வயிறு சுத்தமா இருந்தா ஜீரணம் ஈசியாகும்!

Diet Fitness

oi-Jaya

By Mayura Akilan

Published: Tuesday, May 15, 2012, 10:13 [IST]

அஜீரணக்கோளாறு என்பதை இன்றைக்கு பெரும்பாலானவர்களை வாட்டி வதைக்கிறது. உண்ணும் உணவு ஜீரணமாகாவிட்டால் உடல் நலத்திற்கு பாதிப்பு ஏற்படும். வயிறு வலி, புளித்த ஏப்பம் போன்றவை ஏற்பட்டு மனிதர்களுக்கு சிரமத்தை ஏற்படுத்தும். எனவே வயிறு சுத்தம் என்பது அவசியம். அப்பொழுதுதான் ஜீரணமண்டலத்தின் இயக்கம் எளிதாக இருக்கும்.

வயிற்றை சுத்தமாக்கும் உணவுகள்

பச்சை காய்கறிகள் வயிற்றை சுத்தாக்கும். கீரைகள், செலரி, புருக்கோலி, பீன்ஸ் போன்ற உணவுகள் எளிதில் ஜீரணமாகும். அதேபோல் காரட், வெங்காயம், பச்சைபட்டாணி, உருளைக்கிழங்கு போன்ற உயர்தர கார்போஹைடிரேட் உணவுகள் வயிற்றுக்கு ஏற்றவை.

தினசரி 2 வாழைப்பழம்

சிட்ரஸ் பழங்கள் ஜீரணமண்டலத்தை எளிதாக வைக்கும். பழங்களில் உள்ள உயர்தர நார்ச்சத்து வயிற்றுக்கு ஏற்றது. எலுமிச்சை, ஆரஞ்ச், திராட்சை, ஸ்ட்ராபெர்ரீஸ் போன்றவை ஜீரணமண்டலத்திற்கு ஏற்ற உணவுகள். அதேபோல் தினசரி இரண்டு வாழைப்பழம் சாப்பிடுவதும் மலச்சிக்கல் ஏற்படாமல் தடுக்கும்.

தானிய உணவுகள்

தானிய உணவுகள், கோதுமை ப்ரெட், போன்றவை எளிதில் ஜீரணமாகும். தேவையற்ற கழிவுகள் வெளியேற உதவும். அதேபோல் தினசரி உண்ணும் உணவு எளிதில் ஜீரணமாக தண்ணீர் அவசியம் பருகவேண்டும். இது போல் பால், பழரசங்களை உணவில் சேர்த்துக்கொள்ளவேண்டும். இந்த உணவுகளை தவறாமல் உட்கொள்வதன் மூலம் ஜீரணமண்டல கோளாறு ஏற்படாமல் தவிர்க்க முடியும் என்கின்றனர் மருத்துவர்கள். இதுபோன்ற எளிதில் ஜீரணமாகக் கூடிய உணவுகளை உண்பதன் மூலம் தேவையற்ற கொழுப்புகள் சேர்வது தடுக்கப்படும் தொப்பை ஏற்படாது வயிறு ப்ளாட்டாக இருக்கும்.

Disclaimer: இந்தக் கட்டுரையில் வழங்கப்பட்ட தகவல்கள் பொதுவான தகவல் மற்றும் கல்வி நோக்கங்களுக்காக மட்டுமே, மேலும் இது தொழில்முறை மருத்துவ ஆலோசனை, நோயறிதல் அல்லது சிகிச்சைக்கு மாற்றா பகிரப்படவில்லை. மருத்துவ நிலை குறித்து உங்களுக்கு ஏதேனும் கேள்விகள் இருந்தால் உங்கள் மருத்துவர் அல்லது தகுதிவாய்ந்த சுகாதார வழங்குநரின் ஆலோசனையைப் பெறவும்.