இந்த பட்டாணி பாலை 1 கப் குடிப்பதால், உடலில் ஏற்பட கூடிய மாற்றங்கள் என்னென்ன?

பால்

பொதுவாக பல்வேறு ஊட்டச்சத்துக்கள் பாலில் நிறைந்துள்ளது நம் அனைவருக்குமே தெரிந்தது தான். ஆனால், நேரடியாக கிடைக்கும் பாலில் தான் அனைத்து வித சத்துக்களும் உள்ளன.

இதற்கு மாறாக பதப்படுத்தப்பட்ட பாலை குடித்தால் அதனால் பாதிப்பு மட்டும் தான் உண்டாகுமே தவிர எந்த விதத்திலும் நன்மை தராது.

பட்டாணி பால்

பாலில் இருக்க கூடிய சத்துக்களை விட அதிக அளவில் பட்டாணி பாலில் சத்துக்கள் நிறைந்துள்ளது. அதே போல பாலில் ஏற்பட கூடிய வாடை இந்த பட்டாணி பாலில் கிடையாது. எனவே, பசும்பாலை வெறுப்போருக்கு இது சிறந்த தீர்வாக இருக்கும்.

உடல் எடை

பட்டாணி பாலில் குறைந்த அளவிலே கலோரிகள் இருப்பதால் இதை தொடர்ந்து குடித்து வருவோருக்கு உடல் எடை குறையும். மேலும், இதில் க்ளுட்டன் இல்லாததால் இதனால் எந்தவித பாதிப்பும் ஏற்படாது என ஆய்வுகள் சொல்கின்றன. உடல் எடை கூடியுள்ளோருக்கு இந்த பட்டாணி பால் சிறந்த தேர்வாக இருக்கும்.

நோ கார்ப்ஸ்!

மற்ற பால் வகைகளை போல இதிலும் கார்ப்ஸ் உள்ளது என நீங்களே எண்ணி கொள்ளாதீர்கள். இதில் முற்றிலுமாக வேறுபட்ட சத்துக்களே இருக்கின்றன.

1 கப் பட்டாணி பாலில் 70 கலோரிகள், 4.5 கிராம் லாவ் கொழுப்பு, பொட்டாசியம் 13%, புரதசத்து 8 கிராம், கால்சியம் 45%, இரும்புசத்து 15% உள்ளது. முக்கியமாக இதில் கார்போஹைடிரேட் 0 கிராம் அளவு கூட கிடையாது.

புரதசத்து

பசும்பாலை போன்றே இந்த பாலிலும் புரதசத்து அதிக அளவில் உள்ளது. 1 கப் பாலில் கிட்டத்த்தட்ட 8 கிராம் அளவு புரதசத்து உள்ளது. ஆதலால் புரதசத்து குறைபாடும் இதனால் குறையும். மேலும் அடிக்கடி பசி எடுக்கும் பிரச்சினையும் ஏற்படாது. இதனால் எடை கூடும் பிரச்சினையும் தடுக்கப்படும்.

சர்க்கரை நோயாளிகளுக்கு

இந்த பட்டாணி பாலில் சர்க்கரை அளவு முற்றிலுமாக இல்லாததால், இது சர்க்கரை நோயாளிகளுக்கு சிறந்த மருந்தாக இருக்கும். அத்துடன் இதில் கார்போஹைட்ரேட்டும் இல்லாததால் இரத்தத்தில் உள்ள சர்க்கரையின் அளவை குறைக்க உதவும்.

ஒவ்வாமை

சாதாரண பாலை பார்த்து பயப்படுவதை போன்று, இதை பார்த்தும் பயப்பட வேண்டியதில்லை. மற்ற பால் வகைகளை காட்டிலும் இது மிகவும் பாதுகாப்பானதாக இருக்கும். மேலும், பாலினால் உண்டாக கூடிய ஒவ்வாமைகள் இந்த பட்டாணி பாலில் கிடையாது.