உடல் எடையை குறைக்க உதவும் எளிமையான சிறந்த 6 உணவுகள் !!

பூசணிக்காய் :

பூசணிக்காய் பார்க்கதான் குண்டு. ஆனா குறைவான கலோரியை பெற்றுள்ளது. பீட்டா கரோடின் மிக அதிக அளவில் உள்ளது.

அதிக நீர் சத்தும் கொண்டது. பூசணிக்காயை சாலட் , பொறியல், குழம்பு என வாரம் 3 நாட்கள் உபயோகித்து பாருங்கள்.

பட்டை :

பட்டை நிஜமாகவே ஒரு அரிய மூலிகைதான். அதிலுள்ள பாலிஃபீனால் இன்சுலின் ஹார்மோனை தூண்டுகிறது. இதனால் சர்க்கரை அளவு கட்டுக்குள் வைத்திருக்கும்.

தினமும் பட்டையை உணவில் சேர்த்திடுங்கள். உங்கள் எடை குறைப்பில் மாற்றம் உண்டாகும்.

பெக்கான் :

பெக்கான் என்னும் நட்ஸ் பெரிய சூப்பர் மார்கெட்டுகளில் கிடைக்கும். இதன் சுவையும் அருமையாக இருக்கும்.

இதில் நல்ல கொழுப்பு அமிலங்கள் அதிகம் உள்ளன. இவை கொலஸ்ட்ராலை கட்டுப்படுத்தும் ஆற்றலை பெற்றவை.

நொறுக்குத் தீனிக்கு கண்ட சிப்ஸ் எல்லாம் சாப்பிடாமல் இது போன்ற நட்ஸ் சாப்பிட்டு பாருங்கள். உடல் எடை சற்றும் ஏறாது.

காலிஃப்ளவர் :

காலிஃப்ளவர் சுவை போலவே சத்தும் அபாரம். அதிலுள்ள அன்டி ஆக்ஸிடென்ட் நச்சுக்களை முழுவதும் வெளியேற்றும். இதனால் உடல் எடை கணிசமாக குறையும்.

கொழுப்பை எரிக்க உதவும். குறைவாகவே கலோரி பெற்றுள்ள உணவு. வயிற்றையும் நிரப்பும். ஒரே விஷயம் நீங்கள் அதனை எண்ணெயில் பொரிக்காமல் வேக வைத்து அல்லது சாலட் போல் சாப்பிடுங்கள்.

ஆப்பிள் :

எளிமையானது. எல்லா இடங்கலிலும் கிடைக்கக் கூடியது. அத்தனை சத்துக்களை உள்ளடக்கியது. அதிக நார்சத்து கொண்டது. வயிற்றை நிரப்பும்.

அதிலுள்ள பாலிஃபீனால் நல்ல பேக்டீரியாக்களை உற்பத்தி செய்யும். இதனால் ஜீரணம் விரைவில் நடைபெறும்.

பாலில்லா தேநீர் :

பால் கலக்காத வரத் தேநீரை குடித்தான் உடல் எடை குறையும் என பல ஆய்வுகள் சொல்கிறது. இதிலுள்ள ஃப்ளேவினாய்டு உடல் உடையை குறைக்கச் செய்கிறது. இரு வேளை வரத் தே நீரை குடியுங்கள்.