நோயெதிர்ப்பு சக்தி குறைவாக இருக்கும் போது சாப்பிடக்கூடாத உணவுகள்!

கடல் சிப்பி

குறிப்பிட்ட ஆரோக்கிய கணிப்புகளில் நோயெதிர்ப்பு சக்தி குறைவாக இருப்பவர்கள், கடல் சிப்பி உண்பதைத் தவிர்ப்பது நல்லது என்று பரிந்துரைக்கப்பட்டுள்ளது. ஏனெனில் அவை சில நுண்ணுணிரிகளின் வளர்ச்சிக்கு ஆதரவு அளிக்க முனையுமாம்.

முளைக்கட்டிய பயிர்கள்

முளைக்கட்டிய பயிர்கள் ஆரோக்கியமானது தான். ஆனால் அதனை சரியான முறையில் சுத்தமாக கழுவாமல் முளைக்கட்ட வைத்து உட்கொண்டால், அது உடலில் பாக்டீரியாக்களின் வளர்ச்சியைத் தான் அதிகரிக்கும். எனவே முடிந்த வரையில் நோயெதிர்ப்பு சக்தி குறைவாக இருப்பவர்கள், உண்ணும் உணவை வேக வைத்து உட்கொள்வது நல்லது.

வெட்டப்பட்டு விற்கப்படும் காய்கறிகள்

தற்போது காய்கறிகளை வெட்டக்கூட நேரம் இல்லாமல் இருப்பதால், கடைகளில் சில காய்கறிகளை வெட்டப்பட்ட நிலையில் பாக்கெட்டுகளில் விற்கப்படுகின்றன. இப்படி வெட்டப்பட்டு விற்கப்படும் காய்கறிகள் அசுத்தமானதாகவே இருக்கும். எனவே இம்மாதிரியான உணவுப் பொருட்களையும் தவிர்க்க வேண்டும்.

பச்சை பால்

பச்சை பாலில் ஒட்டுண்ணிகள், வைரஸ்கள் மற்றும் பாக்டீரியாக்கள் அதிகம் இருக்கும். எனவே நோயெதிர்ப்பு சக்தி குறைவாக இருப்பவர்கள், பாலைக் குடிக்கும் முன் அதனை நன்கு காய்ச்சிய பின்னரே பருக வேண்டும்.

பச்சை முட்டை

பச்சை முட்டையில் பல்வேறு நோய்களுக்கு காரணமான சால்மோனெல்லா இருக்கும். எனவே உடல்நிலை சரியில்லாத நேரத்திலோ அல்லது நோயெதிர்ப்பு சக்தி குறைவாக உள்ள தருணத்திலோ, முட்டையை பச்சையாக குடிப்பதைத் தவிர்ப்பது மிகவும் நல்லது.

இறைச்சி

மார்கெட்டுகளில் பாக்கெட்டு போட்டு விற்கப்படும் பதப்படுத்தப்பட்ட இறைச்சிகளை வாங்கி உண்பதை ஒவ்வொருவரும் தவிர்க்க வேண்டும். ஏனெனில் இறைச்சியை பதப்படுத்த சேர்க்கப்படும் கெமிக்கல்களால் இன்னும் உடல்நிலை மோசமாகும் வாய்ப்பு அதிகம் உள்ளது.

பாட்டில் ஜூஸ்

பாட்டில் அல்லது டப்பாவில் அடைத்து விற்கப்படும் எந்த ஒரு பானமும் சுத்தமானதும் அல்ல ஆரோக்கியமானதும் அல்ல. ஆகவே உங்களுக்கு ஜூஸ் குடிக்க வேண்டுமென்று தோன்றினால், வீட்டில் சுத்தமாக பழங்களைக் கழுவி தயாரித்து குடியுங்கள்.