இதழில் வெளியிடப்பட்ட ஆய்வில், வைட்டமின் ஏ குறைபாடு ஆண்களின் விந்தணு உற்பத்தியையும் பெண்களின் முட்டையின் தரத்தையும் பாதிக்கும் என்று கண்டறியப்பட்டுள்ளது.

Disclaimer: இந்தக் கட்டுரையில் வழங்கப்பட்ட தகவல்கள் பொதுவான தகவல் மற்றும் கல்வி நோக்கங்களுக்காக மட்டுமே, மேலும் இது தொழில்முறை மருத்துவ ஆலோசனை, நோயறிதல் அல்லது சிகிச்சைக்கு மாற்றா பகிரப்படவில்லை. மருத்துவ நிலை குறித்து உங்களுக்கு ஏதேனும் கேள்விகள் இருந்தால் உங்கள் மருத்துவர் அல்லது தகுதிவாய்ந்த சுகாதார வழங்குநரின் ஆலோசனையைப் பெறவும்.