Heart Health: ஹார்ட் அட்டாக் வராமல் தடுக்கணுமா? அப்ப இந்த சூப்பர் உணவுகளில் ஒன்றை தினமும் சாப்பிடுங்க...!

Heart Health: உலகம் முழுக்க மாரடைப்பால் இறப்பவர்களின் எண்ணிக்கை கவலையளிக்கும் விதமாக அதிகரித்து வருகிறது. இதில் மிகவும் கவனிக்க வேண்டிய விஷயம் என்னவெனில் குழந்தைகள், இளைஞர்கள் மற்றும் ஆரோக்கியமானவர்கள் கூட மாரடைப்பால் இறக்கின்றனர்.

உடலின் மிகவும் முக்கியமான இந்த உறுப்பை கவனித்துக்கொள்வது மிகவும் அவசியமாகும். டிரான்ஸ் கொழுப்புகள் மற்றும் கொலஸ்ட்ரால் அதிகம் உள்ள மோசமான உணவு உங்கள் இதயத்தை பல்வேறு வழிகளில் பாதிக்கலாம், அதில் முக்கியமானது மாரடைப்பு.

அதேசமயம், சோடியம் குறைவாக உள்ள உணவு, நார்ச்சத்து, ஒமேகா-3 கொழுப்பு அமிலங்கள், வைட்டமின்கள், ஆக்ஸிஜனேற்றிகள், பருப்புகள் மற்றும் விதைகள் ஆகியவை வீக்கத்தைக் குறைத்து, ட்ரைகிளிசரைடு அளவைக் குறைப்பதன் மூலம் ஒட்டுமொத்த இதய ஆரோக்கியத்தை அதிகரிக்கும். உங்கள் இதயத்தை பாதுகாத்து மாரடைப்பிலிருந்து பாதுகாக்கும் உணவுகள் என்னென்ன என்று இந்த பதிவில் தெரிந்து கொள்ளலாம்.

அவோகேடா

அவோகேடாவை தினமும் சாப்பிடுவது உங்கள் இதய ஆரோக்கியத்தை நிர்வகிப்பதற்கான ஊட்டச்சத்துக்களை உடலுக்குள் சேர்க்கக்கூடிய சிறந்த மற்றும் எளிதான வழியாகும். இந்த பழத்தில் மோனோசாச்சுரேட்டட் கொழுப்புகள் போன்ற ஆரோக்கியமான கொழுப்புகள் நிரம்பியுள்ளன, அவை உடலில் இருந்து கெட்ட கொழுப்பை அகற்றும், இதனால் பிளேக் உருவாக்கம் மற்றும் உயர் இரத்த அழுத்தம் ஏற்படுவதற்கான வாய்ப்புகளை குறைக்கிறது.

இதய ஆரோக்கியத்தைப் பராமரிக்க தினமும் மூன்றில் ஒரு பங்கு அவோகேடாவை சாப்பிடலாம். இதய ஆரோக்கியம் மட்டுமின்றி, இவை புற்றுநோய், மூட்டுவலி, மனச்சோர்வு மற்றும் வீக்கத்தைத் தடுக்கவும் உதவும்.

திராட்சை

பொட்டாசியத்தின் சிறந்த மூலமான திராட்சை இதய ஆரோக்கியத்தில் பல அதிசயங்களைச் செய்யும். குர்செடின் மற்றும் ரெஸ்வெராட்ரோல் போன்ற சக்திவாய்ந்த பாலிஃபீனால்களும், ஆக்ஸிஜனேற்றங்களும் அவற்றில் உள்ளன. இது கார்டியோ-பாதுகாப்பு விளைவை ஏற்படுத்தும் மற்றும் மாரடைப்பு அபாயத்தைக் குறைக்கும்.

திராட்சை விதை எண்ணெயில் லினோலிக் அமிலம் உள்ளது, இது இதய பிரச்சினைகளைத் தடுக்கிறது. ஒரு ஆய்வின்படி, திராட்சை சாறு உட்கொள்வது ஆரோக்கியமானவர்களுக்கு மட்டுமல்ல, நீண்டகால ஆரோக்கிய பிரச்சினை உள்ளவர்களுக்கும் இதய நன்மைகளை வழங்குகிறது.

சியா விதைகள்

உங்கள் இதய ஆரோக்கியத்தை பராமரித்து மாரடைப்பை தடுக்க உதவும் மற்றொரு சூப்பர்ஃபுட் சியா விதைகள். அவற்றில் நார்ச்சத்து, ஆக்ஸிஜனேற்றிகள், தாதுக்கள் மற்றும் ஒமேகா -3 கொழுப்பு அமிலங்கள் நிறைந்துள்ளன, மேலும் உங்கள் இதயத்தைப் பாதுகாக்கும் ஊட்டச்சத்துக்களும் நிறைந்துள்ளன. அவற்றை ஊறவைத்தோ, வறுத்தோ அல்லது உங்கள் சமையலில் நேரடியாகவோ பயன்படுத்தலாம்.

நார்ச்சத்து அதிகம் உள்ள சியா விதைகள் உங்கள் இதயத்திற்கு நல்லது, ஏனெனில் அவை கொலஸ்ட்ராலை குறைக்கவும் குடல் ஆரோக்கியத்தை மேம்படுத்தவும் உதவும். ஒரு நாளைக்கு ஐந்து டீஸ்பூன் அல்லது 50 கிராம் சியா விதைகளை சாப்பிடுவது ஆரோக்கியமானதாக கருதப்படுகிறது. சியா விதைகள் உங்கள் கொலஸ்ட்ரால் மற்றும் ட்ரைகிளிசரைடுகளைக் குறைக்க உதவும்.

இலவங்கப்பட்டை

இலவங்கப்பட்டையை மசாலாப் பொருளாகப் பயன்படுத்துவது நமது இதய ஆரோக்கியம் மட்டுமின்றி ஒட்டுமொத்த ஆரோக்கியத்தையும் மேம்படுத்த உதவும், அது மொத்த கொழுப்பு அல்லது இரத்த குளுக்கோஸ் அளவுகளை நிர்வகிக்கிறது. இலவங்கப்பட்டை இரத்த அழுத்தத்தையும் எல்டிஎல் கொழுப்பையும் கட்டுக்குள் வைத்திருக்க உதவும்.

இலவங்கப்பட்டையின் ஆக்ஸிஜனேற்ற மற்றும் அழற்சி எதிர்ப்பு பண்புகள் தமனிகளின் அடைப்பைக் குறைக்க உதவும் என்று ஆய்வுகள் தெரிவிக்கின்றன. இதய ஆரோக்கியத்திற்கான நன்மைகளைத் தவிர, இலவங்கப்பட்டை நுகர்வு உயர் இரத்த சர்க்கரை அளவை நிர்வகிக்கவும் உதவும்.

Disclaimer: இந்தக் கட்டுரையில் வழங்கப்பட்ட தகவல்கள் பொதுவான தகவல் மற்றும் கல்வி நோக்கங்களுக்காக மட்டுமே, மேலும் இது தொழில்முறை மருத்துவ ஆலோசனை, நோயறிதல் அல்லது சிகிச்சைக்கு மாற்றா பகிரப்படவில்லை. மருத்துவ நிலை குறித்து உங்களுக்கு ஏதேனும் கேள்விகள் இருந்தால் உங்கள் மருத்துவர் அல்லது தகுதிவாய்ந்த சுகாதார வழங்குநரின் ஆலோசனையைப் பெறவும்.