For Quick Alerts
ALLOW NOTIFICATIONS  
For Daily Alerts

    இந்த செடிக்கு பேரே இன்சுலின் செடியாம்... இது தெரியாம நாம சர்க்கரை நோய்க்கு மாத்திரை சாப்பிடறோம்...

    |

    சர்க்கரை நோய் என்றாலே 'அது பணக்காரர்களுக்கு வரும் நோய்' என்பார்கள். ஆனால் தற்போது அது எல்லா தரப்பு மக்களையும் பாதித்து வருகிறது. உலகம் முழுவதும் இந்த சர்க்கரை நோய் வேகமாக பரவி வருகிறது என்பது தான் உண்மை. அதிலும் இந்தியாவில் ஏராளமான மக்கள் சர்க்கரை நோயால் பாதிப்படைந்துள்ளனர். எனவே இது குறித்து புதுசு புதுசா ஆராய்ச்சிகளும் புதுப் புது மருந்துகளும் கண்டுபிடித்த வண்ணம் உள்ளனர். அப்படி தற்போது கொண்டு வரப்பட்ட ஒன்று தான் இந்த இன்சுலின் செடி என்பது. இது ஒரு மேஜிக்கல், இயற்கை மூலிகை என்றே கூறலாம். இந்த செடியை கொண்டு சர்க்கரை நோய் மட்டுமல்லாது சிறுநீரகக் கற்கள், இரத்த அழுத்தம் மற்ற பிரச்சினைகளையும் சரி செய்ய இயலும்.

    benefits of insulin plant

    கடந்த ஐந்தாண்டுகளில் மட்டும் இந்தியாவில் நீரிழிவு நோய்களின் தாக்கம் பெருமளவு அதிகரித்து உள்ளது என்று ஆய்வறிக்கைகள் தெரிவிக்கின்றன.

    பேஸ்புக்கில் எங்களது செய்திகளை உடனுக்குடன் படிக்க க்ளிக் செய்யவும்
    இன்சுலின் செடி

    இன்சுலின் செடி

    Image Courtesy

    இதனால் காஸ்டஸ் பிக்டஸ் என்ற இந்த இன்சுலின் செடியின் தேவையும் இப்பொழுது அதிகரித்து வருகிறது.' இந்த இன்சுலின் செடி இருந்தாலே போதும் உங்கள் சர்க்கரை நோய்க்கு பை பை' சொல்லிடலாம் என்று எங்கு பார்த்தாலும் விளம்பரங்களும் பரவி வருகிறது.

    இது நீரழிவு நோயாளிகளுக்கு மட்டுமல்லாது ஆரோக்கியமாக உடலை பேண விரும்புவர்களுக்கும் பயன்களை அள்ளித் தருகிறது.

    MOST READ: உங்க ஆண்குறியில் இந்த அறிகுறிகள் இருந்தா ஆண்குறி புற்றுநோய் வரலாம்... செக் பண்ணுங்க...

    பைட்டோ கெமிக்கல்கள்

    பைட்டோ கெமிக்கல்கள்

    Image Courtesy

    ஹெக்டே ராவ் என்பவரால் நடத்தப்பட்ட ஆய்வின் படி இந்த இன்சுலின் செடியில் உடம்புக்கு தேவையான இரும்புச் சத்து, புரோட்டீன் மற்றும் ஆன்டி ஆக்ஸிடன்ட்களான டோகோபரோல், அஸ்கார்பிக் அமிலம், ஸ்டீராய்டுகள், β- கரோட்டின், டெர்பெனோயிட்கள் மற்றும் ஃபிளவனாய்டுகள் போன்ற சத்துக்கள் அடங்கியுள்ளன என்பது தெரிய வந்துள்ளது.

    மற்றொரு ஆய்வு

    மற்றொரு ஆய்வு

    Image Courtesy

    இது குறித்த மற்றொரு ஆய்வின் படி இந்த செடியின் சாற்றில் பைக்டோ கெமிக்கலான கார்போஹைரேட்ஸ், புரோட்டீன்ஸ், டிரைட்டர் ரெனாய்டுகள் அல்கலைடுகள், சபோனின்கள், டானின்கள் மற்றும் ப்ளோனாய்டுகள் அடங்கியுள்ளன.

