உடல் வலியைப் போக்கும் ஈஸி வைத்தியங்கள்!!

Posted By: Aashika
Subscribe to Boldsky

மனிதனை உயிரோடு இருப்பதை உணர்த்துவது வலி தான் என்றாலும் அன்றாட வேலைப்பளுக்கிடையே அந்த வலியை அனுபவிப்பது என்பது மன உளைச்சலையே தரும். உடலில் ஏற்படும் வலிகளை இயற்கையான முறையில் குறிப்பாக வீட்டில் உள்ள பொருட்களைக் கொண்டே எப்படி தீர்க்கலாம் என்று இப்போது பார்க்கலாம்.

Natural Remedies For pain relief

பெரும்பாலானோருக்கு இதிலேயே தீர்வு கிடைத்திடும் அதிக வலி இருந்தாலோ அல்லது நோயினால் ஏற்பட்ட வலியாய் இருந்தாலோ அல்லது எலும்புமுறிவாக இருந்தால் தகுந்த மருத்துவரின் ஆலோசனைப் பெற வேண்டும்.

பேஸ்புக்கில் எங்களது செய்திகளை உடனுக்குடன் படிக்க க்ளிக் செய்யவும்
பட்டை :

பட்டை :

பட்டையில் இருக்கும் சாலிசிலின் என்னும் மூலப்பொருள் ஆஸ்ப்ரின் போல செயல்படுகிறது. சிறிது பட்டையை வாயில் எடுத்து மென்றாலே பல் வலி குறையும்.

ஒரு டம்பளர் நீரில் பட்டையை போட்டு நன்றாக கொதிக்க வைத்து குடித்து வந்தால் வயிற்று வலி குறையும்.

பெரியவர்களுக்கு மட்டுமே இதனை பயன்படுத்தலாம். குழந்தைகளுக்கு பயன்படுத்துக் கூடாது. இதில் ஆஸ்ப்ரின் இருப்பதால் அளவாக எடுத்துக் கொள்ள வேண்டும்.

பூண்டு :

பூண்டு :

ஆரம்ப காலங்களில் இருந்தே இதனை வலி போக்கும் மருந்தாக பயன்படுத்தி வந்துள்ளனர். முதலில் தலைவலி, வயிற்று வலி போன்றவற்றிருக்கு மட்டுமே பயன்படுத்தப்பட்டு வந்த நிலையில் சமீப காலங்களாக மைக்ரேன் தலைவலிக்கும் பயன்படுகிறது.

இதனை தொடர்ந்து பயன்படுத்தினால் உதடு மற்றும் நாக்கில் எரிச்சல் ஏற்படும். கர்ப்பிணிப்பெண்கள் இதனை பயன்படுத்தக்கூடாது.

மஞ்சள்:

மஞ்சள்:

சமையலுக்கு, அழகுக்கு என்று பல வகையாக பயன்படுத்தப்படும் மஞ்சளை வலி போக்கும் நிவாரணியாகவும் பயன்படுத்தலாம்.

மஞ்சளில் இருக்கும் கர்குமின் ஓர் ஆன்ட்டி ஆக்ஸிடண்ட் போல செயல்பட்டு நம் உடலில் உள்ள திசுக்களில் ஏதேனும் பாதிப்பு ஏற்ப்பட்டிருந்தால் அதை சரி செய்யும்.

ஜீரணக்கோளாறு,அல்சர்,வயிற்றுப்போக்கு போன்ற பல்வேறு உடல் உபாதைகளுக்கு மஞ்சளை பயன்படுத்தலாம்.

கிராம்பு :

கிராம்பு :

மசாலாப் பொருட்களில் ஒன்றான கிராம்பு, திடீர் மயக்கம், மற்றும் சளிக்கு நல்ல தீர்வை வழங்கும். அத்துடன் தலைவலி,ஆர்த்தரைட்டீஸ்,பல் வலி உட்பட பல வலிகளுக்கு தீர்வாகிறது.

