ஆண்களே! இந்த பிரச்சினைகளில் ஒன்னு உங்களுக்கு இருந்தாலும் உடலுறவின் போது கடுமையான வலி ஏற்படுமாம்...!

உடலுறவு வயது வந்தோர் அனைவரின் வாழ்க்கையிலும் மிகவும் முக்கியமானதாக கருதப்படுகிறது. உடலுறவு பெரும்பாலும் திருப்திகரமானதாகவும், இனிமையானதாகவும் கருதப்படுகிறது. இருப்பினும், கள எதார்த்தம் எப்போதும் நீங்கள் நினைப்பது போல மகிழ்ச்சியாக இருந்து விடுவதில்லை.

ஆண்-பெண் இருவருக்குமே உடலுறவின் போது சில காரணங்களால் வலி ஏற்படலாம். உடலுறவின் தோன்றும் வலிகள் அதனால் கிடைக்கும் அனைத்து இன்பங்களையும் அழித்து, உச்சக்கட்டத்தை அடைய முடியாமல் தடுக்கலாம். ஆண்களுக்கு உடலுறவின் போது வலியை ஏற்படுத்தும் சில காரணங்கள் என்னென்ன என்று இந்த பதிவில் தெரிந்து கொள்ளலாம்.

பெய்ரோனி நோய்

ஆண்களின் பொதுவான பாலியல் பிரச்சினை என்றால் அது விறைப்பு செயலிழப்பாகும், இது பெரும்பாலான ஆண்களுக்கு வலிமிகுந்த உடலுறவுக்கான பொதுவான காரணமாகும். பெய்ரோனி நோயில், ஆணுறுப்பின் நீளத்தில் இயங்கும் வடு திசு அதை வளைக்கச் செய்து, உடலுறவை கடினமாகவும், வலியுடனும் மாற்றுகிறது. இது ஆண்குறியில் ஏற்பட்ட அதிர்ச்சி அல்லது மரபணு அல்லது பரம்பரை பிரச்சனையின் விளைவாக இருக்கலாம்.

இறுக்கமான முன்தோல்

இந்த நிலை பிமோஸிஸ் என்று அழைக்கப்படுகிறது, இந்த நிலையில் ஆண்குறியின் முன்தோல் மிகவும் இறுக்கமாக இருப்பதால் ஆண்குறியின் தலைக்கு மேல் முழுமையாக பின்வாங்க முடியாது. மற்றொரு நிலை, பாராஃபிமோசிஸ் என்று அழைக்கப்படுகிறது, முன்தோல் ஆண்குறியின் பின்னால் இணைக்கப்பட்டுள்ளது மற்றும் முன்னோக்கி இழுக்க முடியாது.

இந்த இரண்டு நிலைகளும் உடலுறவின் போது வலியை ஏற்படுத்தும். மேலும், குழந்தைகளின் இறுக்கமான நுனித்தோலுக்கு சிகிச்சையளிப்பதற்கான ஒரே வழி விருத்தசேதனம் அல்ல என்பதை தெரிந்து கொள்ளுங்கள்.

ப்ரோஸ்டாடிடிஸ்

இது புரோஸ்டேட் சுரப்பியின் வீக்கத்துடன் அடையாளம் காணப்பட்ட ஒரு நிலை, இதன் விளைவாக சிறுநீர் கழிக்கும் போது வீக்கம், வலி அல்லது எரியும் உணர்வு ஏற்படுகிறது. சிறுநீர்ப்பைக்கு சற்றுப் பின்னால் அமைந்துள்ள சுரப்பி உடலுறவின் போது வலியை ஏற்படுத்துகிறது, பொதுவாக விந்து வெளியேறும் போது வலியை ஏற்படுத்தலாம்.

சிறுநீர் பாதை நோய்த்தொற்றுகள்

பெண்களுக்கு சிறுநீர் பாதை நோய்த்தொற்றுகள் பொதுவானவை என்று கருதப்பட்டாலும், ஆண்களும் கூட இதன் ஆபத்துகளால் பாதிக்கப்படுகின்றனர். சிறுநீர் பாதை நோய்த்தொற்றால் பாதிக்கப்பட்ட ஆண்கள் அடிக்கடி சிறுநீர் கழிக்கும் போது வலி அல்லது எரியும் உணர்வை அனுபவிக்கலாம். மேலும் இந்த நிலை இருந்தால் ஆண்குறி ஒரு துர்நாற்றத்தை வெளியிடுகிறது மற்றும் விந்து வெளியேறும் போது வலியை ஏற்படுத்துகிறது. ஈஸ்ட் தொற்றுகள் ஆண்குறியின் நுனியைச் சுற்றி அரிப்பு அல்லது எரியும் உணர்வுகளுக்கு வழிவகுக்கும்.

அலர்ஜிகள்

சில ஆண்கள் அங்கு உணர்திறன் உடையவர்களாக இருக்கலாம். அத்தகைய சந்தர்ப்பங்களில், வாசனை மற்றும் இரசாயனங்கள் நிறைந்த சோப்புகள் அல்லது கிரீம்களை ஆண்குறியில் பயன்படுத்தும் போது அது ஆண்குறியில் வீக்கம் மற்றும் அரிப்புக்கு வழிவகுக்கும். விருத்தசேதனம் செய்யப்பட்ட ஆண்களுக்கு இது மிகவும் பொதுவானது.

பிறப்புறுப்பில் ஹெர்பெஸ்

இது உடலுறவு மூலம் பரவும் ஒரு வகை நோயாகும், இது உடலுறவை வலிமிகுந்ததாக மாற்றும் மற்றும் இந்த தொற்று வேகமாக பரவும். இது ஆணுறுப்பில் கட்டிகள் போன்ற புண் அல்லது பரு போன்ற சிக்கல்களைக் கொண்டுள்ளது, இது அதிக வலியை ஏற்படுத்தும்.

Disclaimer: இந்தக் கட்டுரையில் வழங்கப்பட்ட தகவல்கள் பொதுவான தகவல் மற்றும் கல்வி நோக்கங்களுக்காக மட்டுமே, மேலும் இது தொழில்முறை மருத்துவ ஆலோசனை, நோயறிதல் அல்லது சிகிச்சைக்கு மாற்றா பகிரப்படவில்லை. மருத்துவ நிலை குறித்து உங்களுக்கு ஏதேனும் கேள்விகள் இருந்தால் உங்கள் மருத்துவர் அல்லது தகுதிவாய்ந்த சுகாதார வழங்குநரின் ஆலோசனையைப் பெறவும்.