உடம்பு சரியில்லாதப்போ இந்த உணவுகளையெல்லாம் சாப்பிடக் கூடாது!!

காஃபி :

வயிறு சம்பந்தமான கோளாறுகள் இருந்தால் அந்த சமயங்களில் காஃபி அறவே தவிர்க்க வேண்டும். காஃபின் வாந்தியை தூண்டும்.

அதே சமயங்களில் காய்ச்சல் இருக்கும்போதும் காஃபி குடிப்பதால் உடலில் அதிக வெப்பம் உருவாகி காய்ச்சலை அதிகரிக்கச் செய்து விடும்.

ஆரஞ்சு பழச் சாறு :

உங்களுக்கு இருமல், தொண்டையில் தொற்று உண்டானால் அந்த சமயங்களில் ஆரஞ்சு சாறு குடிப்பதை நிறுத்த வேண்டும். இதிலுள்ள சிட்ரிக் அமிலம் தொண்டையில் இன்னும் எரிச்சலை உண்டாக்கும். இதனால் இருமல் இன்னும் அதிகமாகும்.

இனிப்பு :

எளிதில் இனிப்பு ஜீரணிப்பதில்லை. வயிறு சம்பந்தபட்ட பிரச்சனையை அதிகப்படுத்திவிடும். அதோடு நோய் எதிர்ப்பு சக்தியையும் குறைத்துவிடும். காய்ச்சல், வயிற்றுக் கோளாறு அல்லது எந்த நோயானாலும் அந்த சமயங்களில் இனிப்பை தவிர்க்க வேண்டும்.

நொறுக்கு தீனிகள் :

எந்த வகையான உடல் பாதிப்பு இருந்தாலும் ஜீரண உறுப்புகள் மந்தமாகிவிடும். எனவே அப்போது நொறுக்கு தீனிகளை தவிர்ப்பது நல்லது. ஏனென்றால் அவை உடலில் செரிமான பிரச்சனையை உண்டாக்கிவிடும்.

பால் :

காய்ச்சல், சளி அல்லது வயிற்றுகோளாறு இருக்கும்போது பாலை தவிர்க்க வேண்டும். பால் சளியை பெருக்கி விடும். செரிமானம் ஆகாமல் வாந்தியை உண்டாக்கும்.

கொழுப்பு உணவுகள் :

கொழுப்பு மிக்க்க உணவுகள் குடலிலேயே அதிக நேரம் தங்கும். செரிமானம் ஆவதற்கு தாமதமாவதால் அதனை அவ்வளவு எளிதில் சாப்பிட முடியாது. ஆகவே கொழுப்பு மிக்க உணவுகளை தவிர்ப்பது முக்கியம்.