மூட்டு வலிக்கு 'குட்-பை' சொல்லணுமா? இந்த உணவுகளை அடிக்கடி சாப்பிடுங்க போதும்...

இஞ்சி

இஞ்சியில் மூட்டு வலிக்கு நன்மை அளிக்கும் அழற்சி எதிர்ப்பு பண்புகள் உள்ளன. இஞ்சியை டீ வடிவிலோ அல்லது வெதுவெதுப்பான நீருடன் சேர்த்தோ உட்கொள்ளலாம். இஞ்சியில் மூட்டுக்களைச் சுற்றியுள்ள வீக்கம் மற்றும் வலியைக் குறைக்கும் மருத்துவ பண்புகள் அதிகம் நிறைந்துள்ளன. இதில் உள்ள மருத்துவ குணத்தால் ஆயுர்வேதத்தில் அதிகம் பயன்படுத்தப்படுகிறது. அன்றாட உணவில் இஞ்சியை சேர்த்தால், அது எடையை இழக்க உதவும், குமட்டலை சரிசெய்யும், மெட்டபாலிசத்தை அதிகரிக்கும் மற்றும் பல நன்மைகளை வழங்கும்.

ஆப்பிள் சீடர் வினிகர்

ஆப்பிள் சீடர் வினிகரில் உள்ள குறிப்பிட்ட அமிலங்கள், உடலில் உள்ள நச்சுக்களை உறிஞ்சி வெளியேற்ற உதவும். ஆப்பிள் சீடர் வினிகரில் உள்ள அமிலம் மூட்டுக்களில் தேங்கியுள்ள படிகங்களை கரையச் செய்து, மூட்டு வலி மற்றும் வீக்கத்தைக் குறைக்கும். அதற்கு இதை நீரில் அல்லது தேனுடன் உட்கொள்ளலாம். தேனில் அழற்சி எதிர்ப்பு பண்புகள் உள்ளதால், இன்னும் சிறப்பான பலன் கிட்டும். ஆர்த்ரிடிஸ் மற்றும் மூட்டு வலியில் இருந்து விரைவில் குணமாக காலை, மதியம் மற்றும் மாலையில் ஒரு ஸ்பூன் ஆப்பிள் சீடர் வினிகரை உட்கொள்ளவும்.

மஞ்சள்

மஞ்சளில் குர்குமின் என்னும் பொருள் உள்ளது. இது மூட்டு வலி மற்றும் ஆர்த்ரிடிஸ் அறிகுறிகளில் இருந்து விடுவிக்கும். அதற்கு வெதுவெதுப்பான பாலில் சிறிது மஞ்சள் தூளை கலந்து தினமும் குடிக்க வேண்டும். மஞ்சளில் உள்ள மருத்துவ பண்புகளால், பல்வேறு ஆரோக்கிய பிரச்சனைகளுக்கு தீர்வு காண நாட்டு மருத்துவத்தில் பயன்படுத்தப்படுகிறது.

மக்கானா

மக்கானா என்பது வேறொன்றும் இல்லை தாமரைப் பூ விதைகள் தான். இது ஆர்த்ரிடிஸ் வலி மற்றும் பிற மூட்டு பிரச்சனைகளில் இருந்து நிவாரணம் அளிக்கும் முக்கியமான உணவுப் பொருள். இதில் எலும்புகளை வலுப்படுத்தும் பண்புகள் உள்ளன. இது வீக்கத்தை குறைக்கவும், வலியில் இருந்தும் நிவாரணம் அளிக்கும். அதற்கு மக்கானாவை அப்படியே சாப்பிடலாம் அல்லது பாலுடன் சேர்த்தும் சாப்பிடலாம். பாலில் கால்சியம் அதிகம் உள்ளதால், பாலுடன் சேர்த்து சாப்பிட எலும்புகளுக்கு கால்சியம் சத்தும் கிடைக்கும், மூட்டு வலியில் இருந்தும் நிவாரணமும் கிடைக்கும்.

பசலைக்கீரை

பசலைக்கீரையில் நோயை எதிர்த்துப் போராட உதவும் ஆன்டி-ஆக்ஸிடன்ட்டுகள் மற்றும் தாவர கலவைகள் அதிகளவில் நிறைந்துள்ளன. இந்த கீரை மூட்டுக்களைச் சுற்றியுள்ள வீக்கத்தையும், சிவந்த பகுதியையும் குறைக்கும். இந்த கீரையை மூட்டு வலி உள்ளவர்கள் அடிக்கடி உணவில் சேர்த்து வந்தால், மூட்டு வலியில் இருந்து நிவாரணம் கிடைப்பதோடு, மூட்டுக்களும் ஆரோக்கியமாக நீண்ட நாட்கள் இருக்கும்.