இந்த 3 பாகங்களில் ஒன்றில் வலி இருந்தால் உங்க கல்லீரல் ஆபத்தில் இருக்குனு அர்த்தமாம்... கவனமா இருங்க!

கொழுப்பு கல்லீரல் நோய் என்பது உங்கள் கல்லீரலில் கொழுப்பு படிவதால் ஏற்படும் ஒரு ஆபத்தான ஆரோக்கிய நிலையாகும். உடல் பருமன், டைப் 2 நீரிழிவு நோய் மற்றும் அதிகப்படியான மது அருந்துதல் ஆகியவை இதற்கான முக்கிய ஆபத்து காரணிகளாகும். கல்லீரல் ஈரல் அழற்சி பெரும்பாலும் இறுதி நிலை கொழுப்பு கல்லீரல் நோய் என்று விவரிக்கப்படுகிறது.

இந்த நிலையில், ஆரோக்கியமான கல்லீரல் திசு படிப்படியாக வடு திசுக்களால் மாற்றப்படுவதால் கல்லீரல் சரியாக செயல்பட முடியாமல் போகிறது. இந்த நிலையை மீண்டும் பழைய நிலைக்கு மாற்றுவது மிகவும் கடினமானது.

உடலின் சில பாகங்களில் வலி

உங்கள் கல்லீரல் சரியாக செயல்படாத போது நீங்கள் உடலின் சில பாகங்களில் வலியை உணரலாம், இது கல்லீரல் பாதிப்பின் முதன்மையான அறிகுறிகளாகும். குறிப்பாக அடிவயிறு, கழுத்து மற்றும் தோள்பட்டையில் கடுமையான வலியை உணர்வீர்கள். உங்கள் கல்லீரலின் நிலை மோசமடையும் போது, உங்கள் வலியின் அளவும் அதிகரிக்கலாம். சிரோசிஸ் அல்லது சிரோசிஸுக்கு வழிவகுக்கும் நோய்களாலும் இந்த வலி ஏற்படலாம். துரதிர்ஷ்டவசமாக, இந்த வலி நீண்ட நாள் நீடிக்கும்.

எங்கு அதிகமாக வலி இருக்கும்?

கல்லீரல் இழைநார் வளர்ச்சியால் பாதிக்கப்பட்ட பெரும்பாலான மக்கள் இந்த அடிவயிற்றின் மேல் வலது பகுதியில் மற்றும் அவர்களின் விலா எலும்புகளின் கீழ் கடுமையான வலியை அனுபவிக்கிறார்கள். சிரோசிஸ் நோயாளிகள் முதுகு மற்றும் மூட்டுகளில் வலியை அனுபவிக்கலாம்.

கழுத்து வலி

புற்றுநோய் குறித்த சர்வதேச ஆய்வுகளின் படி, வீக்கம் மற்றும் விரிவாக்கப்பட்ட கல்லீரல் ஒரு நபரின் வலது தோள்பட்டையில் வலியை ஏற்படுத்தும். இதற்குக் காரணம், விரிவாக்கப்பட்ட கல்லீரல் தோள்பட்டைகளில் உள்ள நரம்புகளுடன் இணைக்கும் நரம்புகளைத் தூண்டுகிறது. இது தூண்டப்பட்ட வலி என்று அழைக்கப்படுகிறது.

மணிக்கட்டு வலி

ஒரு ஆய்வில் கல்லீரல் நோயாளி தனது வலது மணிக்கட்டில் தொடர்ந்து வலியை அனுபவித்தார். அவர் ஆரம்பத்தில் தான் செய்யும் கணினி வேலைதான் இதற்கு காரணம் என்று நினைத்தார், ஆனால் இரண்டு மணிக்கட்டுகளிலும் வலி மற்றும் வீக்கம் ஏற்பட்டபோது அவர் மருத்துவரை நாடினார். சோதனைக்குப் பிறகு அவர் கல்லீரல் பாதிப்பிற்கு உள்ளாகியிருப்பது கண்டறியப்பட்டது.

கொழுப்பு கல்லீரலின் அறிகுறிகள் எப்போதும் தோன்றும்?

கொழுப்பு கல்லீரல் நோய் அறிகுறிகள் 5 ஆண்டுகளுக்குள் ஆபத்தான நிலைக்கு முன்னேறலாம். இதன் அறிகுறிகளை தெரிந்து கொள்வது இந்த ஆபத்தான நிலைமையை முன்கூட்டியே கண்டறிவதற்கும், சிகிச்சை பெறுவதற்கும் உதவும். வழக்கமான கல்லீரல் செயல்பாடு சோதனைகளைப் பெறுவது உங்கள் கல்லீரல் ஆரோக்கிய நிலையைப் பற்றி தொடர்ந்து தெரிந்துகொள்ள உதவும். ஆரோக்கியமான உணவைப் பின்பற்றுவதன் மூலமும், உடல் எடையைக் குறைப்பதன் மூலமும் கல்லீரல் ஆரோக்கியத்துடன் தொடர்புடைய சிக்கல்களைத் தடுக்கலாம். வாரத்தின் அனைத்து நாட்களிலும் குறைந்தது 30 நிமிடங்கள் உடற்பயிற்சி செய்ய வேண்டும்.

Disclaimer: இந்தக் கட்டுரையில் வழங்கப்பட்ட தகவல்கள் பொதுவான தகவல் மற்றும் கல்வி நோக்கங்களுக்காக மட்டுமே, மேலும் இது தொழில்முறை மருத்துவ ஆலோசனை, நோயறிதல் அல்லது சிகிச்சைக்கு மாற்றா பகிரப்படவில்லை. மருத்துவ நிலை குறித்து உங்களுக்கு ஏதேனும் கேள்விகள் இருந்தால் உங்கள் மருத்துவர் அல்லது தகுதிவாய்ந்த சுகாதார வழங்குநரின் ஆலோசனையைப் பெறவும்.