சொத்தை பல் வலியால் இரவு தூக்கமே பாழாகுதா? அதை தவிர்க்க இதோ சில வழிகள்!

கிராம்பு

கிராம்பில் அழற்சி எதிர்ப்பு பண்புகள், வலி நிவாரண பண்புகள் மற்றும் ஆன்டி-பாக்டீரியல் பண்புகள் உள்ளன. சொத்தைப் பல் வலியில் இருந்து விடுபட கிராம்பை வாயில் போட்டு மென்று சாப்பிடுங்கள். ஒருவேளை வலி மிகவும் கடுமையாக இருந்தால், கிராம்பு எண்ணெயை வலியுள்ள பல்லின் மீது நேரடியாக தடவுங்கள்.

உப்பு

உப்பு வீக்கத்தைக் குறைக்கவும், வலியைப் போக்கவும், தொற்றை எதிர்க்கவும் மற்றும் வாயில் உள்ள பாக்டீரியாக்களின் வளர்ச்சியைத் தடுக்கவும் உதவுகிறது. அதற்கு ஒரு டீஸ்பூன் உப்பை ஒரு டம்ளர் வெதுவெதுப்பான நீரில் கலந்து, ஒவ்வொரு முறை உணவு உண்ட பின்னரும் வாயில் ஊற்றி கொப்பளிக்க வேண்டும். இதனால் சொத்தை பற்களால் வலி ஏற்படுவது தடுக்கப்படும்.

பூண்டு

பூண்டில் ஆன்டி-பாக்டீரியல் பண்புகள் அதிகம் நிறைந்துள்ளது. இது ஈறுகளின் ஆரோக்கியத்தை மேம்படுத்துவதோடு, வலியில் இருந்து நிவாரணம் அளிக்கும். அதற்கு சிறிது பூண்டு பற்களை தட்டி, அதில் சிறிது கல் உப்பை சேர்த்து கலந்து, வலியுள்ள பல்லின் மீது வைக்க வேண்டும். இதனால் சொத்தைப் பல் வலியில் இருந்து உடனடி நிவாரணம் கிடைக்கும்.

மஞ்சள்

மஞ்சளில் உள்ள ஆன்டி-பாக்டீரியல் மற்றும் ஆன்டி-செப்டிக் பண்புகள், சொத்தைப் பல் வலியில் இருந்து விடுவிக்கும். அதற்கு மஞ்சள் பொடியை நேரடியாக பாதிக்கப்பட்ட பல்லின் மீது தடவி சிறிது நேரம் கழித்து, வெதுவெதுப்பான நீரால் வாயைக் கொப்பளிக்க வேண்டும்.

கடுகு எண்ணெய்

கடுகு எண்ணெயில் உள்ள ஆன்டி-ஆக்ஸிடன்ட், பற்களை ஆரோக்கியமாக வைத்துக் கொள்ள உதவுகிறது. அதிலும் இந்த எண்ணெயைக் கொண்டு ஆயில் புல்லிங் செய்வது நல்லது. இதனால் பற்களில் இருந்து அழுக்குகள் நீங்கும். 1/2 டீஸ்பூன் மஞ்சள் பொடியை கடுகு எண்ணெய் சேர்த்து பேஸ்ட் செய்து, பற்களின் மீது தடவி, 10 நிமிடம் கழித்து கழுவ வேண்டும்.