    இலையில் உள்ள சத்துக்கள்

    இலையில் உள்ள சத்துக்கள்

    Image Courtesy

    இது போக இந்த செடியின் இலையில்

    21.2% - நார்ச்சத்து

    5.2%-பெட்ரோலியம் ஈதர்

    1.33% - அசிடோன்

    1.06%-சைக்ளோஹெக்சன்

    2.95%-எத்தனால்

    டெர்பெனாய்டு, லுபேல் கலவை

    அதன் தண்டுப் பகுதியில் ஸ்டீராய்டு கலவை (ஸ்டிக்மாஸ்டரோல்)

    ரைசோம் பொருட்களான (க்யுர்செடின் மற்றும் டயோசினீன்)

    தாதுக்கள்

    இதைத் தவிர தாதுக்களான பொட்டாசியம், கால்சியம், குரோமியம், மாங்கனீஸ், காப்பர் மற்றும் ஜிங்க்

    இன்சுலின் செடியின் பயன்கள்

    டயாபெட்டீஸ்க்கு தீர்வளித்தல்

    டயாபெட்டீஸ்க்கு தீர்வளித்தல்

    இந்த செடி இரத்தத்தில் உள்ள அதிகப்படியான சர்க்கரை அளவை குறைக்கிறது. இதன் இலையில் உள்ள ப்ரக்டோஸ் சர்க்கரை அளவை கட்டுப்பாட்டுக்குள் கொண்டு வருகிறது. எனவே இந்த இலையை தொடர்ந்து சாப்பிட்டு வந்தால் சர்க்கரை நோய் குணமாவது மட்டுமல்லாது அதனால் ஏற்படும் ஊட்டச்சத்து குறைபாடு, உறுப்புகள் செயலிழப்பு போன்றவையும் வராமல் தடுக்கிறது.

    MOST READ: மினரல் வாட்டரை சுட வைக்கலாமா? வைத்தால் என்ன ஆகும்?

    சீரண சக்தி

    சீரண சக்தி

    பலவிதமான சத்துக்கள் அடங்கிய இதன் இலை, நமது குடலில் வாழும் ஈகோலி பாக்டீரியா மாதிரியே செயல்படுகிறது. இதனால் நமது சீரண சக்திக்கு துணை புரிகிறது. இதன் புரோபயோடிக் தன்மை உணவை எளிதாக சீரணிக்கச் செய்து ஊட்டச்சத்துக்களை உறிஞ்சும் நல்ல பாக்டீரியாக்களை உற்பத்தி செய்கிறது. இலையில் உள்ள ப்ரக்டோஸ் குடல் இயக்கத்திற்கு உதவுகிறது.

    ஆன்டி ஆக்ஸிடன்ட்கள்

    ஆன்டி ஆக்ஸிடன்ட்கள்

    இந்த செடியின் ஆன்டி ஆக்ஸிடன்ட்கள் தன்மை உடல் செல்கள் அழிவதை தடுத்து உடல் செல்களை பாதுகாக்கிறது. நம்முடைய உடலில் எதிர்ப்பு சக்தியைத் தூண்டி, உடலுக்குத் தேவையான ஆண்டி ஆக்சிடண்ட்டுகளையும் இந்த செடியானது நமக்குக் கொடுக்கிறது.

    ஆரோக்கியமான சிறுநீரகம்

    ஆரோக்கியமான சிறுநீரகம்

    இதிலுள்ள சோடியம் மற்றும் நீர்ச்சத்து நமது சிறுநீரகம் மற்றும் சிறுநீர்ப்பை ஆரோக்கியமாக இருக்க உதவுகிறது. இதன் இலைகள் மற்றும் ரைசோம் இந்த தன்மையை கொண்டுள்ளது.

