உங்க முகத்தில் இந்த அறிகுறிகள் தோன்றினால் உங்க கல்லீரல் ஆபத்தில் இருக்காம்... உடனே டாக்டரை பாருங்க...!

கொழுப்பு கல்லீரல் நோய் என்பது கல்லீரலில் கூடுதல் கொழுப்பு சேர்வதால் ஏற்படும் ஒரு பொதுவான ஆரோக்கிய நிலையாகும் . இந்த ஆண்டின் தொடக்கத்தில் சிகாகோவில் நடந்த எண்டோகிரைன் சொசைட்டியின் கூட்டத்தில் முன்வைக்கப்பட்ட ஆராய்ச்சி, மூன்று பெரியவர்களில் ஒருவர் கல்லீரல் கோளாறுடன் வாழ்கிறார்கள் என்று எச்சரித்தது, இது இருதய நோய், புற்றுநோய் அல்லது டைப் 2 நீரிழிவு நோயை உருவாக்கும் அபாயத்தை மேலும் அதிகரிக்கும்.

ஆல்கஹால் அல்லாத கொழுப்பு கல்லீரல் நோய் (NAFLD) உடல் பருமன், உயர் இரத்த சர்க்கரை மற்றும் இரத்தத்தில் அதிக அளவு கொழுப்புகளால் தூண்டப்படலாம். மோசமான வாழ்க்கை முறை தேர்வுகள் காரணமாக இந்த ஆரோக்கிய பிரச்சினைகள் அடிக்கடி ஏற்படுகின்றன.

அறிகுறிகளை கண்டறிவது ஏன் அவசியம்?

கல்லீரல் நோய்கள் எப்போதும் ஆரம்ப கட்டங்களில் அறிகுறிகளைக் காட்டாது மற்றும் கல்லீரல் செயலிழக்க ஆரம்பித்தவுடன் மட்டுமே அறிகுறிகள் தோன்றும்.

முன்கூட்டியே கண்டறிதல் உங்கள் கல்லீரல் நிலையை கல்லீரல் பழுதடைதல் மற்றும் செயலிழப்புக்கு நிலைக்கு முன்னேறுவதைத் தடுக்கலாம் என்பதால், அது ஆரம்ப நிலையில் காட்டக்கூடிய அறிகுறிகளைப் பற்றி எச்சரிக்கையாக இருப்பது முக்கியம்.

முகத்தில் காணப்படும் கொழுப்பு கல்லீரல் நோயின் ஐந்து எச்சரிக்கை அறிகுறிகள்

- மஞ்சள் தோல் மற்றும் மஞ்சள் கண்கள் (மஞ்சள் காமாலை)
- சருமத்தில் சிவப்பு நிற மாற்றம்
- சிறிய நூல் போன்ற நரம்புகள் தோன்றுதல்
- ரோசாசியா (முகத்தில் சீழ் நிறைந்த புடைப்புகள்)
- சருமத்தில் மெழுகு போன்ற தோற்றம்

முகத்தில் அறிகுறிகள் தோன்ற காரணம் என்ன?

சுகாதார நிபுணர்களின் கூற்றுப்படி, இந்த அறிகுறிகள் உங்கள் கல்லீரல் செயலிழக்க ஆரம்பித்தவுடன் தோன்றும் மற்றும் இது உங்கள் உடல் பல்வேறு வகையான கழிவுகளை அகற்ற முயற்சிக்கிறது என்பதற்கான அறிகுறியாகும்.

கல்லீரல் சரியாகச் செயல்படவில்லை என்றால், பிலிரூபின் (பித்தத்தின் பழுப்பு-மஞ்சள் நிறமி) சரியாக வெளியிடப்படாது. உடலில் பிலிரூபின் அளவு அதிகரிப்பதால் தோல் மற்றும் கண்கள் மஞ்சள் நிறமாக மாறும், இது மஞ்சள் காமாலை என்றும் அழைக்கப்படுகிறது.

எப்போது மருத்துவரை பார்க்க வேண்டும்?

மோசமான கல்லீரல் ஆரோக்கியத்துடன் தொடர்புடைய இதுபோன்ற அறிகுறிகள் ஏதேனும் இருந்தால், உடனடியாக உங்கள் மருத்துவரை அணுகுவது அவசியம்.

சுகாதார நிபுணர்களின் கூற்றுப்படி, கல்லீரல் நோயின் மேம்பட்ட நிலைகளில் கண்களில் அறிகுறிகள் காணப்படுகின்றன. நீங்கள் அவற்றைக் கண்டால் மருத்துவ ஆலோசனையைப் பெறுவது முக்கியம். சுய நோயறிதலைத் தவிர்த்து, உங்கள் மருத்துவரிடம் இருந்து சரியான சோதனையை பெற வேண்டும்.

கல்லீரலை ஆரோக்கியமாக வைத்திருப்பது எப்படி?

ஆரோக்கியமான உணவைப் பின்பற்றுவதும், மது அருந்துவதைக் குறைப்பதும் அல்லது நிறுத்துவதும் உங்கள் கல்லீரலை ஆரோக்கியமாகவும், செயல்படவும் உதவும் முக்கியமான படிகள். ஜான் ஹாப்கின்ஸ் மருத்துவத்தின் கூற்றுப்படி, ஆண்களுக்கு ஒரு நாளைக்கு நான்கு அவுன்ஸ் கடின மதுபானம் (பெண்களுக்கு இரண்டு) உங்கள் கல்லீரலை காயப்படுத்த ஆரம்பிக்கும். உடல் பருமன் உங்கள் NAFLD ஆபத்தை அதிகரிக்கும் என்பதால் வழக்கமான உடற்பயிற்சியும் முக்கியமானது.

Disclaimer: இந்தக் கட்டுரையில் வழங்கப்பட்ட தகவல்கள் பொதுவான தகவல் மற்றும் கல்வி நோக்கங்களுக்காக மட்டுமே, மேலும் இது தொழில்முறை மருத்துவ ஆலோசனை, நோயறிதல் அல்லது சிகிச்சைக்கு மாற்றா பகிரப்படவில்லை. மருத்துவ நிலை குறித்து உங்களுக்கு ஏதேனும் கேள்விகள் இருந்தால் உங்கள் மருத்துவர் அல்லது தகுதிவாய்ந்த சுகாதார வழங்குநரின் ஆலோசனையைப் பெறவும்.