வெள்ளரிக்காயை ஏன் தோல் சீவி சாப்பிடக் கூடாது?... அப்படி சாப்பிட்டா என்ன ஆகும்?...

நார்ச்சத்து

நார்ச்சத்து - கரையக்கூடியது, கரையாதது என்று இரு வகைப்படும். வெள்ளரிக்காயின் தோலில் கரையாத நார்ச்சத்து அதிகம் காணப்படுகிறது. இந்த நார்ச்சத்து, உணவு மண்டலத்தின் வழியாக செல்லும்போது, கழிவுகளை திரட்டி சுத்தமாக்குகிறது. செரிமானம் சரியாக நடைபெற உதவுகிறது. ஆகவே, மலச்சிக்கல் பிரச்னை தவிர்க்கப்படுகிறது. தினசரி 25 கிராம் நார்ச்சத்து சேர்ந்த உணவினை எடுத்துக்கொள்வதே ஆரோக்கியமானது. ஆண்களுக்கு 38 கிராம்

வெள்ளரிக்காய் சதைப்பகுதி, கரையக்கூடிய நார்ச்சத்து மிக்கது. உடலுக்கு அதிகம் நன்மை பயக்கக்கூடிய அந்தச் சத்து, மலம் இறுகுவதை தடுக்கிறது.

வைட்டமின் கே

இரத்தம் உறைதலுக்கு உதவும் வைட்டமின் கே, வெள்ளரிக்காயின் தோலில்தான் அதிகம் காணப்படுகிறது. ஒரு கப் அளவு தோல் சீவப்படாத வெள்ளரி துண்டுகளில் 49 மைக்ரோ கிராம் வைட்டமின் கே உள்ளது. அதுவே, தோலை சீவிவிட்டால் 9 மைக்ரோ கிராமாக குறைந்து போகும்.

குறைந்த கலோரி

'அதிகமாக வெள்ளரிக்காய் சாப்பிட்டு விட்டேனே' என்று நீங்கள் ஒருபோதும் பயப்படத்தேவையில்லை. வெள்ளரி துண்டுகள் குறைந்த கலோரி கொண்டவை. தோல் சீவப்படாத வெள்ளரித் துண்டு ஒன்றில் 1 அல்லது 2 கலோரி ஆற்றல்தான் உள்ளது. ஆகவே, பிற்பகலில் தோல் சீவாத வெள்ளரியை துண்டாக்கி, தைரியமாக சாப்பிட்டு, புத்துணர்ச்சி பெற்றுக்கொள்ளுங்கள்.

பீட்டா கரோட்டீன்

வைட்டமின் 'ஏ'யின் ஒரு வகைதான் பீட்டா கரோட்டின். வெள்ளரியில் அதிகம் பீட்டா கரோட்டின் காணப்படுகிறது. இந்தச் சத்து, கண்ணுக்கு நன்மை பயக்கக்கூடியது. வைட்டமின் ஏ பல வகைகளில் கிடைக்கிறது.

வெள்ளரிக்காயின் தோலில் அதிக அளவு பீட்டா கரோட்டின் உள்ளது. பெண்கள் 2,310 ஐயூ (சர்வதேச ஊட்டச்சத்து குறியீடு), ஆண்கள் 3,000 ஐயூ வைட்டமின் 'ஏ' உட்கொள்ள வேண்டும். ஒரே ஒரு கப், தோல் சீவப்படாத வெள்ளரித்துண்டுகளில் 55 ஐயூ அளவுக்கு வைட்டமின் 'ஏ' நிறைந்திருக்கும்; அதில் பாதி பீட்டா கரோட்டின்தான்.

ஆகவே, வெள்ளரியை நன்றாக கழுவுங்கள்; ஆனால், தோலை சீவி எறிந்து விடாமல், தோலுடன் நறுக்கி சாப்பிடுங்கள்; அதுவே நல்ல பயன் தரும்.