    ஆன்டி பாக்டீரியல் தன்மை

    ஆன்டி பாக்டீரியல் தன்மை

    இந்த தாவரத்தின் மெத்தனோலிக் சாறு பாசிலஸ் மெக்டேரியம், பேசில்லஸ் செருஸ், ஸ்டாஃபிலோகோக்கஸ் ஆரியஸ் மற்றும் எஸ்கெரிச்சியா கோலி, சூடோமோனாஸ் ஏருகினோசா, க்ளெப்சியேலா நிமுனோனியா மற்றும் சால்மோனெல்லா டைஃபைமூரியம் போன்ற கெட்ட பாக்டீரியாக்களை அழித்து கழிவுகளை வெளியேற்றுகிறது.

    கல்லீரல் பிரச்சினைகள்

    கல்லீரல் பிரச்சினைகள்

    கல்லீரலில் படிந்து இருக்கும் கொழுப்புகள் மற்றும் நச்சுக்களை உடைத்து வெளியேற்றுகிறது. எனவே இதை தொடர்ந்து சாப்பிட்டு வந்தால் கல்லீரல் தொடர்பான பிரச்சினைகள் வராது.

    நோயெதிர்ப்பு சக்தியை அதிகரித்தல்

    நோயெதிர்ப்பு சக்தியை அதிகரித்தல்

    இந்த செடியின் ஆன்டி ஆக்ஸிடன்ட்கள் தன்மை நமது உடலின் நோயெதிர்ப்பு செல்களை தூண்டி நோயெதிர்ப்பு சக்தியை அதிகரிக்கிறது. இதனால் நம்முடைய உடலின் நோயெதிர்ப்பு மண்டலமும் வலுப் பெறுகிறது.

    புற்றுநோய் வராமல் தடுக்க

    புற்றுநோய் வராமல் தடுக்க

    இந்த செடியில் புற்று நோயை எதிர்க்கும் தன்மை மற்றும் புற்று நோய் செல்களின் பெருக்கத்தை தடுக்கும் பண்பு உள்ளது. இதன் ஆன்டி ஆக்ஸிடன்ட்கள் புற்று நோய் செல்களை எதிர்த்து போரிடுகிறது. குறிப்பாக HT 29 மற்றும் A549 புற்று நோய் செல்களுக்கு பயனளிக்கிறது. இதை தொடர்ந்து சாப்பிட்டு வந்தால் புற்றுநோய் செல்களின் வளர்ச்சியை தடுக்கலாம்.

    MOST READ: தினமும் முட்டை சாப்பிட பிடிக்காதவர்கள் முழு புரதமும் கிடைக்க வேறு என்ன சாப்பிடலாம்?

    கொலஸ்ட்ராலை குறைக்க

    கொலஸ்ட்ராலை குறைக்க

    இந்த செடியின் நீரில் கரையும் தன்மை இரத்தத்தில் குளுக்கோஸ் உறிஞ்சுவதை மெதுவாக்குகிறது. இதனால் போதுமான இன்சுலின் சுரப்பு ஏற்படுகிறது. கொழுப்பும் உறிஞ்சப்படுவது மெதுவாகி,இரத்தத்தில் கொலஸ்ட்ரால் அளவை குறைத்து விடுகிறது. இதனால் இதய நோய்கள், பக்கவாதம் போன்ற பிரச்சினைகள் இல்லாமல் வாழ முடியும்.

    தொண்டைப் புண்

    தொண்டைப் புண்

    இந்த செடியின் அழற்சி எதிர்ப்பு தன்மை சுவாச பாதையில் ஏற்படும் அழற்சியை போக்கி தொண்டை புண், இருமல் போன்றவற்றிற்கு நிவாரணம் அளிக்கிறது.

    இரத்த அழுத்தத்தை கட்டுப்படுத்துதல்

    இந்த செடியை தொடர்ந்து சாப்பிட்டு வரும் போது உயர் இரத்த அழுத்தம் குறைகிறது.

    ஆஸ்துமா

    ஆஸ்துமா

    இந்த செடியின் அழற்சி எதிர்ப்பு தன்மை சுவாச பாதையில் ஏற்படும் அழற்சியை போக்கி ஆஸ்துமாவை குணப்படுத்துகிறது. நுரையீரல் தசைகளை இறுக்கமாக்காமல் ஆஸ்துமாவிலிருந்து நிவாரணம் தருகிறது.

