குண்டான இடுப்பை ஸ்லிம்மாக மாற்ற இந்த யோகாவை செய்யுங்க !!

பிரசரித பதோத்தனாசனம்

இந்த யோகா இடுப்பி கொழுப்பை குறைப்பதில் பிரசித்தி பெற்ற ஆசனம். இதனை செய்யும்போது, இடுப்பை சுற்றியுள்ள பகுதிகள் நெகிழ்வுத்தன்மை அடைகிறது.

ரத்த ஓட்டம் அதிகரித்து, தசைகள் வேகமாக இயங்கப்படுகின்றன. இவக்கையில் கொழுப்பு துரிதமாக எரிக்கப்பட்டு இடுப்பு ஸ்லிம்மாகும்.

செய்முறை :

முதலில் நேராக தடாசனத்தில் நில்லுங்கள். கால், முதுகை நேராக வைக்கவும். ஆழ்ந்து மூச்சை விட்டுக் கொள்ளவும்.

செய்முறை :

பின்னர் கால்களை அகல விரியுங்கள். கைகளை இடுப்பில் வைத்துக் கொண்டு, உடலை பேலன்ஸ் செய்து கொண்டு மெதுவாக குனியுங்கள்.

பின்னர் கைகளால் கால்களை பிடித்துக் கொண்டு, தலையை கீழே எவ்வளவு முடியுமோ அவ்வளவு குனிந்து கொள்ளுங்கள்.

செய்முறை :

இந்த ஆசனம் நாளடைவில் உங்களுக்கு சுலபமான பிறகு, படத்தில் உள்ளது போல் தரையில் கைகளை பதிந்து தலையை தரையில் முட்டச் செய்யுங்கள்.

பலன்கள் :

இடுப்பு மற்றும் தலைப் பகுதியில் அதிக ரத்த ஓட்டம் பாயும். இடுப்பு எலும்பு பலம்பெறுகிறது. கொழுப்பு குறைகிறது. மூளைக்கு அதிக ரத்தம் பாயும். தலைவலி குறையும்.

குறிப்பு :

முட்டி, இடுப்பு, முதுகில் அடிபட்டவர்கள் இந்த ஆசனத்தை செய்வதை தவிர்க்கவும்.