நற்செய்தி! இந்த டயட் விறைப்புத்தன்மை பிரச்சனைக்கு முற்றுப்புள்ளி வைக்குமாம் - ஆய்வில் தகவல்

விறைப்புத்தன்மை பிரச்சனை

விறைப்புத்தன்மை பிரச்சனை என்பது உடலுறவின் போது போதுமான விறைப்புத்தன்மையைப் பெறவோ அல்லது பராமரிக்கவோ இயலாமை ஆகும். இந்த நிலையில், ஆண்கள் ஆரோக்கியமான உடலுறவில் ஈடுபட முடியும். ஆனால் அதற்கு அவர்களது உடல் ஒத்துழைக்காமல் இருக்கும். இதற்கு முக்கியமான ஓர் காரணமாக அதிகப்படியான மன அழுத்தம் தான் என்று கூறப்படுகிறது.

விறைப்புத்தன்மை பிரச்சனை எவ்வளவு பொதுவானது?

எப்போதாவது விறைப்புத்தன்மை பிரச்சனை ஏற்படுவது என்பது அரிதானது. அதே சமயம் அடிக்கடி விறைப்புத்தன்மை பிரச்சனையை சந்திப்பது என்பது உடலில் உள்ள தீவிர பிரச்சனைகளின் அறிகுறியாக இருக்கலாம். மேலும் 5 இல் ஒருவர் விறைப்புத்தன்மை பிரச்சனை இருப்பதாக புகாரளிப்பதாகவும், வயதிற்கு ஏற்ப எண்ணிக்கை அதிகரிப்பதாகவும் தரவு தெரிவிக்கிறது.

எந்த டயட்டை பின்பற்ற வேண்டும்?

நாம் உண்ணும் உணவுகள் நமக்கு ஆற்றலை வழங்குவதோடு மட்டுமல்லாமல், நம்மை ஆரோக்கியமாகவும், நோயற்றவராகவும் வைத்திருக்க உதவுகிறது என்பது நம் அனைவருக்குமே தெரியும். புதிய ஆய்வு ஒன்றில், மத்தியதரைக் கடல் உணவு முறையை நெருக்கமாக கடைப்பிடிக்கும் ஆண்கள் விறைப்புத்தன்மை பிரச்சனையை எதிர்கொள்வது குறைவு என தெரிய வந்துள்ளது. சான் பிரான்சிஸ்கோவில் உள்ள கலிபோர்னியா பல்கலைக்கழகத்தின் மருத்துவ உதவி பேராசிரியர் டாக்டர் ஸ்காட் ஆர். பாவ் தலைமையிலான ஆய்வில் இது தெரியவந்தது.

ஆய்வு

இந்த ஆய்விற்காக, ஹார்வர்ட் பல்கலைக்கழகத்தின் ஒரு கணக்கெடுப்புக்காக முன்னர் சேகரிக்கப்பட்ட தரவுகளை ஆய்வாளர்கள் குழு ஆய்வு செய்தது. சுமார் 21000-க்கும் மேற்பட்ட ஆண்களின் தரவு வைத்து ஆய்வு மேற்கொள்ளப்பட்டது. இந்த தரவில் 1986 மற்றும் 2014 க்கு இடையே ஒவ்வொரு நான்கு ஆண்டுகளுக்குப் பிறகு ஆண்களின் உணவுத் தரம் ஆராயப்பட்டது.

முடிவு

ஆய்வின் முடிவில், மத்தியதரைக் கடல் உணவு முறையை நெருக்கமாக பின்பற்றிய ஆண்களுக்கு எந்த வயதிலும் விறைப்புத்தன்மை பிரச்சனைக்கான வருவதற்கான வாய்ப்புக்கள் குறைவு என்பது கண்டறியப்பட்டது. மேலும், 60 வயதிற்குட்பட்ட ஆரோக்கியமான டயட்டை பின்பற்றும் ஆண்களுக்கு நாள்பட்ட நோய்க்கான அபாயம் குறைவதுடன், விறைப்புத்தன்மை பிரச்சனையை அனுபவிக்கும் வாய்ப்பும் குறைவு என தெரிய வந்தது.

மத்தியதரைக் கடல் உணவுமுறை என்றால் என்ன?

மத்தியதரைக் கடல் உணவு முறை அதன் ஏராளமான ஆரோக்கிய நன்மைகளுக்காக அதிகம் பாராட்டப்படுகிறது. இந்த வகை டயட்டின் நம்பிக்கைக்குரிய ஆரோக்கிய நன்மைகளின் காரணமாக, இது 2019 ஆம் ஆண்டின் ஆரோக்கியமான உணவுமுறை என்று பெயரிடப்பட்டது.

மத்தியதரைக்கடல் உணவு முறையானது க்ரீஸ், பிரான்ஸ், இத்தாலி உள்ளிட்ட மத்தியதரைக் கடல் பகுதிக்கு நெருக்கமான நாடுகளில் உள்ள மக்கள் சாப்பிடும் பாரம்பரிய உணவுகளை அடிப்படையாகக் கொண்டது. இந்த உணவு முறையின் அடித்தளமே காய்கறிகள், பழங்கள், மூலிகைகள், நட்ஸ், பீன்ஸ், முழு தானியங்கள் மற்றும் ஆரோக்கியமான கொழுப்புக்கள் ஆகும். பெரும்பாலும் தாவர அடிப்படையிலான உணவுகளை உள்ளடக்கியது தான் இந்த டயட். அதே சமயம் மிதமான அளவில் பால், கோழி மற்றும் முட்டைகளும் இந்த டயட்டில் அனுமதிக்கப்படுகிறது.