இதிலிருக்கும் யுக்ஜினல் என்னும் மூலப்பொருள் பெயின் ரீலிவர் க்ரீம்களில் எல்லாம் பயன்படுத்தப்படுகிறது.

பற்களில் வலியிருந்தால் லேசாக ஒரு சொட்டு கிராம்பு எண்ணெயை ஊற்றுங்கள். அங்கு ரத்தக்கசிவு இருந்தால் இதனை பயன்படுத்த வேண்டாம். ஏனென்றால் கிராம்பு சில நேரங்களில் ரத்தக்கசிவை அதிகப்படுத்திவிடும்.

கேப்சிகம் :

கேப்சிகம் :

வலியை உணரச் செய்திடும் திரவங்களை நீக்குவதில் கேப்சிகமில் உள்ள சத்துக்கள் முக்கியப் பங்கு வகிக்கின்றன. ஆனால் இவை தாமதமாகத்தான் முடிவைத்தரும் குறைந்தது இரண்டு நாட்கள் ஆகும் என்பது குறிபிடத்தகக்து.

இஞ்சி :

இஞ்சி :

மூட்டு மற்றும் தசை வலிகளுக்கு இஞ்சி சாறை பயன்படுத்தலாம். வீக்கம் இருந்தாலும் இஞ்சிச்சாற்றை தடவினால் சிறிது நேரத்தில் வீக்கம் குறைந்திடும்.

குறைந்த அளவு எடுத்தாலே போதுமானது. அதிகமாக எடுத்தால் வேறு சைட் எஃப்க்ட் வரும் என்பதால் கவனம் தேவை.

நீர் :

நீர் :

தசை வலிகளுக்கும் ஆர்த்ரைட்டீஸின் சில வகைகளுக்கும் வெதுவெதுப்பான நீரே நல்ல பலன் கொடுக்கும். வேண்டுமானால் அதில் சில சொட்டு எசன்ஷியல் ஆயில் கலக்கலாம். பாத் டப்பில் குளிப்பதாக இருந்தால் அரை மணி நேரம் அதிலேயே உட்கார்ந்திருக்கலாம்.

ஸ்ட்ரச்சிங் :

ஸ்ட்ரச்சிங் :

மருந்துகள் எதுவும் தேவையில்லை லேசான மசாஜ் மற்றும் கை கால்களை அசைப்பதாலேயே ஒரு ரிலீஃப் கிடைக்கும் வலிக்கும் போது அப்படியே வைத்திருக்காமல் உங்களால் முடிந்த அளவு கை கால்களை அசையுங்கள். அதிகப்படியான வலியிருந்தால் மருத்துவரை சந்திக்கலாம்.

வெளியே செல்லுங்கள் :

வெளியே செல்லுங்கள் :

நீண்ட நேரம் ஒரே இடத்தில் அமர்ந்திருந்தாலும் உடல் வலி ஏற்படும். காற்றோட்டமான இடங்களுக்கு சிறிது நேரம் சென்று விட்டு வாருங்கள்.

மனதளவிலும் நல்ல மாற்றத்தை உணரலாம். இரண்டு மணி நேரத்திற்கு மேல் ஒரேயிடத்தில் உட்கார்ந்திருப்பதாய் உணர்ந்தால் உடனடியாக சிறிய நடைப்பயிற்சி ஒன்றை செய்திடுங்கள்.

எப்போதும் உங்கள் உடலை ஆக்டிவாக வைத்திருந்தால் பாதி வலிகளை வரும் முன்னரே, தவிர்த்திடலாம்.

பேஸ்புக்கில் எங்களது செய்திகளை உடனுக்குடன் படிக்க க்ளிக் செய்யவும்
Read more about: health, tips, pain
English summary

Natural Remedies For pain relief

Tips to manage and relief your body pain in natural ways.
Story first published: Wednesday, July 19, 2017, 11:20 [IST]
Please Wait while comments are loading...
Subscribe Newsletter