உங்களுக்கு தூசினால் அலர்ஜி ஏற்படுகிறதா? அப்படியெனில் இந்த உணவுகளை சாப்பிடுங்கள்!!

பசலைக் கீரை :

பசலைக் கீரை நுரையீரல் சம்பந்தமான அலர்ஜியை தடுக்கிறது. அனைத்து விதமான விட்டமின் மினரல்கள் உள்ளன.

பசலைக் கீரை அடிக்கடி உணவில் சேர்த்துக் கொண்டால் ஆஸ்துமாவை வரவிடாமல் தடுக்கலாம்.

ஆப்பிள் :

ஆப்பிள் நோயை மட்டுமல்ல அலர்ஜியையும் தடுக்கிறது. கர்ப்பிணிகள் வாரம் 4 நான்கு ஆப்பிளை சாப்பிட்டு வந்தால் பிறக்கும் குழ்ந்தைக்கு ஆஸ்துமா போன்ற நுரையீரல் பாதிப்புகள் வராது என்று மருத்துவர்கள் கூறுகிறார்கள்.

வாழைப் பழம் :

வாழைப் பழம் அதிக நார்சத்துக்களை கொண்டது. இதனை தொடர்ந்து தினமும் சாப்பிட்டு வந்தால் தூசினால் வரும் அலர்ஜி தடுக்கப்படும்.

அவகாடோ :

அலர்ஜிக்கு மிகச் சிறந்த உணவு இதுதான். இதிலுள்ள குளுடதயோன் சிறந்த ஆன்டி ஆக்ஸிடென்ட். இது பாதிப்படைந்த நுரையீரலையும் சரி செய்து மூச்சுக் குழாயை தொற்றிலிருந்தும் கிருமிகளிடமிருந்தும் பாதுகாக்கிறது.

காலே :

காலே அதிக விட்டமின் சி யைக் கொண்டுள்ளது. இது ஃப்ரீ ரேடிகல்ஸை அழித்து, செல்களின் ஆரோக்கியத்தை காக்கிறது. முக்கியமாக நுரையீரல் சம்பந்தப்பட்ட அலர்ஜியை தடுக்கும்.

பூண்டு :

பூண்டை தினமும் சாப்பிட்டு வந்தால் அலர்ஜியை தடுக்க முடியும். நுரையீரலை பலப்படுத்தும். ஆஸ்துமாவை வரவிடாமல் தடுக்கும்.

இது அலர்ஜியினால் உண்டாகும் பாதிப்புகளையும் சரி செய்கிறது.