    சாப்பிடும் அளவு

    இந்த செடியை சாப்பிடும் அளவு ஒவ்வொருத்தர் உடல் நிலையை பொருத்து மாறுபடுகிறது. ஒரு நாளைக்கு இரண்டு வேளை இதை சாப்பிடலாம். அதிகமாக எடுத்துக் கொள்ள வேண்டும் என்றால் மருத்துவரை அணுகி ஆலோசனை பெறுவது நல்லது. காலையில் ஒரு வேளையும் இரவில் படுப்பதற்கு முன்பும் எடுத்து கொள்ளுங்கள். இலைச் சாறு அல்லது இலைகளைக் கொண்டு தேநீர் தயாரித்து கூட பருகி வரலாம்.

    இன்சுலின் இலைச் சாறு தயாரிப்பது எப்படி

    இன்சுலின் இலைச் சாறு தயாரிப்பது எப்படி

    10-15 இன்சுலின் இலைகளை எடுத்து சுத்தமாக கழுவி கொள்ளுங்கள்.

    அதை சிறியதாக நறுக்கி சூரிய ஒளியில் காய வையுங்கள்.

    இலையை பிழிந்து பார்த்து நன்றாக காய்ந்துள்ளதா என்பதை அறிந்து கொள்ளவும்.

    நன்றாக காய்ந்த இலைகளை ஒரு காற்று புகாத டப்பாக்களில் அடைத்து வைக்கவும்

    1 கப் தண்ணீரை எடுத்து நன்றாக கொதிக்க வையுங்கள்.

    கொதித்த தண்ணீரை ஒரு டம்ளரில் ஊற்றி அதில் இலைகளை போடவும்

    தண்ணீர் ப்ரவுன் நிறமாக மாறும் வரை காத்திருக்கவும்.

    இந்த தண்ணீரை தொடர்ந்து குடித்து வந்தால் நல்ல பலன் கிடைக்கும்

    MOST READ: இந்த 2019 இல் மோடி அல்லது ராகுல் - யாரோட ஜாதகம் (நட்சத்திரம்) ஜோரா இருக்கு?

    இன்சுலின் இலை டீ

    இன்சுலின் இலை டீ

    தேவையான பொருட்கள்

    5-7 இன்சுலின் இலைகள்

    4 கப் தண்ணீர்

    தேன்

    பயன்படுத்தும் முறை

    இன்சுலின் இலைகளை கழுவி காய வைத்து எடுத்து கொள்ளுங்கள்.

    ஒரு பாத்திரத்தில் தண்ணீரை கொதிக்க வையுங்கள்.

    கொதிக்கின்ற தண்ணீரில் இலைகளை போடவும்.

    தண்ணீர் பாதியளவு வற்றும் வரை கொதிக்க விட வேண்டும்.

    பிறகு வடிகட்டி ஒரு கப்பில் எடுத்து கொள்ளுங்கள்.

    பிறகு சுவைக்கு தேனை சேர்க்கவும்.

    பக்க விளைவுகள்

    பக்க விளைவுகள்

    நல்லது இருக்கையில் ஒரு சில பக்க விளைவுகளும் இருக்கும்.

    ஆனால் இந்த இன்சுலின் செடியை பொருத்த வரை குறைந்த அளவே பக்க விளைவுகள் உள்ளன.

    கருவுற்ற பெண்கள், பாலூட்டும் தாய்மார்கள் இந்த செடியை சாப்பிடக் கூடாது. ஏனெனில் இது ஹார்மோன்களில் மாற்றத்தை ஏற்படுத்தலாம்.

    இலையை அப்படியே பச்சையாக சாப்பிடுவதை தவிருங்கள். இதன் கடினமான தன்மை எரிச்சலை உண்டு பண்ணக் கூடும்.

    பேஸ்புக்கில் எங்களது செய்திகளை உடனுக்குடன் படிக்க க்ளிக் செய்யவும்

    English summary

    benefits of insulin plant

    Insulin plant was introduced to India in recent times. The plant has been regarded as being a magical, natural cure for diabetes.
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Boldsky sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Boldsky website. However, you can change your cookie settings at any time. Learn more