2018 லேக்மீ ஃபேஷன் வீக்கில் மனைவியுடன் ராம்ப் வாக் நடந்த ஷாஹித் கபூர்!

நடந்து கொண்டிருக்கும் 2018 ஆம் ஆண்டின் லேக்மீ ஃபேஷன் வீக்கில் பல்வேறு டிசைனர்கள் தங்களது புதிய கலெக்ஷன்களை வெளியிட்டு வருகின்றனர். அதில் டிசைனர் அனிதா டாங்ரேவின் கலெக்ஷன்களும் வெளிவந்தன. அனிதா டாங்ரே தனது கலெக்ஷன்களுக்கு அழகிய இளம் தம்பதியரான ஷாஹித் கபூர் மற்றும் அவரது மனைவி மிரா ராஜ்புட் அவர்களை ஷோஸ்டாப்பராக கொண்டு வந்தார்.

பத்மாவத் திரைப்படத்தில் முக்கிய கதாபாத்திரத்தில் நடித்த ஷாஹித் கபூர், இந்த லேக்மீ ஃபேஷன் வீக்கில் தனது மனைவியுடன் ஷோஸ்டாப்பராக வந்தது பலரது கவனத்தையும் இந்த டிசைனரின் ஷோவைக் காண வைத்தது எனலாம். குறிப்பாக ஷோஸ்டாப்பராக வந்த ஷாஹித் கபூர் அழகிய வெள்ளை நிற ஷெர்வானி சூட்டையும், மிரா ராஜ்புட் வெள்ளை நிற லெஹெங்கா சோளியும் அணிந்து க்யூட்டாக இருந்தனர்.

ஷாஹித் கபூர் அணிந்திருந்த ஷெர்வானியில் எவ்வித டிசைன்களும் இல்லை. மிரா ராஜ்புட் அணிந்து வந்த லெஹெங்கா மோடிஃப் பிரிண்ட்டுகளை உடல் முழுவதும் கொண்டிருந்தது, அவரை மிகவும் அழகாக காட்டியது. அதோடு லெஹெங்காவிற்கு மிரா அணிந்து வந்த மேட்ச்சான ஆபரணங்கள் மற்றும் தலையில் வைத்திருந்த பூ ஹேர் பேண்ட் மிராவை இன்னும் சிறப்பாக காட்டியது எனலாம்.

இந்த ஃபேஷன் வீக்கில் ராம்ப் வாக் நடந்த இந்த ஜோடி தங்களது திருமண தருணத்தை உணரும் வகையில் இருந்தது என்று கூறினர். இந்த தம்பதிகளைத் தொடர்ந்து, மாடல்களும் அனிதா டாங்ரே வடிவமைத்த உடைகளை அணிந்து ராம்ப் வாக் நடந்து வந்தனர்.

உங்களுக்கு இந்த ஜோடியின் ராம்ப் வாக்கைக் காண ஆசையாக உள்ளதா? அப்படியெனில் தொடர்ந்து பாருங்கள்.